Ammi ko uski shaadi ki bari fikar thi, jo bhi aata unse apni fikar share karti, "Zara aap Ambreen ke liye larka dekhein, sab se yehi kehti. Ammi ko ziyada tar Ambreen ke dabte rang se darr tha. Usay bhi ammi ki har waqt ki fikar se chirr thi. Abhi uski umar bhi shaddi ki naa thi, ek to usne abhi matric ka imtehan diya tha aur sooch rahi thi ke ab ke holidays acchi tarha maanaongi, Api ke paas bhi jaake rehne ka plan sooch rakha tha. Ammi apni fikar mei ye bhi har baar kehti ki sheereen ke liye itna accha rishta aaya tha ayese kassh ambreen ke liye bhi aajaye. Aur ek din Allah ne unki sunli. Shereen aapi saas milne ke liye aayi thi aur Ambreen ka rishta apne doosre bete, Adil ke liye maanga. Wo apni MBA ki parhayi ke liye America jaaraha tha 5 saal ke liye, aur wo chahte thay ki uske jaane se pehle uski shaadi kardein. Ammi ko kya tha, wo to bohat khush thi aur Shereen api bhi apne saas ki tareef karte na thakti thi. Ambreen ko jahan apne api ke saath rehne ki khushi thi wahan ye bhi afsoos tha ke wo apni choti behan ke saath guddi gudia ki shaadi na kar sakegi kyun ke ab uski hi shaadi ho rahi thi. Usko Farheen ke akele hojaane ka roona araha tha, phir ye soonch kar sukoon tha ke ammi ke liye accha hai wo apna poora waqt Farheen ko dia karegi. Waise bhi abbu ke job jaane ke baad wo apne kamoon mei busy rehti thin. Mashallah se unke 3 Beitiyaan theen, Shereen, Ambreen aur Farheen. Shereen ki shaadi ko do saal hogaye thay unki ek bohat pyara beta hai, Humza jo sabka chaheeta hai.
Dekhte hi dekhte shaadi ka din bhi aagaya aur wo jo shereen api ke sasural holidays mei rehna sooch rahi thi wo hamesha ka hogaya aur wo unke ghar bahu ban kar aagayi. Adil ko jaise ek jhatka sa laga jab usne Ambreen ko dekha. Wo Shereen ko dekh kar samjha tha ke unki behan bhi waisi hi hogi. Itefaq se wo Ambreen ko phele kabhi na dekh saka. Jab wo loog kabhi ghar aatay to wo ghar se bahar hota aur Rahil aur Shereen ki shaadi mei itna busy tha ke mauqa hi nahi mila. Aur jab aaj ambreen ko dekha to usko wo zara bhi pasand nahi aayi, aur khaas kar ke uska sanwala rang, usko to bohat hi gori rang ki larki chahiye tha. Wo bas itna hi keh saka ke "aap jaakar apna dress change karlein." Jab Ambreen wapis aayi to wo soo chukka tha aur wo ek tik Adil ko dekhte rehgayi. Wo bohat khush thi usko itna handsome shuhar mila, wo to Farheen ke saath gudda guddi se khelti rahi aur usko pata bhi na tha ke kismet uske saath kya khel khelrahi hai.
Lekin wo sab baton se befikar ye sooch kar ke shaadi sirf acchay kapre pehnna aur sab se hans kar baat karna ka naam hai, khush hojaati thi. Adil usey waqt hi nahi de raha tha, wo to apne jaane ki dhum mei laga tha, usay Aagaji aur ammi ji par bohat gussa tha ke unhoonne jaldi mei uski zindagi karaab kardi hain.
Dekte dekhte, uske jaane ka waqt aagaya, uske jaane ke baad ambreen bohat udaas hogayi jab ke wo kabhi ussay pyaar ki baat to kya seedhi seedhi baat bhi nahi karta tha. Aagaji aur ammi ji ko Ambreen aur adil ki kamooshi bohat kuch keh gayi, aur wo khud ko ambreen ka mujrim samajhne lage. Wo dono usko bohat pyaar karte thay aur usko pyaar se Abi pukarte thay aur phir uska naam Abi hi hogaya. Jaise waqt guzar raha tha wahan aaga ji ko abi ki fikar ho rahi thi aur phir unhein hal mil hi gaya, aur unhoon ne usey college mei dakhila karadia.
Phir wo college jaane lagi ussey uski udaasi bhi door hoti rahi, aur phir Sheereen api ke bete se dil lag jaata tha, aur bhi ek doost tha uska, wo tha uska sabse chota devar, Sharjeel jise sab Shajji kehte thay. Wo usi ki umar ka tha aur un dono ki bohat acchi doosti hogayi thi. Adil ka kabhi kabhi phone aata tha aur wo hamesha ussey ek ajnabi ki tarah baat karta tha jisse wo bohat udaas hojati thi aur Sharjeel usey hasaya karta tha. Adil bhi apni parhayi kar raha tha aur ye phir waqt guzarta jaaraha tha. Abi kabhi apni ammi to kabhi apne sasural mei rehti thi. Ghar mei wo sabki chaheti ban chuki thi, Adil ki ek phopu jo bewa thi wo bhi sab ke saath rehti thein aur Aaga ji ke bachoon ko apni aulad samjhati thi, unki khud ki koyi aulad nahi thi. Wo bhi Abi ko bohat chahti thi, aur Abi bhi sab ke kaam bohat khushi se karti thi, par jisey chahna tha wo to bohat duur ja beitha tha.
Isi tarah saal guzarte gaye, api ko humza ke baad Anas aur phir ek guria hogayi jiska naam Mariam rakha. Wo to jaise sabki ankhoon ka tara bangayi thi, ammiji aur aagaji ki khushi ki inteha na thi. Unke ghar ek bhi beti na thi, Allah ne unko 4 bete diye, ab ek guri bhi milgayi thi. Abi bhi college se aane ke baad ise hi khelne lagti thi. Wo jab bhi test hota to maike chali jaati kyun ke ghar mei api ke larke parhne nahi dete. Ye saal uskay studies ka last year tha aur wo bhi parhayi bhi bohat busy hogayi thi aur us par Adil ke doosre bhai, Nabeel bhai ki shaadi ki tayari shuru hogayi thi. Phir se jaise ghar mei khushiyoon ke rang phelgaye, har koyi bharh char kar hissa leraha tha. Khushi bhi to 5 saal baad aayi thi, in saloon ne abi ko bhi bohat kuch dia. Wo ab pehle jaisi na rahi thi, aankh naksh to pehle se hi acchay thay bas nahi tha to wo rang jo shaadi ke baad khil sa gaya tha. Jo bhi dekhta wo apni nazar hatana bhool jaata, aur wo sab se ghul mil kar bohat baatein karne lagi thi par uski masoomiyat aur bachpana nahi gaya tha. Har waqt kisi na kisi se baatein karti aur har kisi ko hasaya karti, kabhi api to kabhi Biji jo apni halaat se chirchiri hogayi thi aur aksar gussey mei rehti thi. Phir bhi Abi ayese mei bhi unse batein karti aur unke gussay ka maza letein.
Shaadi ki tayyari chal rahi thi, sab apni tayyarioon mei thay.
Abi bhi api ke saath jaa kar shaadi waale din ka lengha leaayi, aamiji ko batane ke liye taizi se seerioyon se utar kar jaise hi angan mei aayi, ek dumse kisi se takraagayi, usko to din mei tare nazar aagaye,
"dekh kar nahi chal sakte? Meri naak shayed toot gayi, Kaun hai aap? Na koi dastak na awaaz, ayese kaise andar chale aaye?"
Wo bhi thaka hua tha, ek to itni zor se takkar hojaane par aur uske itne sawaal se ek dum gussey mei aagaya. "Mujhe apne ghar mein aaney ke liye kisi se bhi ijazat ki zaroorat nahi hai."
Ye keh kar wo ruka nahi, aur wo usey hairat se dekhte rehgayi.
Phir wo jaise hi ammi ji ke paas gayi, wo khushi se Abi ko gale se laga kar kehne lagi ke "Abi, Mera beta Adil wapas aagaya!!!!!"
To be continued!!!!!!!!!!!!!!!! Stay Tuned!
comment:
p_commentcount