~Ehsaas~ek mulaaqat.........SS....updated last part on page 16 - Page 11

First Previous

page

Next Last

faizari

@faizari

Goldie

Posted: 10 years ago

Wow Shagu

so beautiful & well written ❤️

Thanks for this post 🤗

Quote

Frequent Posters

Archana

@Archi21

IF-Sizzlerz

Posted: 10 years ago

Shagu ⭐️
ye update mixed emtions se bhara hai

Khariyat janene ka dar

khariyat jaan kar sukun

Tara ke behoshi mein bhi uss se mj ki baate 👏

haatho mein haath ⭐️

wo ek tak niharna ⭐️

aur phir se bechani..

bas intezar hai iss sleeping beauty ke jagne ka

intezar...
Ehsaas ⭐️ Edited by Archi21 - 10 years ago

Quote

Shagufta

@ShagufElina

IF-Rockerz

Posted: 10 years ago

This content was originally posted by: Archi21
Shagu ⭐️
ye update mixed emtions se bhara hai

Khariyat janene ka dar

khariyat jaan kar sukun

Tara ke behoshi mein bhi uss se mj ki baate 👏

haatho mein haath ⭐️

wo ek tak niharna ⭐️

aur phir se bechani..

bas intezar hai iss sleeping beauty ke jagne ka

intezar...
Ehsaas ⭐️

thabks Archu...🤗

Quote

Shagufta

@ShagufElina

IF-Rockerz

Posted: 9 years ago

Part 10:

Intezaar ka lamhaa mushkil hota hai...issliye nahi ki uska intezaar hai...par issliye...ki uske thik hone ka intezaar hai...

Waqt guzar raha hai...par usse abtak hosh nahi aa raha...

Bench pe baithe...usski neend tootne ka intezaar kar raha hun...

Kya karoon...uske siwa koi chaara nahi...

Raat ke 1 baj rahe the...

Achanak nurse aayi ...ussne kaha...

Aap jaldi aaiye...aapke patient ko hosh a raha hai...main doctor ko bulaati hun...

Meri khushi ki intehaa na rahi...main daud kar room ki taraf bhaaga...sheeshe mein se dekha aur ander ghuss gaya...

Ussne dheere se apni aankhen kholi apni naazuk si palkon ko upar kiya...

Saamne tha main tanha...

mujhe dekh usske chehre par halki si muskaan aa gayi...main aur khush ho gaya...

Woh mujhe ab bhi pehchaanti hai...

Par yeh kya...

Usske chehre ke andaaz badal gaye...

ussne dheeme lehje mein kaha...

"Tum"

Utne mein doctor aa gaye...

Unhone uss ka check-up kiya...woh hosh mein toh aa gayi thi ...aur thik bhi thi...

Doc: she is absolutely fine...bt she wil there under observation for 2 days...

Par Tara ne ussi waqt doctor se poocha...

"Doctor main yahan kaise...mujhe kya hua tha..."

Doc: aap ko yeh lekar aaye the...he wil explain...

Aur doctor wahan se chale gaye...

Ab sirf main aur woh...

Ussne phir poocha...

"Main yahan kaise..."

Maine bataya...ki accident hua tha...aur jaise tum mili main tumhe yahan le aaya...tum hosh mein bhi aayi thi...kya tumhe yaad nahi..."

Woh rone lagi...na jaane kyun...

Maine poocha " kya hua...pls ro mat...tumhari tabiyat par asar hoga..."

"mujhe kuch pata nahi...kuch yaad nahi aa raha...bas itna yaad hai...road cross kar rahi thi...usske baad kya hua mujhe pata nahi...aur jab aankh khuli toh tumhe dekha...abhi ..."

Maine kaha...

"kya sach mein tumhe kuch bhi yaad nahi...tum yahan kaise aayi...kyunki uss waqt toh hosh mein thi..."

Tara:" Nahi...kuch bhi nahi..."

Yeh sun meri aas toot gayi...mera ishaara unn baaton ki taraf tha...jo ussne mujhse kahi...uss haalat mein...par usse yaad nahi...

Woh pareshaan hone lagi...yeh soch kar...

Maine kaha..."pareshan na ho...koi baat nahi...apne ghar waalon ka number dedo...toh hum unhe inform kar de..."

Tara: haan ...pls unhe batado...papa...bhaiyya bht pareshaan honge...

Waise kitne baj rahe hai...

" 2 baj rahe hai..."

Tara: " kya ???? Itna waqt...pls unhe jaldi batao..."

Isse pehle ki meri aankhon se aansun...ussi ke saamne gir pade...maine munh pher liya...

Kyunki main usse apne aansun nahi dikhaa chaahta...

Main room se bahar nikal aaya...

Sidd ko number diya aur kaha...inform kar de...main uss haalat mein na tha...

Rona kyun aaya main jaanta nahi...

Woh uss lamhe ko bhool gayi ussliye...ya phir main usske saamne khada hokar bhi usse apne hone ka ehsaas nahi dila paa raha ...

Woh ab bhi pareshaan thi...

Shayad woh saari baatein bhool gayi...yeh mujhe zyaada takleef de raha tha...

Sidd ne mujhe yunh dekha...toh aake mere paas baitha...

Main usse gale lag kar ro pada...

Sidd: kya hua yaar...ab toh woh thik hai...ab kyun ro raha hai...

Maine kaha...kya karoon yaar...usse kuch bhi yaad nahi...jo jo baatein ussne mujhse Car mein kahi...usse kuch bhi yaad nahi...

Sidd: ek kaam kar pehle hum doc se poochte hai...chal...

Hum doc ke paas gaye...usse poocha...

" Accident ke baad woh jo baaatein kar rahi thi...woh usse kyun yaad nahi..."

Doc: see ...tht time...she was in delerious condition...so uss waqt jo bhi hua...woh uske subconcious mind mein chala gaya...par aap yeh kyun jaanna chahte ho...

Sidd: Aise hi...

Doc: yeh toh Achcha hi hai...jo bura waqt tha usse yaad nahi...and dont force her...if she wil ask also...comforts her...

Hum waaps baahar aa gaye...

Maine socha...

Ab main kya kahun...jiss lamhe ko maine jiya...uss waqt...uss pal...

Jo ussne kaha...apne ehsaas ka izhaar...meri baat...meri yaad...yeh woh lamhaa tha...

Jisse doc bura keh rahe hai...uss lamhe ka jawaaz koi nahi...uss pal ne mujhe kitni khushi di thi...

mujhe meri Tara di thi...

mere ehsaas ko takmeel di thi...

mere intezaar ko manzil di thi...

Mere justoojoo ka haasil thi...

Uss waqt mujhe wih pata chala jo pichle ek saal se main na jaanta tha...apne hi waham mein jee raha tha...

Par usse woh yaad nahi...ab main kya karoon...

Sidd: mere bhai...dekh jo hota hai...achche ke liye hota hai...

Mujhe itna tez gussa aaya...yeh kitaabi baatein sirf kehne ki hoti hai...

Maine jaise gusse se Sidd ki taraf dekha...aur gala dabane jaisa action kiya...woh peeche hatt gaya...

Sidd: mere bhai...

Maine kaha..."chup ho jaa...issmein tujhe kya achcha nazar aa raha hai..."

Sidd: arre...

Main: "chup ek dam chup ho jaa...saara gussa tujhpar nikaal dunga..."

Main abhi thoda der pehle ro raha tha...ab gussa kar raha hun...woh bhi Sidd par...

Yeh mere saath kya ho raha hai...har cheez haath aate aate choot jaati hai...

Tara gayi toh note chod kar...mili toh behosh...jab izhaar kiya toh ab yaad nahi...

Main kya karoon...

Sidd: mere yaar ...pehle baat toh sunn...

"Dekh...tu usse chahta hai..."

Maine kaha..."haan"

Sidd:" Woh tujhe chahti hai..."

Maine phirse kaha " haan"

Sidd: Arre mere yaar...tujhe yeh toh pata hai na...ki woh bhi tere khayaalon mein mast hai...par yeh baat usse nahi pata...ki woh yeh sab keh chuki hai...toh kya farq padta hai...

Jisse janna tha...usse pata toh chal gaya...matlab ...tu...

Ab usse nahi yaad toh kya hua...

Maine kaha..."kaise..."

Sidd: izhaar ka kya hai...kar degi...dil mein toh hai...zubaan par aa hi jaayega...par lana kaise hai...yeh ab tujhe tai karna hai...

Ab inn bakwaas baaton mein time paas karega beta ...toh ghar waale bhi aate hi honge...

Toh jo bacha kucha time hai...mil le...

Maine socha ...haan...yeh bhi sahi...

Main fauran daud kar gaya...bina time waste kiye...door ke paas jaate hi speed slow kar li...

Dheere se door khola aur ander gaya...

Jiss ke liye itni tadap...dard tha ab usse dekh utnahi sukun...

Jisske liye itna roya ab utna hi thehrao...

Darwaaza khulte hi ussne aankh kholi...aur uthne ki koshish ki...

Maine kaha...arre nahi...lete raho...aaraam karo...

Doc ne rest karne kaha hai...

Yeh kehkar mein wahan baith gya...

Woh bhi chup...main bhi chup...

Meri bhi nazrein neeche...aur uski bhi...donon ek doosre se nazrein nahi mila rahe the...pata nahi kyun...

Phir mera kya...ab kya...aisa hi kiya toh ...toh ho chali meri pyaar ki nayya paar...

Main usse phir dekhne laga...

Ussne kaha...

Tara: Mujhe nahi pata kya hua...kaise hua...mujhe yaad nahi...

Aap ne jo mere liye kiya hai...Thank u keh kar main usse chota nahi banana chahti ...

Mere paas toh lafz nahi...main kya kahun...

Yeh pehli baar nahi hai...uss baar bhi aur aaj bhi...

Kya kahun samjh nahi aa raha...

Maine socha...

"Haaaye...ab iski inn pyaari baaton par main kya kahun...yeh ladki har haal mein apna jaadoo chalati hai...

Sach kahun...koi itna pyaara kaise ho sakta hai...

Maine usse kaha...

"tara tum kuch mat kaho...doc ne tumhe aaram karne ke liye kaha hai...zyaada baat bhi mat karo..."

Woh chup ho gayi...

Phir khaamoshi chha gayi...

Ab kya...woh thoda idhar dekhti ...udhar dekhti...phir mujhe...shayad kuch poochna chaah rahi hai...

Jab uska dhyaan idhar udhar hota toh main usse dekhta...jaise hi meri taraf...

Phir main idhar udhar dekhna start kar deta ...

Phir usse raha na gaya...ussne pooch hi liya...

Tara:Mrityunjay...tum kya keh rahe the ...main kuch keh rahi thi...behoshi mein...maine kya kaha...mujhe bataoge...mujhe yaad nahi...pls...

Itne pyaar se pls kaha hai...bata dun...nahi...

Ab toh main phirse sununga...issi ke munh se wahi baatein...

"Kuch nahi aise hi...tum dhyaan mat do...inn sab par...tum thik ho...bas yahi kaafi hai..."

Tara: Achcha...Meethi Adi...Vasu...Yug...kaise hai...

Maine kaha jaan boojh kar...

"tumhe yaad hai..."

Tara:"Yaad hai ka kya matlab...mujhe har koi yaad hai...uss trip ka ek ek pal yaad hai..."

Maine phir lohe par hathoda maara...

"aur main..."

Uska lehja dheema ho gaya...chehre ki rangat badal gayi...

Tara: "tum bhi..."

Phir khud hi kehne lagi...

"yeh kaisa sawaal hai...yaad na hote toh tumhe kaise pehchaanti...bolo..."

Jo mujhe sunna tha...woh toh jawaab mujhe mil gaya...

Maine kaha...

"Offooo main jaanta hun...mazak kar raha hun..."

Tara: par haan...ek farq hai...jisse maine dekhi thi...woh itna bolta nahi tha...tum bohot bolte ho... Uss Mrityunjay ke munh se hardly maine kuch lafz sune the...

Aur tum...baaton ka khazaana lag rahe ho...

Ek saal mein aisa kya badal gaya...

Maine socha kya karoon...keh dun...

Mohtarma aap ka hi Asar hai...par na...abhi nahi...iss nayi shuruaat ko mazedaar banaya jaaye...

Maine kaha..."Mohabbat"

Usska chehra dekhne laayak tha uss waqt...bed par lete hue...par hawaiya toh udd gayi...sawaalon ne chehre ko gher liya...

Tara: mohabbat????

Main: Ji...mohabbat ...chahat...ishq...jaisa lafz toh suna hoga...achche achchon ko badal deti hai...

Isse pehle ke woh kuch aur pooche...waqt khatam hua aur entry hui Sidd ki...

Ussne kaha...Tara ke Papa aur Bhai aa gaye...main khada ho gaya...

Phirse wahi saada mizaaj ban gaya...

Aas toot kar jo bandhi hai ab khona nahi...

Waqt tham kar jo chala hai ab rukna nahi...

Quote

Archana

@Archi21

IF-Sizzlerz

Posted: 9 years ago

Shagu ⭐️
lovely update 👏

Intezar khatam...Tara ko hosh aa gaya 😃 😃

Mj ki tapasya safal hui 😃

Ankh khuli too samne mj 😃

Bechara mj dil ke hazar tukde ho gaye 🤢

sidd 😃 thank U tum ne itni bade dard-e-dil ke uljhan pal mein suljha di 👏

time ka acha use kiya hai mj ne 😉

pyar ki agan mein jal rahi hai tara 😃

beautiful explaination of ehsaas ⭐️ ⭐️ ⭐️

shayri 👏

baas tara ke izhar ka intezar. .

ehsaas ⭐️
update soon 😃 Edited by Archi21 - 9 years ago

Quote

Shagufta

@ShagufElina

IF-Rockerz

Posted: 9 years ago

This content was originally posted by: Archi21
Shagu ⭐️
lovely update 👏

Intezar khatam...Tara ko hosh aa gaya 😃 😃

Mj ki tapasya safal hui 😃

Ankh khuli too samne mj 😃

Bechara mj dil ke hazar tukde ho gaye 🤢

sidd 😃 thank U tum ne itni bade dard-e-dil ke uljhan pal mein suljha di 👏

time ka acha use kiya hai mj ne 😉

pyar ki agan mein jal rahi hai tara 😃

beautiful explaination of ehsaas ⭐️ ⭐️ ⭐️

shayri 👏

baas tara ke izhar ka intezar. .

ehsaas ⭐️
update soon 😃

Thanks Archu...🤗

Woh toh ab aage hi pata chalega...tara ka izhaar...ya Mj ka intezaar...

Quote

Shagufta

@ShagufElina

IF-Rockerz

Posted: 9 years ago

This content was originally posted by: Archi21
Shagu ⭐️
lovely update 👏

Intezar khatam...Tara ko hosh aa gaya 😃 😃

Mj ki tapasya safal hui 😃

Ankh khuli too samne mj 😃

Bechara mj dil ke hazar tukde ho gaye 🤢

sidd 😃 thank U tum ne itni bade dard-e-dil ke uljhan pal mein suljha di 👏

time ka acha use kiya hai mj ne 😉

pyar ki agan mein jal rahi hai tara 😃

beautiful explaination of ehsaas ⭐️ ⭐️ ⭐️

shayri 👏

baas tara ke izhar ka intezar. .

ehsaas ⭐️
update soon 😃

🤗Edited by ShagufElina - 9 years ago

Quote

Archana

@Archi21

IF-Sizzlerz

Posted: 9 years ago

This content was originally posted by: ShagufElina
Thanks Archu...🤗

Woh toh ab aage hi pata chalega...tara ka izhaar...ya Mj ka intezaar...

ab aur kitna tadpana hai MJ ko

Quote

Shagufta

@ShagufElina

IF-Rockerz

Posted: 9 years ago

Part 11...

Haan toh main kaha tha...

Hmmm hun toh yahi par mera dhyaan ab kahan hai... Tara ke papa aur bhaiyya aa gaye hai... Ab unki entry hogi aur meri exit...

Nahi nahi... Ab ki baar meri entry exit ke liye nahi hui... Iss baar permanent hai... Pichle baar usse haathon se jaane diya tha... Iss baar... no chance...

Jaise hi Sid ne kaha... Tara ke Papa aur Bhai ander aaye...

Main toh sharif hun... Par chehre par thodi aur sharafat aur saadgi le khada tha...

Woh fuaran Tara ke paas bhaag kar aaye... Woh hosh mein bhi thi... Apne Papa ko dekh thoda uthne ki koshish ki... Par unhone usse mana kiya... Aur lete rehne ko kaha...

Woh usske paas baith gaye... Aur uske sar par bht pyaar se haath phera aur... Pyaar bhari nazron se dekhne lage...

Usse haal khairiyat pucha... Phir poocha tumhe yahan kissne laaya...

Tara ne meri Taraf Ishara kiya... Ab uske Papa ki aur Bhai ki nazrein mujhpar thi...

Woh khade hue... Aur mere pass aakar mujhe gale se laga liya...

Aur phir mere donon haathon ko pakad kar kaha...

Tumhara shukriya kaise karun... Main nahi jaanta ... Tumne meri beti ki zindagi bachayi hai...

Tara ke Bhai ne bhi kaha... Thanks Bro... Tum nahi jaante tumne humare liye kya kiya hai...

Humari sabse qeemti cheez ki hifaazat ki hai...

Yeh toh main bhi jaanta hun... Tara kitni qeemti hai... Aap logon ke liye bhi aur mere liye bhi... Uss takleef ko Abhi saha hai... Kaise bhool sakta hoon...

Yeh sab baatein ho hi rahi thi... Itne mein uske Papa ne poocha...

"Beta aap kya tara ko jaante ho... "

Huhhh kya kahun... Kehna toh Na hi tha... Par socha ek baar uski taraf dekh lu...

Uski nazrein kya kehti hai aur kya ishaara deti hai...

Uski taraf jab dekha toh woh ishaaron mein Naa keh rahi thi...

Waah kya baat... Yeh toh ek dam meri marzi ka kar rahi hai...

Maine Naa kaha...

"Jee nahi main nahi jaanta... "

Tara ab hosh mein bhi thi aur bilkul thik bhi...

Uske Bhai ne... Sab bills wagaira check kiye...

Tab ussne Sidd se pooch liya... Par aap log toh Tara ko jaante nahi...

Phir yahan Tara naam kaise likha hai...

Maine jaldi se pohonch kar situation sambhali...

"Woh actually...jab Tara ko Car mein Hospital laa rahe the... Toh humne pooch tha... Woh sirf utna hi bata paayi... Ki her name is Tara...toh humne bhi yahi likha diya... "

Sidd ne bhi haami bhari... Aur haan kaha...

Thode bills ke baare mein baat karne ke baad... Maine kaha... We can sort it out... Baad mein... Pehle woh apni behen par dhyaan de...

Abhi Tara ko uski zyaada zarurat hai...

Yeh sab hote hue... Subah ke 4 baj gaye... Kal shaam se jo shuru hua... Ab sab thik hai...

Par thik kaise... Ab toh maamla sahi tarike se sambhalna hai... Pehle main akela tha...

Par ab... Woh log hai... Kya karun...

Tara ke paas ab woh log the main nahi...

Sidd coffee peene gaya... Main usse dhoondne ke liye gaya...

Woh ek table pe baitha coffee pee raha tha...

Main bhi uske paas jaa ke baith gaya...

Woh meri taraf bas dekhne laga... Aur kuch keh nahi raha tha...

Maine ishaare se poocha kya...

Ussne bhi isshare mein bhave utha kar kaha... Kya...

Mujhe gussa aaya main bol pada...

"Kya kehna chahta hai... "

Sidd:" Wahi toh main pooch raha hun... Kya Karna chahta hai... "

Main :" Pata nahi... Kuch socha nahi... "

Sidd:" Mere Bhai... Tune nahi socha... Par maine soch liya hai... "

Main... :" Achcha... Ab tu sochne bbi laga hai... Bakwaas mat kar... "

Sidd:" Dekh bhai... Main maanta hun... Tu mere se zyaada smart hai... Aur mujhe mere Yaar pe Naaz hai...

Par woh kya hai na... Aqalmand se Aqalmand ki budhdhi... Pyaar mein kaam karna band ho jaati hai... "

Main... :Achcha... Aur Kuch..."

Sidd: Haan mere Yaar... Dekh Banda saamne waale ki musibat ka hall nikaal sakta hai... Par khud ka waqt jab aata hai... Toh Batti gull ho jaati hai... Bolo tumhari hui hai na... "

Main.: haan yeh baat toh sahi hai...

Sidd: wahi toh keh raha hun mere Bhai... Maine ek full proof solid plan banaya hai...

When i m here no need to Fikar...

Haan main Nikamma sahi... Par yeh lovestory ka cupid toh main hi hun...

Jo karna hai... Woh tujhe karna hai mere dost... Main toh bas mufat ka adviser hun...

Main: kyun tujhe isske liye kya inaam chahiye...

Sidd: Haan haan... Ab itna mehnat... Phal toh banta hai...

Mujhe teri woh golden watch...

Tera fav waala Mp3 player...

Teri woh light blur shirt aur... Aur woh jo ek dam mehengi waali tie hai na woh...

Main uska kaan kheenchte hue...

"Aur koi farmaan hai janaab ke... Woh bhi batao... "

Woh aur main zor se hass pade...

Sidd: Mere liye Mere Yaar ki Yaari kaafi hai...

Aur ek dusre ko gale se laga liya...

Sidd: bas bas... No more talk abt our plan... Dewaar khidki... Table kursi sabke kaan hote hai...

Chalo... Chal ke dekho... Wahan kya haal hai...

Main aur Sidd phirse... Tara ke paas chal diye...

Wahan gaye... Toh Tara ke Papa aur hum... Corridor mein... Bahar khade ho baat karne lage... Woh mujhe sab poochne lage... Maine sab sab sach bataya... Ohhh lekin aadha sach... Jhoot maine kaha nahi... Aur pura Sach maine bataya nahi...

Phir unhone kaha...

"Beta ab aap jao... Aaram karo jaakar... Subah ke 5 baj gaye hai... Aapne humaari itni madad ki hai... Shukriya bht chota lafz hai kehne ko...

Sach keh raha hun... Agar zindagi mein kabhi bhi kisi bhi madad ki. Zaroorat ho... Bina jhijhak kehna... Hum hamesha tayyar hai... "

Mangna toh chahta hun... Aap ki wahi sabse qeemti cheez... ~~Tara~~

Lekin agar main kahunga... Toh aap sab galat samjhoge... Mujhe bhi... Aur mere jazbaat ko bhi... Aur main Tara ko kho dunga...

Issliye... Kuch nahi... Kehna...

Maine kaha kya main ek baar Tara se mil sakta hun... Unhone Haan kaha...

"Zaroor... Jao... "

Main ander gaya... Tara ki. Aankhen band thi... Woh so rahi thi... Socha jaga dun... Ki main jaa raha hun...

Maine khudse hi kaha...

Tara tumhare saamne khade ho aaj main apne aap se waada karta hun... Iss baar tumhe bina bataye jaa raha hun...

Par tumhe iss baar khudse door hone nahi doonga...usse bichadne phirse ek baar ehsaas hai... Par zyaada nahi... Kyunki iss baar kuch bhi pehle ki tarah nahi hoga...

Ab main... Apne aur tumhare iss dabe ehsaasat ko takmeel tak pohoncha kar rahunga...chaahe mujhe kuch bhi karna pade...

Main phir milunga Tara... Phirse... Jald hi... Mera intezaar karna...

Main zaroor aaunga...

Iss baar waaps aane ke liye jaa raha hun...

Sirf tumhare liye...

Mera Ehsaas... ~~Tara ~~..

Aur bas usse yunhi dekhte dekhte room se nikal gaya...

Usse chodte waqt achcha nahi laga... Par yeh mijhe karna tha... Kyunki main Uske Papa li nazar mein ajnabee hun... Aur ajnabee ka uss waqt wahan se jaan hi behtar hai...

Ek aakhiri nazar isse jee bhar ke dekh lun...

Jaane yeh manzar dobara kab naseeb ho...

Main bahar aakar... Uncle se Bye kaha... Aur phir main aur Sidd... Nikal gaye... Ghar ke liye...

Raaste bhar mujhe usska khayaal bechain kar raha tha...

par Sidd ke aage majboor tha...ussne mana kiya tha...

jaane woh kaunsa tikdam lagaane waala tha...woh paln kaam karne waala tha bhi ya nahi...

Usse yunh Akela chod ke jaane ka Mann na tha...par karna pada...

Doc ne kaha tha...2 din baad discharge hoga...dusre din meri meri meeting thi...oit of town...ussi din subah nikalna tha...

subah ke 6 toh baj gaye the...ek ghante mein mujhe nikalna tha...

maine jaldi se tayyar ho chala gaya...

Meeting ke beech mein ek baar Sidd ko call kar...tara ki haal khairiyat li...woh thik thi...

Aur phir raat 1 baje main ghar aaya...itna thak gaya tha...sirf do ghanta neend mili thi...meeting jaane se pehle...kal toh puri raat Tara ke saath beet gaya...

Ghar par Sidd tha...

jab usse poocha toh ussne bataya...Tara ka diacharge ho gaya...

Uss Naalayak ne sister se setting laga rakhi thi ...aur usse pehle hi pata tha...ki Tara aaj hi hospital se diacharge mil jaayega...ussne jaan boojh kar chupaya...

main usse ek mukka marna chahta tha...par woh bola...

Sidd: Bhai mere pehle meri baat toh sunn...

Ussne bataya...Tara ke Papa jab usse lene aaye toh unhone usse call kiya...bill related baat karne ke liye...kyunki woh Nurse ko apna no de aaya tha...

Wahan pohoncha toh Tara ka Bhai tha...aur Papa...kyunki Bill bhi ussi ne dekhe the toh wahi jaanta tha...

ussne Tara ke Bhai ko barabar se apni baaton ke jaal mein utara...bohot baatein ki usse...

Jab Tara ko le jaane ki baari aayi...toh Unki Car kharaab thi...

maine pucha matlab...

Sidd: "Matlab kya maine Car ek kharaab karwayi...hosp ke ek watchman ko pata liya tha...

Woh log ...ab Kaise ghar jaate... main tha Sharif Banda...maine unse kaha...aap log meri Car mein chale na...pls...mujhe Achcha lagega...

toh phir mere bhai...Tara aur Papa peeche ..aur main aur uska Bhai...aage..."

Main: Toh phir...

Sidd: Phir kya mere yaar...main unke ghar gaya...Nashta kiya...Khaana khaya...Ab itne imp shaks ko koi aise hi thodi na jaane deta hai...

Main: Kya yahan main marr raha hun...saale tu daawat uda raha hai woh bhi ussi ke ghar pe...

main usske peeche marne ko duada...hum donon thida masti kiye...thida mood fresh hua...

phir main change kiya...aur Sidd ne mujhe khana diya...

khaate waqt maine Tara ka haal poocha...

Sidd: Bhai woh bht zyaada udaas thi...unka chehra ek dam murjhaya hua tha...

ek toh aap usse mile bina gaye the na...ho sakta hai issliye...woh bass aapke hi baare mein soch rahi hogi...

Main khaakar apne bistar par lete hue ussi ke baare mein soch raha hun...whan woh pareshaan yahan main...

hum dono ka haal behaal hai...iss masle ka koi toh hall nikaana hoga...

woh bhi beqaraar aur main...

Yahan neend meri uddi hai...wahan usski...

par mere case mein...mujhe pata hai...woh mujhe chahti hai...mujhe iss baat ka toh sukoon hai...

pat usse yeh nahi pata ke mere ehsaas kya hai usske liye. ...

Jaane kab iss Ehsaas ki manzil ko kinaara milega...

Jaane kab hum do deewanon ko sahara milega...

Edited by ShagufElina - 9 years ago

Quote

Shagufta

@ShagufElina

IF-Rockerz

Posted: 9 years ago

Part 12...

Abhi kuch waqt pehle mujhe woh mila tha...

Inn chand lamho mein itni bhi kya doori hai...

Aaj usse mile ek saal 4 mahine 13 din aur 2 ghante guzre hai...

pichle ek saal se mahine gina karti thi...par inn chaar mahinon se ab toh ghante bhi gina karti hun...

Uss haadse ko aaj 4 mahine beet gaye... Aur usse mile ek arsa beet gaya... Par main kya karun...

Jab paas tha tab usse roka nahi... Aur nahi hai... Toh bass ussi ki chaah hai... Kya kahu... Aur kya karun... Jo woh mere saamne aa jaye...

Aisi koi toh raah nazar aaye... Jiss raaste par chal mujhe woh Mile... Mrityunjay...

Bas ek naam.. Mere dil-o-dimaag par chaya hua hai...

Usse mile ek arsa beeta hai... Par uske saath bitaya ek ek lamha... Mere liye sabse behtar hai... Uss yaad ko sambhale... Sahej kar... Ek saal tak apne dil ke band kamre mein mehfooz rakha...

Uss ek saal mein... Aisa koi din nahi... Jab usska khayaal na aaya ho... Aisi koi shab nahi... Jab main usse bhool paayi ho...

Aisi koi baarish ki yaad nahi... Jab woh mujhe yaad na aaya ho...

Usske saath bitaya... Bas ek raat ka waqt... Mere ek saal ke arse ka sahara hai...

Pichle ek saal se... Har roz unn yaadon ko taaza karti hun...

Kiss tarah se main usse takraa gayi.. Ussne mujhe sambhala ... Kiss tarah se hum mile... Pehle anjaane mein... Phir yunhi zara si baat... Pehle mere aage phir mere saath...

Mera girna usska sambhalna...

Main jaa giri usspar... Moment thodaa sharamsaar tha... Par pata nahi... Mujhe bht ajeeb laga... Aur thodi sharam bhi aa gayi...

Phir ek gaana... Phir barsaat ki bheegi yaad... Usska bachana... Mera dard... Usski aah meri sisak...

Ek ek pal... Jinhe lafzon mein bayaan karna mushkil hai...

Uss ka gaana... Jisska ek ek lafz mere dil mein aaj bhi zinda hai...

Maine usse keh di... Apni awaaz iss kashish ko kabhi khona matt...

Woh Yug ka usse mere naam se chedna...

Uss jungle ki taraf jaate hue baar baar mud kar mujhe dekhna...

Yunh baarsih ko dekhte hue... Uss ped ke neeche kuch waqt bitana... Jab main na chalun chot se toh mujhe utha lena...

Apni Hifaazat mein rakhna... Apna coat pehna mujhe tahaffuz ka ehsaas dilana...

Koi hai jo meri khabar rakhta hai... Koi hai jo meri fikar rakhta hai...

Sab kuch bohot alag tha... Main nahi jaanti woh sab ek achanak kya tha...

Mujhe secretly coffee ke zariye muskurane ko kehna... Mere liye chocolate...

Main jaanti hun... Usse lagta hoga... Shayad main inn sab se bekhabar hun...

Usse toh mere dil mein chal rahi halchal ki khabar bhi na hogi... Woh ek raat mein mere liye kya ho gaya...

Usse kaise pata hoga... Khamoshi donon taraf thi... Na maine kuch kaha... Aur usse kehne ummeed main kaise karun...

Aakhir woh mujhe jaanta hi kitna hai...

Hum ladkiyan bhi na... Bohot bewakoof hoti hai... Zara sa... Ehsaas ko jagaane waala mila nahi ke...

Nahi... Zara sa nahi... Woh Zara se kuch zyaada tha... Woh Mrityunjay hai... Koi. Aisa waisa nahi...

Par mai kaise soch sakti hun... Woh bohot hi special hai...

Nahi ... Ussne mere liye kiya hi aisa hai... Chodo log toh bakwaas karte hai...

Ab woh special hai toh hai... Meri nazron ne toh aaj tak uss jaisa kisi ko na dekha...

Aur ab usske aage kuch dekhne ki chaah bhi nahi...

Mujhe bachane ke baad... Utne kam waqt mein... Ussne har mumkin koshish ki meri smile ke liye...

Usse mera kitna khyaal tha... ..

Mujhe hairaani iss baat par hoti hai... Kuch ghanton mein... Aisa kya tha... Jissne mujhe usse itna qareeb kiya tha...

Woh Mrityunjay ki khaamoshi ka ehsaas tha...

Usske khyaal rakhne ka andaaz tha...

Usski baaton ka... Lafzon ka... Awaaz ka... Nazron ka... Jaane kiss ka jaadoo tha... Jaane usske kaunse Ehsaas se main mutaasir ho... Bas wahi ki reh gayi...

Mere dil mein itna kuch hai... Par kehne ke liye zubaan par kuch nahi...

Usse lag raha hoga uss waqt main... Main uss barsaat ke haadse se pareshaan hun...

Par main toh bass Mrityunjay ki har baat aur har harkat ko... Badi gehraayi se dekhne ki koshish mein masroof thi...

Uss canteen mein baithe... Main bass yahi dekh rahi thi...

Usska dheeme se palkon ko jhapkana... Jab Yug usse chede toh halka sa muskura... Nazar andaaz karna...

Jab Vasu usse pukaare toh kitne pyaar se usski har baat sunna... Mana naa karna...

Aur Adi Meethi ke sarr par... Toh ek tarah...

Shafqat ki narm chadar...

Aur inn sab ke bawajood...

Main... Usse meri har Aahat ka khayal... Jab main usse dekhun toh nazrein pher lena...

Par main kya karti... Kya kehti... Ek mulaqaat mein... Aisa Asar mujhpar...

Maine uss waqt jo song gaya tha... Shayad meri kaifiyat par khara utar raha tha...

Na main usse jaanti thi... Na woh mujhe... Phir na jaane kaisa raabta tha...

Kyun Dil uski sohabat mein khil utha...

Kyun haadsaa hone par bhi... Mujhe uss hadse ke bajaaye... Sirf woh nazar aa raha tha...

Na jaane kaisa Raabtaa tha... Jo usse meri nazron se ojhal nahi hone deta...

Woh soch raha hoga... Main barsaat waale haadse se pareshaan thi...

Par main toh zindagi ki haqeeqat par hairaan thi... Koi itna haseen aur khoobsoorat pal... Uss barsaat mein... Jhaad ke neeche bitaaya hua kuch pal... Mujhe kitna pyaara lag raha tha... Uss mein main apni chot ko bhool...

Bas yeh sochne mein masroof thi... Aur gamzadaa bhi... Ab kuch palon mein... Isska haath mere haathon se choot jaayega...

Ussne mujhe thama tha... Kuch pal ke liye hi sahi... Par zindagi mein... Kisi ke aane se... Aur usske theherne ki khwaahish hui... Kaash woh theher jaata... Woh waqt... Woh lamhaa... Aur Mrityunjay...

Par aisa mumkin na tha...

Sabhi ko lag raha tha... Mere chehre pe muskaan aa jaaye... Par jisse bichadne ka na jaane mujhe afsos hone laga... Woh dard kuch aur hi shakal mein mere chehre par bayan tha... Aur sab usski marammat karne lage...

Aakhir Mrityunjay ki secret smile waali coffe se... Main khush ho gayi...

Bahane se sahi par dekhona... Usse mera kitna khyaal rakha...

Par usse yeh nahi pata... Ki main jaanti hun... Yeh sab kiya hua usska hai...

Bohot samjhaya khud ko par yeh dil maana nahi... Aur uss Ehsaas ko saath liye chal diya... Par phir ghante baad safar khatam hone pe tha...

Par mujhse raha na gaya... Aur maine ek tissue paper par... Kuch saada sa lafzon mein likh... Jaate waqt apni seat par rakh diya...

~Tere milne se hai yeh maine jaana~

~Koi apna lage hokar begaana~

~Tere pehlu mein tere baahon mein~

~Roshan ehsaas kya hai maine jaana~

Na jaane... Usse woh mila ya nahi...

Ussne padha ya nahi...

Usse mere ehsaas ka zara sa bhi andaaza hai nahi...

Main kuch nahi jaanti...

Mujhe kuch nahi pata... Usske naam ke siwaa... Par utna hi kaafi hai...

usse Alvida lete waqt meri aankhon mein aansun the...meri inn bheegi palkon aur aankhon ki nami ussne bhi dekhi...par usse kya ehsaas tha...mujhe usse bichadne ka kitna gham hai...jo meri palkon mein utar aaya tha...

Ek ehsaas jissne mujhe uss raat uss Ajnabee shaks se iss tarah bandha... Jiski dor aaj bhi mazboot hai...

Agar woh dor kamzor hoti toh shayd woh mujhe dobara na milta...woh mujhe phur mila...4 mahine pehle...mujhe nahi pata kaise mili...mera accident .aur phir usski Aamad...

Woh aaya toh...par kaise kuch nahi pata...main behosh thi...

jab Hospital mein aankhen kholi...toh saamne Mrityunjay ko paaya...

Ek pal ke liye laga...Yeh khwaab hai...meethi neend se jaagte hue...subah hone par aankh kholi toh Mrityunjay ko apne saamne paya...aksar khwaab mein usse dekha karti thi...

par woh koi sunehra khwaab na tha woh ek sunehti haqeeqat thi woh sach mein mere saamne tha...usse dekh hairaani hui...par main dil hi dil itni khush thi...main khud nahi jaanti ...

Woh kuch der mere paas baitha...mai usse dekh itni khush thi ki kehne ko lafz ho samjh na aa rahe the...aur main ro padi...mujhe accident se zyaada iss baat ko jaane mein dilchaspi thi ki main usse kaise mili...phir kya hua...par ussne zyaada kuch bataya nahi...

mujhe rota dekh phirse ussne kaha...kya tumhe yaad nahi...pata nahi aisa kya hua jo woh mujhe yaad dilaana chahta tha...par woh baat wahi khatam ho gayi...

par woh jab dobara mujhse milne aaya tab bhi maine poochi...jaana chahti thi aisa kya hua jo mujhe yaad nahi...kaash woh mujhe bata de...

par pata na chala...

usse itna khush mizaaj dekh maine bhi pooch li...jiss Mj ko main mili thi...woh khaamosh mizaaj tha...yeh rang kuch naya hai...

jab ussne kaha...toh mera dil ...dhak se hogaya...aisa laga mujhpar kehar toot pada...

ussne kaha Mohabbat...usse kisi se pyaar ho gaya...

woh kisi aur ka ho gaya...

par ussne toh kabhi na kaha...ki woh meri taraf se mutasir hai...woh toh main hi hun...jo Ehsaas ko seene se lagaaye aaj bhi unhi yaadon mein mubtela hun...

isse pehle aage kuch poochun...papa aa gaye...

yeh waqt bhi kitna galat hai...mujhe usse baat karne nahi deta...

phichle baar hum saath the...par baatein na thi...

ab baatein karni hai...toh saath mushkil ho raha tha...

Upar se adhoori baat...mujhe aur bechain karne lagi...

Papa kaafi der tak mere paas hi the...par mera dhyaan Mrityunjay Par...

Woh aisa kya keh gaya...mere hosh hawaas sab udd gaye...baar baar...ussi ka khayaal aa raha...

Thodi der baad woh phir aaya...papa usse poochne lage...aur yeh bhi poocha...ki woh mujhe jaanta hai ya nahi...

Main darr gayi...aur maine usse Naa kehne ka ishara kiya ...kya karti...Usse toh meri ragg ragg pehchanti hai...par main usse koi aur sawaal aur mushkilon nein nahi daalna chahti...waise bhi ussne mere liye kya kya nahi kiya hai...

Woh Phir yunhi Chala gaya...

main usski wahi Mohabbat waali baat sochte sochte so gayi...

ek woh din aur ek aaj ka din...usski shakal dobara dekhne ko naseeb na hui...

mauka toh aaya tha...Par woh nahi...Papa ne bill ke clearnce ke waqt usse bulaya the...par usska dost aaya tha...woh nahi...

Main bhi kitni bewakoof hun...Jisske Ehsaas ko aaj bhi zindaa rakhe ghoom rahi hun...usska toh koi pata nahi...

Woh kisi aur ki mohabbat mein mubtela hai...aur main ab bhi usse khudse baandhe ghoom rahi hun...

Har raat yahi sochti hun...Agar woh khaas na tha...toh main kyun uske baare mein sochti hun...usse mere ehsaas ka zara si bhi khabar nahi...zara sa bhi ehsaas nahi...

yeh jaanti hun...ab Woh nahi...phir bhi jaane kyun ussi ke baare mein sochti hun...ussi ke khwaab dekhti hun...Dil toota hai...sisak ke rehti hun...par apne haal-e-dil kisi par bhi ayaan nahi hone deti...

Ayaan kar karun bhi kya...jiss Ehsaas ka Mrityunjay ki zindagi mein wajood nahi...usse bayan karne ka kya faayeda...

jaane meri zindagi mujhe aur kya rang dikhaayegi...

mera dil toh abhi se rone ko ho raha hai...

Aaj mujhe usski bht yaad aa rahi hai...Bhai ne mera rishta ek jagah tai kiya hai...

mujhe nahi pata kisse...

Kal uss ladke se milne jaana hai...

Soch rahi hun...ab kya hoga...jinn ehsaas ko maine Mrityunjay ke liye mehsoos kiya...kya kisi aur ke liye kar paaungi...Mera Dil ro raha hai...par kisi ko khabar nahi...

Khidki par khade...inn sard hawaao mein...iss raat ke andhere mein khud se hi baat kar rahi hun...aur khud ke hi aansun poch rahi hun...

Ek Ehsaas ki dor thaame ho jiskaa nishaan mil nahi raha... Kal kisi ke bataye baaton pe amal karna hai...

Ehsaas ki Bandish mein ab bhi Giraft hun...

jo Rishta toot gaya uska wajood kahan dhundoo...

...

Edited by ShagufElina - 9 years ago

Quote

1 ... 9 10 11 12 13