~Ehsaas~ek mulaaqat.........SS....updated last part on page 16 - Page 10

Awesome...

Originally posted by: MastaT

Shagu!! I have no words!! I'm soo moved by ehsaas!! Words will not do justice! The depth of ehsaas is one which I've drown in!! Xxx

thank u so much Mohi...🤗

Mujhe bht khushi hui...tumhe pasand aaya...❤️

Originally posted by: Sonal_MriAra

Shagu,

u r becoming a good writer..keep it up..👍🏼

njoyed reading d story👏👏

Thanks Sonal❤️

Originally posted by: TasrinS

Awesome...

Lovely...

Plz update soon.

Thanks 4 da pm.

thanks Samima...

Originally posted by: Archi21

Shagu ...⭐️
👏

ye ehsaas ka ehsaas kitna gehra hai😃

dono ek dusre ke ehsaas mein jee rahe hai⭐️😃

ghayal hai phir bhi Tara ko MJ ki har baat yaad hai😃

Bechara MJ khush bhi nahi hoo paa raha

Kya hoga Tara ka ???😕

update ek intezar mein 😊

Ehsaas⭐️

thanks Archu dear...🤗

Mujhe khushi hai...tumhe pasand aaya...

Jald hi update karungi...

Part 9

Ab tak main wahi khada hun...usse iss haalat mein dekhte hue...

Bardasht nahi ho raha...par nazron se door nahi karna chahtaa usse ek pal ke liye bhi...

Mujhe badi chaah...aur intezaar ke baad mili hai...

Woh behosh hai toh kya hua...

Qalb ki taskeen ka sabab ban rahi hai...

Aankhon ki nami aur dil ka sukun ban rahi hai...

Woh behosh hai...uska treatment chal raha hai...Doctors apna kaam kar rahe hai...

Yunh iss tarah...bed par...machines se ghiri hui...

Naazuk se haathon mein...suiyaan chube hue...


Jaane usse kitna takleef de raha hoga...

Main kuch sochta...aur phir meri aankhen chalak padti ...

Chahta hun...na rouun...mujhe toh khush hona chahiye...

Woh mujhe ek baar phir mili hai...

Phir iss tarah...iss haalat mein...

Aisi toh kabhi justojoo na ki...

Kaisa ajeeb pal hai...usske siwaa...

Mujhe na kuch dikhaayi de raha hai...aur na sunai...

Sidd: "Mj baith jaa mere bhai...kab se khada hai...iss tarah...woh thik ho jaayegi..."

Yeh keh woh mera haath pakad le gaya...aur corridor mein rakhi...

Bench par hum baith gaye...

Main baitha...sar par haath rakha hua...

Sar jhuka kar baitha...intezaar kar raha hun...kab woh thik hogi...

Doctor baahar aaye...main fauran khada ho gaya...

Doc ne kaha...aap hai na...mere saath aayiye...

Main darr gaya...aisa kya ho gaya...jo doctor ne mujhe yunh apne saath bulaaya...

Maine Sidd ki taraf dekha...mere chere par darr saaf nazar aa raha tha...

Ussne ishaara karte hue kaha...jaao Mj...

Main doctor ke peeche chal pada...doctor ke cabin ki taraf...

Ek ek badhta kadam...meri dhadkanein tez kar raha hai...

Ek ek badhte kadam ke saath...mujhe uski aur zyaada fikar hone lagi...

Ek ek badhta kadam...jaane kya kehne waala hai...

Jo iss tarah bulaaya hai...

Main Cabin mein daakhil ho gaya...Doctor ne kaha...

Sit...sit...comfirtable...

Doctor woh thik toh hai na...maine baithte hue...dheeme lehje mein pucha...

Doc: Dekhiye...CT Scan ki reports se pata chala ki...subdural hematoma hai...which is moderate ...

Toh doctor ghabraane waali toh koi baat nahi...

Doc: arre meri baat pehle suniye toh...
Khatre waali koi baat nahi hai...phir bhi she is under observation...we hav started her treatment...lets see how wil she respond...

Ab hosh aane ke baad...sahi pata chalega...

Maine phir pucha...

Doctor woh jo yeh sab behki behki baatein kar rahi thi...uske dimaag par chot aayi hai kya...

Doc: Nahi...no internal and severe injury...hematoma we can manage with it...in few hours...

Phir Doc ne mujhse aisa sawaaal kiya jisska jawaab main na de saka...

Doc: aur Aap patient ke?????

"Ji main..."
Usske aage kuch keh na saka...

Doc said...its ok...ab aap jaa sakte hai...dont worry ...she wil be fine...

Main utha aur bahar aa gaya...

Ander jaane se pehle...jitni ghabrahat...darr...ka saamna kar raha tha...

Bahar nikalne ke baad...utna hi sukun...aur aaram mehsoos kar raha tha...

Dil mein khushi ho rahi thi...main khush ho raha tha...Sidd duadte hue aaya...

Sidd: kya hua Bhai...Doc ne kya kaha...woh thik toh hai na...

Maine muskuraate hua kaha...

Haan...woh thik hai...

Jab suna tha tab bht sukoon haasil hua tha...aur jab ab keh raha hun...ki woh theek hai...

Aur bhi zyaada khushi ho rahi hai...

Sidd: Ab toh khush hona Mj...

"Hmmm"

Ab raat ho chuki hai...yeh silsila shaam se shuru hua tha...

Kuch 4 se 5 ghante guzar chuke hai...issi haalat mein...

Sidd...Mj main khaane ke liye kuch laaun...ya hum chal kar kha lete hain...

Maine kaha mera dil nahi kar raha...

Sidd : Arre ab toh woh thik bhi hai...

Maine kaha...Par hosh mein toh ab bhi nahi aayi na...tum khaalo...mera dil nahi kare raha...

Sidd: thik hai...tum yahin ruko...main aata hun...

Sidd chala gaya...main phirse...ussi kaanch se usse dekhne laga...

Ek nurse ander gayi...kuch injections diye...aur phir bahar nikal aayi...

Maine usse request ki...kya main ander jaa sakta hun...

Nurse ne kaha...kya karoge...woh waise bhi behosh hai...

Maine kaha...jaanta hun...par phir bhi pls ek baar uske paas jaa sakta hun...

Usne kaha...thik hai...

Uske jaate hi main ander gaya...

Woh yunh behosh...kisi shehzaadi se kam nahi lag rahi thi...

Woh paryon ki kahani mein hota hai na...koi shehzaadi...so rahi hai...

Ek shehzaada aata hai...usse bachaata hai...

Aur uske ehsaas se woh phirse...hosh mein aa jaati hai...

Main dheere dheere kadam badha...uski taraf badhne laga...

Bed ke paas rakhe stool par baith gaya...

Woh ab thik thi...usse dekh khushi toh ho rahi thi...bas uske aankh kholne ka intezaar hai...

Kab woh aankhen khole aur kab mujhse woh bole...

Maine uske naazuk aur mulaayam se haathon ko apne haathon mein liya...

Chahta hun...inn haathon ko pakad haazaar kasmein khaa loon...

Inn haathon ko pakad ke hazaar vaadien nibhaa loon...

Bas ek baar aankhen toh khole...

Uske haathon ko pakad...maine apna sar uske haathon par rakh diya...

Aur jaise usse baatein karne laga...


Ek baar toh aankhen kholo...

Ek baar kuch toh bolo...

Kab se teri raahein taki hai...

Ek baar toh munh ko kholo...

Sar uthaya...aur phir uski taraf dekh muskura diya...

Aur khudse kehne...

Tum mujhe sataa rahi ho na...

Khud toh sapnon ki shehzaadi jaise...so rahi ho...

Aur yahan pal pal mujhe tadpaa rahi ho...

Pal pal mer jaan le rahi...

Kya sach mein mazaa aa raha hai tumhe...mujhe yunh satane mein ...

Jawaab do...

Kya tum bhi...fairytale mein jaise hota hai...waise waale Prince ke wait kar rahi ho...

Tumne kaha na mujhse main tumhe chod kar na jaaun...

Dekho main tumhaare paas hun...

Kya ab bhi mere ehsaas se nahi uthogi...bolo...

Mere Ehsaas se itna mutaassir kiya hai...toh phir uth jaao na...

Woh pariyon ki kahaani waali...

Snow white...shehzaadi...

Dekho main aaya hun na tumhe neend se jagaane...

Ab pls apni iss meethi neend ko tod do...

Aur apne Shehzaade ko dekho...

Mere ehsaas se ab bhi na jaagogi kya...

Tumne toh apne ehsaas se yunh Aashna karaya...mujhe pareshaan kar diya hai...

Main aisi baatein kehte hue muskuraa raha hun...

Aur aankhon se aansun bhi beh rahe hai...

Jab uske saath hota hun...toh har lamhaa...har pal...ajeeb ho jaata hai...

Haseen ban jaata hai...

Woh annkhen band kiye hue hai...phir bhi uske saath...yunh baatein karna...

Bht zyaada achcha lag raha hai...

Maine ek haath se uske sar par haath phera...

Uske uss maasoom chehre par ek baar jo nigaah chali jaaye toh hat'ti nahi...

Akhir koi itna pyaara kaise dikh sakta hai...

Hospital ke bed par bhi...

Maine hum donon ke haath par dekha...

Pata nahi...hosh aane ke baad inn haathon ko pakdna ho na ho...

Pata nahi...phir kab usske inn naazuk se haathon ki mulaamiyat ka ehsaas mile na mile...

Maine dheere se uske haathon se apna haath chudaaya...

Aur bahar jaane laga...par...uski taraf peeth kar na saka...

Khade ho Uski taraf dekha...

Aur kadmon ko peeche ki taraf lene laga...

Unhi peeche kadam lete hue...main bahar aa gaya...


Baahr aakar phir ek baar...usse uss kaanch se dekha...

Aur phir bench par jaa baith gaya...har baar woh jaadoo karti hai...

Har baar deewaana karti hai...

Sidd mere liye...juice aur biscuits le aaya...

Mera dil nahi tha...phir bhi ussne zabardasti khilaaya...

Raat ke 10 baj chuke the...

Achanak Sidd ne kaha...

Mj...Tara ki family...

Ohhh shit...humne iss baare mein socha hi nahi...

Raat ho gayi hai...ghar waale pareshaan honge...

Maine apna sar pakad liya...

Par Sidd humne sirf Tara ko utha kar laaya tha uss jagah se...

Uske paas koi bag...mobile phone kuch na tha...

Sidd: "Arre Mj...uss waqt utna waqt nahi tha...yeh sab sochne ka...

Kya tumhe kuch nahi pata..."

Maine kaha...Main uske naam ke alaawaa aur kuch nahi jaanta Sidd...

Kuch bhi nahi...kahan rehti hai...kya karti hai...kuch bhi nahi...

Sidd: Ab kya hoga Mj...

Ab main pareshaan ho gaya...

Aur kaha...karna kya hai...

Kuch nahi kar sakte...

Jab tak usse hosh nahi aata humein intezaar karna hoga...

Tara ko hosh kab aayega...pata nahi...

Doctor ne kaha hai ...waqt lagega...pata nahi ab toh tension badh gayi...

Kaise pata chale ghar waalon ka koi raasta nahi hai...

Ab main uski taraf dekh aur pareshaan ho gaya...

Woh mere paas mehfooz toh hai...par yeh baat ghar par toh nahi pata...

Kya haal ho raha hoga unka...

5 ghante beet gaye...

Shukar hai Tara mujhe mili...warna aisi haalat mein...kya hota...

Yeh soch meri rooh kaanp uthti hai...

Kiss tarah se pata lagaun...ab toh aur mushkil khadi ho gayi...

Tara ke ghar waalon ka pata...unhe kaise khabar milegi...

Bas yeh raat guzar jaaye...usse hosh aa jaaye...

Meri bas itni si khwaahish hai...


I knw...its sad part...i hope u guys like it...

Aur meri yeh khwaahish hai ki aap aise hi likhte jao. ...

Originally posted by: Worldpeace

Aur meri yeh khwaahish hai ki aap aise hi likhte jao. ...

Pata hai apka ff padhne ke baad mujhe apne ff mein hamesha kami si lagti hai...

achcha ji...

Pehle apne FF par jaake...mera comment padho...

U fiction ki raani...swimming...cards...hmmm

Originally posted by: ShagufElina

achcha ji...

Pehle apne FF par jaake...mera comment padho...

U fiction ki raani...swimming...cards...hmmm

Originally posted by: Worldpeace

Fiction ki rani yeh thoda zyada ho gaya..

Mujhe daar lagta hai ab sabke comments padhne mein..

Sab ke expectations pe khari nai utar payi to...

yeh kya...

Tumhaari taarif karo...toh maska malai lagne lag jaata hai...

Ab hmaari exoectation se bhi upar de rahi ho...toh taarif toh banti hai...Jaani...