~Ehsaas~ek mulaaqat.........SS....updated last part on page 16 - Page 6

Originally posted by: Worldpeace

No shagu aisa nai hai...

I am a hard frnd u know. ...

I m a little mufat.. main dil mein baat nai rakhti.. bas bol deti hun...

MUjhe apka pura ff bohot pasand hai...

ohhh Bani...
.
Thank u so much...
U loved it thts my biggest happiness...

Wow shagu! It was fab!
Totaly lived up 2 the title of the story!
I absolutely lovd Tara's description when she gets off the bus...
Update soon!

Originally posted by: LoveAngel21

Wow shagu! It was fab!
Totaly lived up 2 the title of the story!
I absolutely lovd Tara's description when she gets off the bus...
Update soon!

ohhh...
.
Thanks Saima...
.
Tumhe pasand aaya...mujhe bohot khushi hui...
.
Sure i wil update soon...

[QUOTE=Worldpeace]Shagu dis is most beatiful rain sequence I have ever read...

[/QUOT

Originally posted by: tina_kapoor

thanks Tina...

Part 6...
.
Kuch hi pal ki baat...woh ek lamha...jissne pal mein samaa badal diya...
.
Ab sab tham gaya tha...tufaan chala gaya tha...lekin jo aag iss sine mein lagi ...usse kaunsi baarish bujhayegi...
.
Usse mile kuch ghante...kuch waqt beeta tha...par maaloom hota tha...jaise kabhi ajnabee the hi nahi...
.
Uss haadse ne usse daraa diya ...woh chupchaap mere qareeb baithi toh thi...lekin mujhe andaaza tha...
.
Woh uss kamine ki harkat se seham gayi thi...usse sahare ki zaroorat thi...
Main tha uske qareeb...par uske aansun nahi poch paa raha tha...
.
Main jaanta tha uska dil ro raha hai...par kaise sambhaalun usse...jab ki main khud toot raha tha...
.
Maine uski taraf ek nazar daali...baarish se bheegne ke baad...sardi ki sarsarat se kaamp rahi thi...uski aankhon mein dard tha...
.
Main bas usse yunhi dekhta raha...aur woh mujhe...dekhte hi dekhte ...uski aankhen chalak padi...
.
Uska dard aankhon mein utar aaya...mujhe dekhne se...usse raha na gaya...aur woh ro padi...
.
Kya main usske dil mein jagah bana chuka tha...jo woh apna dard mujhse bantne lagi...
.
Uski aankhon se qatra beh kar ...usske rukh se girta...usse pehle maine apne haathon mein le liya...
.
Aisa ehsaas hua maano uske dard ka samundar maine samet liya ...
.
Phir uske aansun pochte hue...uskin jheel si bhari aankhon mein dekha...
.
Saari baatein...saara fasaana ...aankhon se bayaan ho raha tha...
Lafzon ki zarroorat mehsoos hi nahi hui...
Lafz ka istemaal uss waqt hota hai...jab koi na samajh sake...
.
Par jo aankhen padh le uska kya...
.
Uske aankhon se aansun pochte hue...maine Na mein sar hilaya...
Aur bharosa dila raha tha...woh na roye...
Ussne mera wahi haath pakda...jisse main aansun poch raha tha...aur zor se ro padi...
.
Maine usse donon haathon se uske chehre ko samet liya...
.
Phir sar hilaya...ki woh na roye...
.
Ussne phir apne aansun poch liye...
.
Maine bhi dheere se apna haath uske chehre se hata liya...
.
Aur hum donon phir se gumsum baith gaye...
.
Yug ne driver ko awaaz di...
.
Yug: arre bhai...kab rukgi bas...bht bhook lagi hai...ab toh woh jungle paar kare bhi 2 ghantaa beet gaya...koi dhaba aaye toh rukaana...
.
Driver: haan sahab...ruka dunga...
.
Uss baat ko hue 2 ghantaa beet gaya tha...par lag raha abhi abhi hua hai yeh sab...
.
Mere dil mein woh hadsaa ghar kar gaya...toh Tara ka kya haal hoga...
.
Main yeh soch soch kar pareshaan ho raha tha...aur gussa bhi aa raha tha...
.
Kyun main uss waqt usse akela chod gaya...
Kyun maine usse le jaane ki zidd na ki...
Lekin woh waise bhi akeli hi safar kar rahi thi...lekin kya jaata ...agar usse pane saath le jaata...
Uss waqt toh hamare saath thi na...
.
Yeh saare sawaalon se main pareshaan ho raha tha...aur khud par bht gussa aa raha tha...
.
par apni muththi band kar apne gusse ko qaaboo mein kar raha tha...
.
Mujhe baar baar woh pal yaad aa raha tha...jab main paaglon ki tarah usse jungle mein dhoond raha tha...zor zor se uska naam pukaar raha tha...
.
Usse milne ki tadap...mujhe jhinjhod rahi thi...
.
Aur ek woh pal jab woh mujhe mili...kitna khushi ka lamhaa tha woh mere liye...
.
Aur ek pal woh jab woh meri baahon mein simti hui thi...
.
Usse sote hue dekhna...maano meri zindagi mein sabse sukun ka pal...
.
Main issi soch mein dooba tha...aur Tara ki aankh lag gayi...
.
Usska sar baar baar dhanak raha tha...maine aahista se...uska sar apne kandhe par rakh diya...
.
Abb woh mere kandhe par aaraam se so rahi thi...
Main phirse usse dekhne laga...
Kabhi socha na tha...aisa hi khubssorat pal doobaara naseeb hoga...
.
Woh so rahi thi...main usse dekh raha tha...usse dekhte dekhte meri bhi aankh lag gayi...
.
Achanak maine siskiyon ki awaaz suni...aankh khol kar dekha...toh woh ro rahi thi...
.
Main ghabraa kar utha aur poocha...
.
kya hua Tara tum kyun ro rahi ho batao...ussne kaha...
.
Mat karo baat mujhse...main nahi chahti tumse baat karna...
.
Main pareshaan ho gaya...usski yeh baatein mere dil ko chot dene lagi...
.
Tara: main jaanti hun...yeh sab tum issliye kar rahe ho...taaki meri nazron mein achche bane raho...
.
Main jaanti hun...tum achche nahi ho...agar tum achche hote...toh pehle hi mujhe akela chod kar na jaate...
.
Main gidgidaane laga...
.
Nahi Tara...tum mujhe galat samajh rahi ho...pls mujhe galat mat samjho...
.
Tara: tumhe galat samjhna kaisa...tum galat ho...tumhe meri fikar hoti...
toh tum yunh mujhe akela chod na jaate...
.
tum bhi unn dusre ladkon ki tarah ho...waqt par saath chhod dete hai...
.
Maine kaha...
.
Nahi Tara...main tumhaari bohot fikar kartaa hun...pls aisa mat kaho...
.
Mujhe tumhaari bohot parwaah hai...
.
Main maantaa hun maine galti ki...jo tumhe chhod kar chala gaya...
Mujhe nahi jaana chahiye tha...
.
Tumhe andaaza bhi nahi...main tumhaare liye kya mehsoos karne lagaa hun...
.
Tum mein khud ko dhundne laga hun...
.
Tumhari baaton mein khud ko talaashne laga hun...
.
Tumhaare awaaz mein khud ko sametna chahtaa hun...
.
tumhaare saath bitaaya hua ek ek pal...mere liye...QEEMTI EHSAAS...banta jaa raha hai...
.
Itne se waqt mein ...tum mere liye kya ho gayi ho ...yeh main khud nahi jaanta...
.
Main tumhe kaise yakeen dilaun Tara...pls mera yakeen karo...
.
Pls pls mujhe galat mat samjho...
.
Tumhe kaise bataun...jab tumhe jungle mein...itni baarish mein na mili...toh mujhe aisa laga...
.
Meri zindagi adhuri reh gayi...
.
meri qeemti cheez kho gayi...
.
meri zindagi se roshni gum ho gayi...
.
aur jab tum mujhe mil gayi aisa lagaa...
.
pyaase sehraa ki pyaas baarish ne bujha di...
.
Pls meri baat ka yakeen karo...
.
Mujhe galat mat samjho...
.
main usse minnatein kar raha tha...
.
aur bas yahi keh raha tha...
.
Mujhe galat mat samjho Tara...
.
achanak bus zor se jhatka kha kar ruki...
.
Yug ne kaha chalo...Bhai...pehle pet puja baad mein kaam duja...
.
Uthkar khada hona chahta tha ...par hona paaya...
.
main kya dekhta hun...woh ab bhi mere kandhe par sar rakhe so rahi hai...
.
Huuhhh...woh sapna tha...
.
Meri jaan mein jaan aayi ...maine seat se sar lagaa kar lambi chain ki saans li...
.
Huuussshhh...
Woh sapna tha...woh sach nahi hai...
.
Mere lagaataar wahi sochne aur afsos ne...aisa sapna bhi dikha diya...
.
Adi ne kaha chalo...sab neeche utro...
.
maine halke se uske gaal par haath se thapkaaya...
Aur kaha...
.
Tara utho...bus kuch der ke liye yahan ruki hai...khuch khaa pii lo...
.
Woh uthi...jaise hi dekha...mere kandhe par sar hai...
hadbada kar seedha baith gayi...
.
phir Meethi ...peeche aayi...Tara se kaha...
.
Meethi:Chalo Tara...
.
Usske pair mein chot thi...
Uski bhi marham patti karna tha...
.
main khada ho gaya...
woh bhi neeche utarne ke liye khadi ho gayi...
.
Maine meethi se kaha...usse neeche le aaye ...sambhal ke...
.
Aur bus se neeche utar gaya...
.
Woh dheere dheere kadam badha rahi thi...
.
Jaise hi seedhiyon ke paas aayi...darwaaze se thokar lag gayi...
.
woh zor se chik padi..."Aaahhh"
.
Meethi: sambhalke Tara...
.
Tara: bht dard ho raha hai Meethi...
.
Mujhse usski Aaahhh bardasht na hui...
.
Main wahan pohoncha...aur usse apni god mein pakad kar utar liya...
.
Aur aahistaa se zameen par pair rakhne ko kaha...
.
Meethi aur Vasu ne usse dheere dheere chala kar laa rahe the...
.
Chahtaa tha...usse woh takleef bhi na dun...
par wahan ka environment...aur log...kya kahenge...mujhe apni nahi...
.
uski ruswaayi ka darr tha...
.
Woh highway par ek petrol pump tha...wahan ek coffee shop tha...
Paas mein ek dhaba...
.
Maine petrol pump par pata kiya...unke paas first aid ya emergency ka koi saamaan hai...
.
unhon ne mujhe diya...
.
Hum sab dhaabe par baithe the...sabko bhook lagi thi...
.
Vasu aur Meethi ne usse dheere se ek machaan par bithaya...
.
Main chahtaa tha uske zakhm par marham lagaun...par aisa kar na saka...
.
Maine Meethi se kaha...
ussne uski zakham ki dressing kar di...
.
Hum sab ne khana order kiya...
Hum sab khana khane lage...maine khaate waqt uski taraf ek nazar daali...
.
woh kitne pyaar se ek ek niwaala uthaa kar kha rahi thi...
.
Ussne jaisi hi nazrein uthayi...main apni nazrein jhuka kar chupchap khane lagaa...
.
Hum sab ka khana ho gaya tha...
.
Yug : koi chaye piyega...
.
Vasu: haan main...
.
Yug: toh chalo...woh bhaiyya wahan khada hai...wahi chal ke peete hai...
.
Main... Adi...yug...aur Vasu...hum chai peene chale gaye...
.
Itne mein ek waiter ne...
Tara ko coffee laakar di...jisspar smiley bana tha...saath mein ek note tha...
SORRY...
.
Aur uske saath chocolate ka ek golden box...
.
Tara: maine nahi order kiya...
.
waiter...main nahi jaanta ...iss table par dene ke liye kaha hai...
.
No wonder woh kissne bheja tha...Maine ...
Meethi ne meri taraf dekha...maine usse ishara kar diya...
.
Meethi samjh gayi...ussne Tara se kaha...
.
Meethi: toh kya hua Tara...ab aagyi hai toh pee lona...itni yummy dikh rahi hai...
.
Tara: par Meethi...
.
Meethi: par war kuch nahi...isse piyo...aur apna mood light up karo...iss smiley ki tarah ...
Baaki sab bhool jaao...
.
Tara: tum bhi lo...
.
Meethi: nahi main khane ke baad coffee nahi peeti...
.
Woh dil mein soch rahi thi...meri di hui gift woh kaise share kare...
.
Uss coffee mein mera ehsaas tha...jiss ke zariye main uske chehre par muskurahat dekhna chahta tha...
.
Aur aisa hi hua...
Jab ussne uss coffee ki smiley ko dekha toh wahi pehle waali tara ki hassi ...muskurahat laut aayi...jab maine usse pehli baar ...woh kulhad waali chai peete waqt dekha tha...
.
phirse woh muskurat...
.
jisse agar chand dekhe toh sharma jaaye...
.
samundar mein agar dekhe toh Moti ban jaaye...
.
Sehra ko dekhe...toh uski pyaas bhuj jaaye...
.
aisi thi uski muskurahat...
.
Usne jab pehla ghunt liya...yahan maine usske saath...chai ka pehla ghunt liya...
.
Woh door thi...par main usse apne paas mehsoos kar raha tha...
.
Phir humari chai khatam karke uske paas gaye...
.
Woh dheere dheere coffee pee rahi thi...itne mein...hum laut kar aa gaye...
.
uske pyaare se maasoom face par coffee ke jhaag ki line ban gayi...
.
Vasu : tara u r looking so cute...
.
Yug bhi hassne laga...
usne phir apna moonh pocha...
.
Tara: ab thik hai...
.
Vasu: haan...but sachchi u were looking so cute...
.
Vasu ke aisa kehte hi jaane ussne meri taraf kyun dekha...maine nazrein pher li...
.
Phirse hum sab bus mein sawaar hone ke liye chal pade ...woh aage aage chal rahi thi aur main peeche peeche...
.
ab humari manzil se faasle kam tha...
par meri manzil toh ab kuch hi pal mere saath thi...
.
Bas 3 ghante ka aur safar...phir woh ...mujhse door...
.
ab yeh khayaal...mujhe...pareshaan karne lagaa...main wahi khadaa reh kar sochne laga...
.
sab bus mein chale gaye...
.
Yug ne mujhe awaaz di...
.
Yug: Mj chalna nahi hai kya...
.
Maine kaha...Aa raha hun...
.
phirse bus mein chad gaya...
.
aur usske qareeb jaakar baith gaya...
.
usske qareeb baithne mein ek sukoon sa tha...
Main nahi jaanta...uska mujhpar kya asar hua...chand lamhon mein duniya badal gayi...
.
Bus apni raftaar se chal rahi thi...
.
Main aur woh ...hum donon ke beech khamoshi...
.
jaise jaise waqt guzar raha tha...ab mera dil rone ko aa raha tha...
.
mera dil ...mera mann ghabraa raha tha...
Usske door jaane ke ehsaas ne mujhe bechain kar diya...
.
Ek raat mein yeh kya ho gaya...
.
pehle usske sorry ka ehsaas...
phir uski meethi awaaz ka ehsaas...
.
Usse khone ka ehsaas...
.
Usse milne ki khushi...
.
aur ab usse door jaane ki tadap...
.
inhi sab khayalon mein uljha tha...
Main aankh band kiye hue apne dard ko daba raha tha...
.
Itne mein ussne dheeme se mera naam pukara...
.
Tara: Mrityunjay...
.
mera naam uski meethi si zubaan se sunkar kitni khushi mehsoos hui...
.
Maine socha...woh mujhse kuch kehne waali hai...
.
Par ussne kaha...
.
mujhe aage jaane do...
Sabse baat kar lun...phir mujhe bus se utarna hai...
.
Yeh sun kar main shock ho gaya...
.
Meri kashmakash mein yeh sukun bhara lamhaa kaise beet gaya...
.
usse juda hone ka pal aa gaya...
.
Main kaise kaise khada hua...woh mere paas se guzri...aisa laga...
phirse mujhe iss bheed mein kisine tanhaa chod diya hai...
.
Ab main khud ko talaash karun...
.
Woh aage gayi toh Yug ne usse baithne ko jagah di...woh sabse baatein karne lagi...
.
main wahi khada reh gaya...muththi ko band kiye...apne jazbaat par kaaboo karne ki koshish kar raha tha...par ho nahi paa raha tha...
.
Woh aage baat kar rahi thi...
.
Tara: aap sab logon ko main zindagi mein kabhi nahi bhoolungi...
Aap logon se milkar mujhe bht khushi hui...bht zyaada apnapan lagaa...
.
aap sab ki friendship anmol hai...
.
Aap logon ke saath bitaya ek ek pal...mujhe hamesha yaad rahega...
.
Thank u so much...
.
Mujhe maaf karna...meri wajah se aap sab ko jo bhi pareshaani hui...
.
Meethi...hum bhi tumhe kabhi nahi bhoolenge...u r such a sweetheart...
.
Vasu: main bhi...
.
Yug: zaroor hum aap ko kabhi nahi bhoolenge...aur Mrityunjay bhi...
.
mera naam sunkar uski nazrein neeche jhuk gayi...
.
Itne mein bus ruk gayi...
.
Driver ne kaha...madam ji...aapka stop aa gaya...
.
ohhh shit itna jaldi...main kya karoon...usse baat karna chahtaa tha...par kaise...
.
main kuch na keh saka...
.
woh peeche aayi uska bag tha...main toh abtak khada hi tha...ussne meri taraf dekha...aur maine uski taraf...
.
Meri aankhen numm thi...aur uski bhi...
kya sach mein usse mujhse bichadne ka dukh tha...uski aankhon mein nami kyun thi...
.
kya woh bhi meri tarah ...
mere ehsaason se mutassir thi...
.
Shayad nahi...ussne kuch na kaha...meri tarf dekh rahi thi...
.
phir nazrein jhuka li...aur apna bag liya...
.
Driver uska saamaan utaar raha tha...
.
Ab uska pair dard bhi thoda theek tha...
Jaise hi woh bag lekar chalne lagi...
.
maine kaha...Sambhal ke...
.
ussne meri taraf mud kar dekha...
.
phir dheeme kadmon se chalne lagi...phir aahistaa se bus se neeche utri...mere dost toh pehle hi neeche khade the usse alvida kehne ke liye...
.
Main uske peeche utra...
.
Ussne Meethi...aur Vasu ko hug kiya...
.
Adi aur Yug se haath milaya...
.
ab aayi meri baari...
.
ussne apna naazuk sa haath meri taraf badhaya...main usse dekh raha tha...
.
Yug mujhe hosh mein laaya...
.
Mj haath milao tara se...
.
phir maine apna haath badhaya...
.
uska haath mere haath mein...yeh aakhiri baar tha...
.
shayd phir kabhi mulaaqaat na ho ...
shayad phir kabhi yeh raat na ho...
Shayad phir kabhi aisi barsaat na ho
Shayad phir kabhi inn haathon mein yeh haath na...
.
Mera dil ander se toot raha tha...ro raha tha...usse bichad raha tha...
.
phir maine dheere se apna haath uske haath se chuda liya...
.
Uska haath abhi bhi waisa hi tha...
mujhse bardasht na hua...maine nazrein pher li...
.
Itne mein wahan tara ka bhai aaya...jo usse lene aaya tha...
.
Tara uss car mein baith gayi...
baithte waqt uski saari nazar mujhpar thi...
.
Sabne Tara ko bye kaha...
.
maine phir uski taraf dekha...aakhiri baar ...
Pata nahi zindagi mein yeh haseen chehra naseeb ho na ho...
.
Phirse main usse aur mujhe bas dekh rahe the...
.
uski aankhon ka dard bahar aagya...aur woh ro padi...
.
aur issi tarah...rote hue ussne hum sab ko haath dikha kar alvida kaha...😭
.
Woh chali gayi...😭
sach mein woh chali gayi...
.
Woh nahi hai ab mere paas...meri qeemti cheez mujhse kho gayi...
.
Chand lamhon ka saath tha ...
pal bhar ki aashnaayi...
.
Woh mujhse door ho gayi...😭
.
Ab kya karun...par maine apne aap ko sambhala...
.
Meethi: Mrityunjay...chalo...bus mein...woh chali gayi...
.
Main bhaari kadmon se bus mein chada...
.
Ek ek pal...ek ek ehsaas uski yaad dila raha tha...
.
Main jaa kar baith gaya...aur aankhen band karli...aur rone laga...
.
Meethi: tum ro rahe ho...
.
Maine kaha nahi...
.
Meethi...Mj aankhen tumne band ki hai...maine nahi...mujhe tumhaare aansun dikh rahe hain...
.
Kya tum ek baar keh nahi sakte the...usse ...
.
Meethi mujhe akela chod do kuch der ke liye...
.
Meethi: fine...
.
Main ghutghut kar ro raha tha...chahta tha...aankhen kholun toh woh phirse mere qareeb baithi ho...
Wahi muskurahat...wahi maasoomiyat...
.
Par ab aisa kuch na tha...
.
Phir bhi mera dil chaha...ek baar uss taraf dekhun...shayad woh nazar aa jaaye...
.
Maine dheere se aankhen kholi...
aansun ki wajah se nazar nahi aa raha tha...
.
maine aansun poche...
aur dhyaan se dekha...
.
Woh nahi thi...magar...wahan kuch tha...
.
Ek tissue paper...
.
Maine usse uthaya...aur dekha...
.
Uss par ek taraf ...THANK YOU ...likha tha ...aur smiley bana tha...
.
Aur dusri taraf likha tha...
.
Mrityunjay...
.
~Tere milne se hai yeh maine jaana~
~Koi apna lage hokar begaana~
~Tere pehlu mein tere baahon mein~
~Roshan ehsaas kya hai maine jaana~
.
.
Ohhh shit...
.
Usse bhi mere hone ka utna hi ehsaas tha jitna mujhe...
.
Ab bohot der ho gayi thi...
.
Iss tarah woh safar guzar gaya...
Aur uss ek mulaaqat ka ehsaas mere saath reh gaya...mere wajood ka hissa ban gaya...
.
.
.
Aaj ek saal baad...waisa hi surkh mausam...thand hawaa...aur main...
.
Main phir apni balcony se room mein aaya...
.
Cupboard mein se ek dairy nikaali...
.
Usse kholaa...aaj bhi uska woh tissue paper mere saath ...mere paas hai...
.
Mujhe usske hone ka ehsaas deta hai...
.
Usse milne ki khwaahish deta hai...
.
Dua hai...aur yakeen bhi...woh mujhe ek na ek din zaroor milegi...
.
mere ehsaas ki manzil...zarroor milegi...
.
Mere ehsaas ki takmeel ho kar rahegi aaj nahi toh kal...
.
iss ummees bhare ehsaas ke saath zindaa hun...
.
~TARA~...meri zindagi ka Iste'aara...
.

.
.
Thank u so much guys...for ur so much love and affection...
.
i hav no words to explain my feeling after completing this...
.
U guys appreciated me alot...thanks for ur so much love...
.
This was my first attempt in these things...u guys supported me alot...
love u...

THANK YOU

shagu⭐️
👏👏👏👏👏👏

kya baya kiya hai tumne 👏

tumhari tarif mein lafaz kam paad rahe hai👏

MJ ke ehsaas👏👏👏

MJ ka Tara ko sambhalna👏

Dream sequence⭐️⭐️⭐️⭐️⭐️

MJ ka Tara ki khubsurti ko niharna
~Chandi jaisa rang hai uska,sone jaise bal
Ek tu hi dhanvan o gori,baki sab kangal~

For MJ jab Tara se dur ho raha tha
~Jane tu meri kya hai,Jane tu mera kya tha
Saath mere har pal,saath har lamha tha
Hai dosti hum ko, yakee tha
Dosti aur kuch bhi nahi tha
Hai kaisa ye dard naya sa,kyu dil ladta tuta-tuta sa
Jaana meri,Jaana kaise mein ne naa jaana ki pyar too hai ye jane tu ya jaane naa ~

For last part
~Doo pal ka khawbo ka karva,aur phir chal diye tum kaha hum kaha~

MJ ka intezar😊

Iss SS mein Shagu tum ne hume likh kar emotions dikhaye hai 👏

Shagu hope aage tum koi aur SS likho😊

~EHSAAS~
Edited by Archi21 - 10 years ago

Originally posted by: Archi21

shagu⭐️
👏

kya baya kiya hai tumne 👏

tumhari tarif mein lafaz kam paad rahe hai👏

MJ ke ehsaas👏👏👏

MJ ka Tara ko sambhalna👏

Dream sequence⭐️

MJ ka Tara ki khubsurti ko niharna
<font color="#FF0000">~Chandi jaisa rang hai uska,sone jaise bal
Ek tu hi dhanvan o gori,baki sab kangal~
</font>
For MJ jab Tara se dur ho raha tha
<font color="#FF0000">~Jane tu meri kya hai,Jane tu mera kya tha
Saath mere har pal,saath har lamha tha
Hai dosti hum ko, yakee tha
Dosti aur kuch bhi nahi tha
Hai kaisa ye dard naya sa,kyu dil ladta tuta-tuta sa
Jaana meri,Jaana kaise mein ne naa jaana ki pyar too hai ye jane tu ya jaane naa ~
</font>
For last part
<font color="#FF0000">~Doo pal ka khawbo ka karva,aur phir chal diye tum kaha hum kaha~</font>

MJ ka intezar😊

Iss SS mein Shagu tum ne hume likh kar emotions dikhaye hai 👏

Shagu hope aage tum koi aur SS likho😊

<font color="#FF0000" size="6">~EHSAAS~</font>

thank u so much Archi...😭 😭   😭
.
Tumhe andaaza bhi nahi...tum logon ki baatein mujhe kitni khushi deti hai...
.
Maine jab shuru kiya tha...tab andaaza na tha...iss hadd par pohonch jaaungi...
.
Thanku so much Archi for ur love and support...
Meri life mein bht zyaada maane rakhtaa hai...😭

Originally posted by: ShagufElina

thank u so much Archi...😭 😭   😭
.
Tumhe andaaza bhi nahi...tum logon ki baatein mujhe kitni khushi deti hai...
.
Maine jab shuru kiya tha...tab andaaza na tha...iss hadd par pohonch jaaungi...
.
Thanku so much Archi for ur love and support...
Meri life mein bht zyaada maane rakhtaa hai...😭

🤗🤗🤗🤗

Omg!!!! I wanted it to never end!!!!!! I loved it every part of it!!!