Indira ki yadast wapas aane ke bad Indira Rishi aur Indu ke sath apni jindagi ki nayi shuruat karne ke liye SN se bahar jane ka faisla leti hain. Rishi bhi apna pura concentration apne job pe karta hain aur wo achhese kamane lagta hain. Wo dono rent pe ghar lete hain. Sharma Family ye sunkar humesha ki tarah drama karti hain lekin Indira apne faislepe kayam rahti hain aur wo teeno naye ghar me shift hote hain. Indu bhi Rishi ko papa bulane lagti hain. Wo teeno khushi se apni jindagi bitane lagte hain.
Kuch din bad :
Indu bahot excite hokar schoolse wapas aati hain. Aur Indira ke pass jati hain. Indira use fresh hone ko bolkar kitchenme jati hain. Indu fresh hokar aati hain..
Indu: Mummy, Mummy kaha ho aap?
Indira : Beta me yaha hu kitchen me.
Indu : Mummy, hum log kal ki kya planning kare?
Indira: Kal ki? Kyun kal kya hain beta?
Indu : Are kal papa ka Birth Day hain. Aap bhul gayi?
Indira : Are haa!!! Wo hain na beta jindagi ne merese in 8 saalonme bahot kuch china hain. Toh aise pal bhi maine bahot miss kiye hain.
Indu: Mummy aapko pata hain Papa ka janamdin humne kabhi bhi nahi manaya aaj tak. Unko pasandhi nahi aata tha. Agar unko wish kiya na tab bhi wo chillate the. Lekin wo humesha is din mandir me jake paise dan karte the.
Indira sari batein chup chap sun leti hain aur Indu ko padhai krne ko bhejti hain. Indira apnea apse:
Me janti hu Rishi ki aap apna Birth Day kyun nahi manate the. Lekin dekhna iss bar aapka Bi hum sab kaise milkar manate hain. Aap, Mein, aur humari Indu…
Thori der bad Rishi courtse wapas aata hain aur fresh hokar Indu aur Indira ke sath batein karta hain.
Indu : Waise Papa, kal aap court jayenge na? Mera matlab hain ki kal aapki chutti nahi hain na?
Rishi : Nahi hain. Lekin soch raha hu ki kal chutti lehi leta hu. Aur kal mujhe mandir bhi…
Indu : (Cut his words) Nahi Papa!!! Kal aap chutti mat lena. Wo actually meri aur meri dost ki shart lagi hain ki kal hum apne apne papa ko kam pe bhejenge. Agar aap ne kal chutti leli na toh me shart har jaungi. Please papa aap kal court jarur jana haa..
Rishi : Yeh kaisi ajibsi shart hain Indu? Aisi bhi koi shart lagata hain kya?
Indira: Kya Rishi, aap bhi na!!! Are bachhi hain toh laga li shart. Chalo ab khana khalo. Bahot thak gaye hain na mere pati aur meri meri beti. Chalo jaldi jaldi.
Aur wo sare dinner karte hain. Dinner ke bad Rishi apne room me case ke silsile me kam karta hain aur Indira Indu ki padhai lene ke bahane Birth Day ki planning karne Indu ke room me jati hain.
Agle Din :
Rishi Indu ko Breakfast karne ke liye bulata hain lekin wo nahi aati isiliye wo uske kamre me jata hain aur Indu ko sote huye dekhta hain. Wo bahar aakar Indira se puchta hain.
Indira : Are Indu ko thorasa bukhar hain. Maine doctor ko phone karke medicine puchkar use de di hain. Aap fikar mat kariye.
Rishi : Waise Indira, Indu ki tabiyat bhi kharab hain toh me soch raha tha ki aaj court nahi jau.
Indira: Nahi..aap aise nahi kar sakte..
Rishi : Matlab?
Indira : Are matlab me hu nay aha ghar pe. Aur abhi maine use dawai bhi toh de di hain. Aur agar kuch jyadahi uski tabiyet bigad gayi toh me aapko phone karke bulaungi. Aap aaramse tension free hokar jayiye.
Rishi : Are lekin tum akeli..
Indira: Maine kaha na Rishi..aapko mujhpe bharosa nahi hain kya? Aaur aap bhul gaye hain shayad maine itne salonse apni family ko sambhala hain.
Rishi kuch nahi bolta. Aur court jata hain. Rishi ke jane ke bad Indira Indu ke kamre me aati hain aur use uthati hain. Aur use ye promice leti hain ki wo fir kabhi aise jhut bolkar chutti nahi maregi. Aur fir wo dono taiyariyan karne lagti hain.
Court me Rishi ka man nahi lagta hain. Usse Indu ki bahot fikar hoti hain aur wo turant Indira ko phone lagata hain. Indu phone uthati hain.
Indu : Hello..
Rishi: Indu beta, me bol raha hu. Aapki tabiyat kaisi hain?
Indu : Papa aap..me thik hu papa.
Rishi : Beta me ghar aata hu abhi..
Indu : Nahi papa..aap itne jaldi mat aao..aap aapke time par hi aana haa..
Rishi : Are lekin tumhari..
Indu call cut karti hain. Rishi ko ye bat ajibsi lagti hain aur wo ghar janeka sochta hain lekin uske pass client aata hain aur wok am me busy hota hain.
At night:
Rishi ghar aata hain. Lekin dekhta hain ki ghar me roshni nahi thi. Wo dheere dheere hall me aata hain aur Indira aur Indu ko bulata hain. Tabhi hall ki light lagti hain aur Indu Indira "Surprise" kehke chillati hain. Rishi surprise hokar unke taraf dekhta hain aur idhar udhar dekhne lagta hain. Pura hall lighting se sajaya hua tha. Samne table pe Pineapple cake tha uske upar "Happy Birth Day Rishi" likhata tha. Rishi ye sab dekh kar bahot khush hota hain. Khushi ke mare uski aankhe bhar aati hain. Indira uske pass aakar use hug karti hain aur wish karti hain. Wo uski aankhe puchti hain. Indu aakar Rishi ko hug karti hain. Rishi use apni bahon me uthata hain. Indu Rishi ko galonpe kiss karti hain aur use wish karti hain. Rishi bhi use galonpe kiss karta hain. Indu use cake cut karne ko kehti hain. Rishi cake cut karta hain aur Indu aur Indira ko khilata hain. Indu cake ka cream Rishi ki galonpe lagati hain aur wo teeno cake se khelte hain.
Rishi : Hmm..toh ab samaja wo achanakse bukhar aana aur kuch hi der me thik hona ye sab natak tha na Indu. Aur Indira tum bhi isme shamil thi?
Indira: Fir ye jo aapki bachhi hain na puri ki puri aap pe gayi hain. Balki me toh kehti hu ki aapka pura jugadu dimag isme aaya hain. Isne mujhe yu aise(chutki bajati hain) convince kiya.
Indu: Chalo na papa mujhe bahot bhuk lagi hain.
Rishi : Haa, chalo, mummy ne khana banaya hoga na..
Indira : Oh..Hello, maine koi khana nahi banaya hain. Aapko hume party deni padegi. Chalo na Rishi hume bahar le chalo.
Rishi man jata hain aur wo teeno bahar khana khane jate hain.
comment:
p_commentcount