Agar tum mera haath tham lo toh zindagi ki har suni tanha raah ek khoobsurat mehfil ban jaayegi...aanewali har mushkil ek manzil bun jaayegi
Andhere mein bhi diye ki ek jhoth nazar aayegi...har toofani raat aasha ki ek nayi subah laayegi
Jaanta hoon khudgarz hoon jo itne nayaab heere ko paane ki aas liye baitha hoon
Jaanta hoon tumhe laakh chahnewale mil jaayenge par tumhare alawa iss batkismat ko koi aur samal nahi paayega
Ehsaas hai mujhe k maine aaj kuch zyaada hi maang liya...shayad khuda se uski khudaiyi hi maang li maine
Gustakhi ki hai maine saza ka haqhdaar bhi hoon
Tumhara faisla chahe jo kuch bhi ho tumhare lafzo k daiyre k bahar nahi hoon
Tumhara intezaar hi mere jeewan ka maksad hai
Aag aur patange k rishte ki tarah tumhare mohabbat mein jalkar fanna ho jaaunga par aakhiri dum tak tumhare mohabbat k nishaan apne dil se mitne nahi dunga"