FF(MANEET): DIL MIL GAYE Thrd1 upd prt 21 pg 141) - Page 50

PART 13

Khurana Constructions

Romeo: Ye adi sir bhi na pata nahi kabhi kabhi unko kya ho jaata hai. Are ye bhi koi baat hui achanak phone kar diya aur keh rahe hai ke kisi bhi haalat mein ek meeting arrange karo wo bhi koi aisi waise meeting nahi unhe tho der raat tak chalne wali meeting chahiye. Na koi prior notice di aur na hi pehle inform kiya bus order de diya are aisa bhi koi karta hai kya. Humari bhi personal life hai you know agar aaj mujhe apni girlfriend ke saath date pe jana hota tho mujhe date cancel kar dena padta tha na.

Pinky: Tumari koi girlfriend hai romeo tumne kabhi pehle bataya nahi.

Romeo: Filhaal tho nahi hai lekin jald hi mil jaayegi kyun tashaji?

Tasha: Whatever'

Pandey: Samasya samellan ayojit karne ki nahi hai mahoday balki katinayi toh iss baat ki hai ke iss baithak ka udeshya kya hai?

Manisha: what desh?

Pandey: udeshya manishaji arthath objective.

Tasha: Silly me. Pandeyji aap itne tough language ka use karte hi kyun ho jise ke koi samaj hi na paaye?

Pandey: Hum tho bade hi saralta se apne vicharo ko pesh karte hai najane kyun aap logo ko samajne mein khatinaayiyaan hoti hai aapki ye uljan ko samajne mein humara mashthiksh bhi asamarth hai.

Manisha: Wait a second guys pehle tell me ke who is this saralta and asamarth aur kisi ne mujhe bataya kyun nahi ke humare office mein new staff ko hire kiya ja raha hai?

Pandey: Manishaji aap samjhe nahi '

Romeo: Manisha pandeyji se hindi ke tuitions tum badme le lena filhaal ye socho ke iss problem se bahar kaise nikla jaaye

Pinky: Waise adi ab tak office kyun nahi aaye?

Romeo: Humhe musibaat mein dalkar pata nahi adi sir kaha rafoochakkar ho gaye hai.

Pinky: (angry) Romeo adi ke bare mein aisi baate mat karna samjhe tum.

Romeo: Ok pinky. Lo adi sir aa gaye.

Pinky: (smiles) Hello adi.

Adi: Hello pinky

Tasha: Agar aap dono ka hello game khatm ho gaya ho tho mujhe koi ye batayega ke ye meeting ka kya jhol hai?

Romeo: Exactly adi sir ye achanak aapko der raat ki meeting rakhne ki kya suji?

Adi: Guys koi meri baat sunega. Ye meeting maine announce nahi ki hai balki maan sir chahte hai ke hum ek nakli meeting rakhe jo ke dekhnewale ko asli lage.

Manisha: What maan sir ne aisa kaha magar kyun?

Adi: Pata nahi phone pe unka behaviour mujhe thoda ajeeb laga. Jaante ho mujhse maan sir keh rahe the ke meeting mein hum kulkarni's ka project discuss karte hai.

Pinky: Lekin uss project ke saare detail already finalized ho chuke hai.

Adi: Exactly pinky maine bhi unsse yahi kaha tab achhanak unhone kaha ke main kuch bhi nahi jaanta bus ek nakli meeting ka intezaam kar lena aur jaise hi maan sir office ayenge meeting start ho jaayegi.

Manisha: Lekin meeting mein humhe discuss kya karna hai?

Adi: Wahi toh pata nahi. Chalo hum sab milkar sochte hain

Pinky: Adi main check kar leti hoon ke kahii koi proposal pending hai kya ,waise iske chances tho bade kum hai bt still I think I will check.

Adi: Thanks pinky tum check kar hi lo waise bhi kehte hai dubte hue ko thinke ka sahara bhi kafi hota hai.

Pinky and tasha leave

Pandey: humare mashthiksh mein ek utkrusht kalpana aayi hai.

Manisha: O ho now who is this kalpana?

Pandey: Manishaji kalpana ka arth idea hai.

Romeo: Pandeyji jab aapko uss word ka English translation aata hai toh aap seede seede English mein kyun nahi bata dete?

Adi: Romeo'

Adi: Haan pandeyji aap apni kalpana ka varnan kijiye

Pandey: Mohoday kyun na hum sanganak arthath computer ka prayog kare aaj kal iss yantra mein har cheez ki jaankari uplabdh hai kya pata kisi mahan vyakti nein nakli samellan ka roopantaran kaise karte hai iss vishay par anusandhan kiya ho

Romeo: Kahi aap ye tho nahi kehna chahte ke hum internet mein ye dhoondne ki koshish kare.

Pandey: Aap purna roop se uchitt farmarahe hai mohoday

Adi: Ok guys.. tho chaliye apne apne tarike se is problem ka solution dundthe hain. Lekin itna yaad rakhiyega ke chahe kuch bhi ho maan sir k aate hi sab waqt par meeting ke liye pauhach jaayenge.

Everyone agrees

Khurana mansion

Maan(self talk): I hope adi ne meeting ki saari taiyaariya kar li ho. Geet ka koi bhi barosa nahi hai pata chala office mein hi aajaye. Geet tumne maan singh khurana ka kya haal kar diya hai koi sapne mein bhi nahi soch sakta ke tumse bachne ke liye mujhe ek nakli meeting jaisi koi cheez rakni padegi. Sach kahu toh mujhe tumse darr lagne laga hai tumhari aakhon mein mujhe ek ajeeb si shararat nazar aa rahi hai jise main samaj nahi paa raha aur ye yash bhi pata nahi ahem mauke pe kaha chala gaya hai ab apni problem main kiske saath share karu. Khair tumhare iss badle hue behaviour ka raaz tho main jaankar hi rahunga.

Saying so he sits in his car and leaves for work

Khurana Constructions

Maan arrives.

Maan: Pinky adi kaha hai aur meeting ki saari taiyariyaan ho gayi na?

Pinky: Haan sir adi bus ussi ki taiyaariyoon mein lage hue hain

Maan: good aadhe ghante ke baad hum meeting shuru kar rahe hai.

Pinky: Right sir

Maan about to leave bt stops

Maan: Achha pinky meeting ke waqt mujhse chahe koi bhi milne aaye usse andar aane mat dena ok

Pinky: Thik hai sir.

After half an hour everyone assembles to attend the meeting

Maan: Ok adi meeting shuru karo.

Adi: (stammering) Wo'.sir

Maan: kya hua adi batao hum aaj kaunse important project ke discussion ke liye yaha ikatta hue hai.

Adi: ok sir let me confess.

Saying so he places his hand on a file and

Adi: Main job hi kahunga sach kahunga aur sach ke alawa kuch nahi kahunga

Maan: Adi ye tum kya keh rahe ho ye koi court nahi hai jo tum ye kasam le rahe ho

Adi: issiliye tho sir court mein tho bhagwad geeta hoti hai aur humare office mein files ke alawa kuch aur nazar hi nahi aata isi liye main in files ki kasam le raha hoon

Maan: Adi tumhe kasam lene ki kya zaroorat aan padi?

Adi: Sir main kasam iss liye le raha hoon taki aapko meri bato par yakeen aa jaaye

Maan: Kaisi baat adi aur ab tak maine tumhari kaunsi baat par yakeen nahi kiya jho tum ye drama kar rahe ho?

Adi: Yahi toh mere life ki tragedy hai sir main jab bhi sach kehta hoon sabko drama hi lagta hai.

Maan: Saaf saaf batau adi baat kya hai

Adi: Sir maine bahut dhoondne ki koshish ki ke nakli meeting ka arrangement kaise kiya jaata hai lekin mujhe kahi se bhi koi rasta nahi mila. Jaante hai sir maine apne exams ke liye bhi itni padai nahi ki thi jitna ke maine inn 2 ghanto mein ki hai lekin meri puri mehnat pani mein chali gayi' u know absolute waste of time and energy

Adi: Sir aapke iss meeting ke chakar mein mujhe subah se ek chai bhi naseeb nahi hui. Savitri aunty kitne pyar se meri liye chai la rahi thi magar tabhi aapka phone aa gaya aur mujhe waha se jaana pada

Maan: (shocked) kya tum geet ke ghar pe the jab maine tumhe phone kiya? Tumne usse humari beech ki baat batayi tho nahi?

Adi: Geet ne mujhse puchha tho maine bata diya

Maan: gayi bhehes pani mein

Meanwhile, geet arrives

Geet: Hello pinky

Pinky: Hi geet tu yaha aaj college nahi gayi kya?

Geet: Nahi aaj lectures nahi the isliye socha zara maan se mil aau

Pinky: Maan sir tho iss waqt kisi meeting mein busy hai aur unhone strict orders diye hai ke chahe kuch bhi ho jaaye main kisi ko bhi unse milne na du.

Geet: khoob ache se jaanti hoon janab kaunsi meeting mein busy hai abhi maza chakathi hoon

Pinky: Are geet sun kaha ja rahai hai'

Geet enters

Geet: Are maan tum yaha meeting mein baithe ho aur waha tumhari girlfriend mujhe call karke ye keh rahi hai ke agar tum us se milne ke liye nahi gaye toh wo suicide kar legi

Everyone shocked to hear what geet was telling

Adi: Maan sir aapne pehle kabhi bataya nahi ke aapki koi girlfriend bhi hain

Geet gives a satisfactory smile and thinks ab dekhna bachuu geet tumhara kya haal karti hai.

Precap: Geet: " Achha tho government se kehkar ek bill pass kar dete hai jiske according har ek ma baap ko apne bachho ka naam rakhne se pehle shriman maan singh khurana ki permission leni hogi"