HUMTUM (a RagVir story)..FF..Pts 31,32..Uptd..Pg56 - Page 4

Part 7

Ranvir bada smile kiye jaa raha tha ke use Ragini ko dance class tak chodne ka mouqa mil gaya...... tabhi Ragini ne poocha....."kya baat hai Ranvirji....aap bahut khush lag rahe hai aaj."

 

Ranvir ne Ragini ko dekha toh uski chechre ki smile aur wide ho gayi....phir halki hassi se Ranvir ne kaha...."khushi ki wajah hi mujhse khushi ka sabab pooch rahi hai."

 

Ragini ko kuch samajh nahi aaya'..usne kaha''hmm  ???'

 

Ranvir ne sar hilate hue kaha'.'mera matlab hai ke khushiya mouqa dekh kar nahi aati'.hamein mouqa dekh kar khushiyon ko sametna chahiye.'

 

Ranvir ne Ragini ko gaur se dekha aur soncha ke shayad usko meri golmol baatein samajh hi nahi aa rahi hongi'.toh usne achanak kaha'.'chaliye bhabhi ke room mein chalte hai'.bhabhi wahi aa jayengi'..aur aap Alekh bhaiyya se bhi mil lengi.'

 

Ragini muskura kar uske saath chaldi'..voh khamosh apni hi dhun mein kuch sonche jaa rahi thi....Ranvir ki abhi kahi baat uske dil per asar kar gayi'.voh log abhi corridor mein hi aaye the'.ke Ragini ne kaha'.'ek baat batayiye Ranvirji'..kisiko kaise pata chalega ke yahi sahi mouqa hai ??'

 

Ranvir ko thoda thoda samajh aa raha tha ke Ragini kis silsile mein baat kar rahi hai'.voh Ragini ko dekhta hua uske gol ghoomne laga'..phir Ragini ke peeche se use dekhne laga'..Ragini abhi bhi kuch sonche jaa rahi thi'..Ranvir ne thoda uske left shoulder ke paas jhuk kar'uske kaano mein kaha'..'jab mouqa hota hai'toh dil khud hi aapko bata deta hai.'

 

Ranvir ki saanson se Ragini ke baal uske kaan per udd rahe the'.ek gudgudi si toh hui per Ragini ka dil zor se dhadak bhi raha tha'..usne pehle neeche dekha phir thoda hichkichaate hue slowly Ranvir ki taraf palti.

 

Ranvir bhi Ragini ko dekhe jaa raha tha'.phir usne mehsoos kiya ke voh thoda uncomfortable ho rahi hai toh'.usne thoda ek qadm peeche lete hue kaha''aur phir aapko apni dil ki sunni chahiye'..kyunki zyaadatar aapka dil jhoot nahi kehta.'

 

Ragini ne still kuch nahi kaha toh'Ranvir ne gala saaf kiya aur aage badhte hue kaha'.'chaliye chalte hai.'

 

Jab Ranvir aage nikal gaya toh Ragini bhi thoda ghabraate hue'.uske peeche chal di''.usse samajh nahi aaya ke abhi yeh jo hua tha'voh kya tha'.Ranvir ki nazdeeki uske pure body mein gudgudi ki tarah daud gayi'.phir usne soncha ke itni choti baton per itna nahi gaur karna chahiye'.shayad Ranvirji ka bhi aisa koi matlab nahi tha hoga.

 

Ragini ne apni hi sonch per sar hila diya aur Ranvir ke peeche Alekh ke kamre mein aa gayi aur Alekh ko dekh kar kaha''Namaste jijaji.'

 

Alekh ne palat kar dekha aur bada hi khush hua'.voh jaldi se Ragini ki taraf aaya aur kehne laga'.'oh tum ho'.gud gud'..achcha kiya tum aa gayi'.meri dost tumhe dekh kar bahut khush hogi'..aao aao.'

 

Ragini bhi bahut khush hui Alekh ko dekh kar'.usne kaha''aap kya kar rahe ho jijaji?'

 

Alekh apne excitement mein bhool gaya ke usko nahi batana thi yeh baat'.'main Ranvir ki dost ki painting bana raha tha.''.yeh kehte hi Alekh toh Alekh'Ranvir bhi chaunk gaya'.voh janna chahta tha ke kya uski imagine ki hui aur Alekh bhaiyya ki banayi hui painting ek hi hai'.Ragini ??

 

Ragini bhi hairaan ho gayi'.usne Ranvir ko dekha'.lekin Alekh se kuch pooch paati tabhi Ranvir aage badhte hue painting board ki taraf dekhte hue bola'..'mujhe dikhayiye na bhaiyya'..main dekhna chahta hoon.'

 

Alekh pareshaan ho gaya aur kehne laga'.'nahi nahi'.maine abhi complete nahi ki hai'.aur main jab tak na dikhaao'.usse koi nahi dekhega'..ok ok.'

 

Ranvir kehne laga'.'ok ok bhaiyya'..aap jab tak nahi dikhaoge'.hum nahi dekhenge.'

 

Alekh happy ho gaya aur tabhi sadhna andar aayi aur kehne lagi'.'kya chal raha hai yaha per''Alekhji ko koi tang toh nahi kar raha na.'

 

Ranvir ne jhat se kaha'.'nahi nahi bhabhi kisi ki koi himmat hai jo Alekh bhaiyya ko pareshaan karein ??'

 

Sab hasne lage toh Alekh ko gussa aa gaya'usne chid kar Ranvir ki taraf dekha aur kaha'.'mujhe waha se red color toh dena'..aur ab mujh per hasna mat.'

 

Ranvir, Sadhna aur Ragini ek dusre ko smile karte hue dekh rahe the'.phir Ragini red color ko utha rahi thi ke waha se Ranvir bina palte Paint box mein haath daal raha tha......uska haath Ragini ke haath se takraya toh Ragini ke haath se color choot gaya aur neeche gir gaya.

 

Ranvir jhuka use uthaane toh Ragini bhi jhuk gayi aur unke haath phir takra gaye'.per iss baar Ragini ka haath Ranvir ke haath se takraya.

 

Ragini ne jhat se apna haath hata toh liya per uske puri body mein jaise bijli si guzar gayi'..voh achanak uth kar khadi ho gayi aur apne duppatte se khelne lagi'..Ranvir apne aap mein smile kiye jaa raha tha'.usse achcha bhi laga apne liye aur bura bhi laga Ragini ke liye.

 

Voh phir smile karte hue sar hilata hua red color ki bottle ke saath khada ho gaya'..Ragini Ranvir se contact avoid karne ke liye achanak bol padi'.'I'm sorry jijaji'.yeh meri wajah se gir gaya.'

 

Alekh aur Sadhna smile karne lage aur Alekh ne kaha'.'koi baat nahi..koi baat nahi'.yeh toh mere aur meri dost ke saath roz hota hai..'

 

Yeh sunte hi'.Sadhna ki aankhen badi ho gayi'.uska chehra sharm se laal ho gaya'.aur Ranvir Ragini usko dekh kar muskuraye jaa rahe the''sadhna kuch bol bhi nahi paa rahi thi'''lekin Ragini ko yeh jaankar khushi bhi hui ke Alekhji ke dil mein ab Sadhna ke liye shayad koi aur jagah bhi ban rahi hai.

 

 

Edited by starz4me - 15 years ago

beautiful, loved it very much.👏

Originally posted by: *meghna*

😊i'm so glad sonal that you started with a new ff. 😛😛

i read all parts together and like always...your ff simply rocks.

👏

please update the next part soon.

 

SImply fantabulous part yet again yaar loved it totally am waiting for the next part now really its wonderfuly written can imagine all the ficticious scenes happening i wish it wud have happen in the show as well!!

Luv,

Shagun

Amazing part dear...!!! 👏 Very well written...!!! Waiting for the next part and you update quickly that's too good...!!! 😃😃😃

 

wOww really outstanding.. gud gud 😆

 

Part 8

Jab sab Sadhna ko muskurati nazron se dekh rahe the voh mare sharm ke paani paani ho rahi thi'.magar uska dil chehek raha tha ke Alekhji inn choti choti baton ko bhi gaur karte hai.

 

Phir usne baat badalte hue Ragini se kaha''arre jiji'.aapko kahi deir toh nahi ho gayi ??'

 

Sadhna ke kehne per Ragini bhi chamak gayi'.usne ghadi dekhi toh pata chala ke sach mein bahut deir ho gayi'.voh agar abhi nikal gayi toh shayad utni deir na ho'.usne jaldi se kaha'.'arre haan Sadhna'..deir toh ho gayi hai'.main abhi nikal jaati hoon'.tumse baad mein phone per baat karloongi.'

 

Sadhna ne sar hila diya'.aur waha se Ranvir bhi Ragini ke peeche peeche jaane laga toh Sadhna ne poocha'.'oh ho Ranvirji'.ab aap kaha jaa rahe ho?'

 

Ranvir ne kaha''bhabhi main aapki jiji ko dance class drop karne jaa raha hoon.'

 

Ragini palti aur kaha'.'nahi nahi Ranvirji'.aap toh sach mein aa rahe hai'..please takleef na karein'.main chali jaongi.'

 

Ranvir ne sar hilate hue kaha'.'aap phir se shuru ho gayi'..takleef ki kya baat hai'..aur waise bhi hum wada karke todne walon mein se nahi hai''''.phir usne Ragini ko gaur se dekha aur bol pada'..'bahut log toh waada karte hai aur pura na kar pane per sorry kehte rehte hai.'

 

Ranvir ki kahi yeh baat waha khade sab logon per asar kar gayi.

 

Sadhna aur Alekh soncha rahe the ke'..'Ranvirji jiski baat kar rahe hai'.voh unke saamne khadi hai per dono ko pata nahi hai'..ab toh koi chamatkaar ki hi khwahish hai.'

 

Ragini ko pata nahi kyu achanak aisa laga jaise Anmol bol rahe hai'..usne palat kar Ranvir ko gaur se dekha'.kuch deir bol hi nahi paayi'..bas sonchne lagi ke Ranvirji ki baatein kabhi kabhi Anmol ki yaad dilate hai'.Anmol ke zikr per Ragini ke honton per ek sharmili si smile aa gayi jo voh sabse chupa rahi thi.

 

Yaha Ranvir khud ki kahi baat per hairaan bhi tha'itmenaan bhi''itmenaan isliye..kyunki usne apni dil ki baat kehdi'hairaan isliye kyunki voh nahi chahta tha ke Ragini ko iss tarah pata chale ke Ranvir hi Anmol hai.

 

Usne baat ko sambhalte hue kaha'.'mere saare doston ke saath mujhe yehi ek problem hai.'

 

Sab ek dusre ko dekh kar muskura rahe the'.toh achanak Ranvir Ragini ki ore dekh kar kehne laga''chaliye Raginiji warna aisa na ho ke mein aapko dance class chodne jaa raha hoon magar kahi aapko ghar tak na chod aao.'

 

Iss baat per Ragini ko hassi aa gayi'.usse hasta dekh Ranvir bhi smile karne laga.

 

Raaste mein Ranvir gaadi chalane mein gum tha'.aur Ragini kuch sonch rahi thi'.aur baar baar Ranvir ki taraf dekhe jaa rahi thi'..toh achanak Ranvir ne kaha'.'keh bhi di jiye Raginiji'kya kehna chahti hai aap.'

 

Ragini hairaan ho gayi''aapko kaise pata chala ke main kuch kehna chahti hoon?'

 

Ranvir ne palat kar kaha'.'aap mujhe ek saath dekhe jo jaa rahi thi.'

 

Ragini thoda embarrass ho gayi'phir usne kaha'.'lekin aap toh meri taraf nahi dekh rahe the'.toh phir'.??'

 

Ragini kuch keh paati use pehle Ranvir uski taraf palta aur kaha''kya karein dil se dil ki raah hoti hai kabhi kabhi'..jo aap keh nahi paate'voh saamne wala khud hi jaan jaata hai.'

 

Ragini ko phir aisa laga jaise Anmol ne kuch kaha ho'.usse baar baar Ranvir ki baatein anmol ki yaad dila rahi thi'..voh sonch mein thi toh Ranvir use dekh dekh kar car chala raha tha'..phir usne jaana ke Ragini yehi sonch rahi hogi ke Anmol aur Ranvir ki baatein kitni milti hai.

 

Sab jaante hue voh muskuraya aur kaha'''kya kehna chahti thi aap ??'

 

Ragini ne soncha phir halke se kaha''kehna nahi'.kuch poochna chahti thi''agar aap bura na mano toh.'

 

Ranvir ne hassi se kaha'.'aapki koi baat per main bura nahi manta'..poochiye.'

 

Ragini ne badi hichkichahat ke saath poocha'.'kya aap kisiko chahte hai??'

 

Ranvir achanak aaye iss sawal per thoda chamka aur dheere se Ragini ki taraf palta aur kaha'.'chahta toh hoon.'

 

Ab Ranvir ek took Ragini ko dekhe jaa raha tha'.aur Ragini mare embarrassment ke yehi sonche jaa rahi thi ke maine poocha kyu'.Ranvirji kisiko bhi chahe'.voh unka mamla hai'.main kyu pooch rahi hoon.

 

Phir ranvir ne dheere se kaha'.'chahta toh hoon'..per aisa lagta hai usko abhi tak mera pyar samajh nahi aaya'.toh abhi bhi baat ek tarfa hi hai.'

 

Ragini ne jab nazre uthayi toh Ranvir use hi dekhe jaa raha tha'..Ragini uncomfortable ho rahi thi'.toh uski bechaini ko aur badhaate hue Ranvir ne poocha'.'kya aap kisiko chahti hai??'

 

Ragini ke hosh udd gaye'.voh kuch keh nahi paa rahi thi'.ab iss moment per usko khud per itna gussa aa raha tha ke kabhi kisi per nahi aaya hoga.

 

Edited by starz4me - 15 years ago

that was great....but pls let ragini find out already.....

Ragini ne jab nazre uthayi toh Ranvir use hi dekhe jaa raha tha'..Ragini uncomfortable ho rahi thi'.toh uski bechaini ko aur badhaate hue Ranvir ne poocha'.'kya aap kisiko chahti hai??'

 

Ragini ke hosh udd gaye'.voh kuch keh nahi paa rahi thi'.ab iss moment per usko khud per itna gussa aa raha tha ke kabhi kisi per nahi aaya hoga.

     You left it at a cliff hanger. Please update soon, wanna know how ragini reacts. Loving ranveer teasing ragini and ragini being all flustered.😆👏