Shaadi hui..Aur fir. Epilougue,P-49 29/12/09

Shaadi Hui.. Aur Fir..

kahte hai jodian upar se ban k aati hai.. "Marrieges are made in heaven".

is kahani me shadi hui..ek nahi..chaar logo ki shadi hui..aur fir shuru hua hungama..

ekne shadi ki kyonki usne pyaar kia..ek ne shadi ki kyonki uski shadi se kisi aur ki shadi ka raasta asan ho jata..ek ne shadi ki bas aise hi..time pass k lia..kyonki us waqt uske paas aur koi kaam nahi tha  ..aur ek ne shadi ki..kyonki..well yeh wajah khud usko bhi nahi malum.
------------------------------------------------------------ --------------------------------

Abhimanyu Vij:--pyar kia..fir shadi ki..aur ab..well..he is fine.par padosi kahte hai k inke ghar se bartano ki awaz bahut zada aati hai.

Akriti Vij:--inke hisaab se inka pati sab se bada loose character hai..Abhimanyu Vij.

Guddu:--actual name Abhiggyan Vij..pyaar se sab Guddu bulate hai..iske mushkil naam ki wajah se.
 

Guddu  sirf 3 saal ka hai..

Abhi aur Akriti k shadi ko 5 saal hue hai.

:::::::::::::::::::::::::::::::::::::::::::::::::::::::::::: :::::::::::::::::::::::::::

ek aur couple bhi hai..

Rajveer Singh Shekhawat:--bahut hi khadus hai..infact inki biwi ka kahena hai k 'khadus' labz inke lia hi bana tha..inko dekh kar lagta hai k humesha neem ka ras aur karele ki sabzi banti hai inke ghar me..par nahi inki biwi khana bahut achha banati hai.apni biwi k bare me inki rai hai k afwal darje ki "Idiot " hai,aur inki biwi bhi inke bare me yehi sochti hai.

Naina Singh Shekhawat:--pahle sochti thi k jab shadi ho hi gai hai..tab ekbar try kia ja sakta hai..par nahi..Raj is impossible.

Raj aur Naina k bhi shadi k 5 saal ho gaye hai.

and abhi tak yeh do hi hai..do se teen nahi hue..kahte hai 2 se 3 hone k lia 2 se 1 hona padta hai..

aur inke case me aisa kuchh bhi nahi hai...

agar Guiness Book me sab se jhagdaloo couple ka compitition ho..to yeh dono ..first prize laa sakte hai.

:::::::::::::::::::::::::::::::::::::::::::::::::::::::::::: :::::::::::::::::::::::::::::

VS Enterprises..naam thoda ajeeb hai..par iska full form hai Vij & Shekhawat Enterprises.

Abhi aur Raj dost bhi hai aur partners bhi.

Raj k dusre business bhi hai..par VS uska khwaab hai.

:::::::::::::::::::::::::::::::::::::::::::::::::::::::::::: :::::::::::::::::::::::::::::;

Akriti was a Supermodel and Naina is fashion designer.

Infact Akriti introduced her to the fashion world.
------------------------------------------------------------ -------------------------

Lead Roles:--

Rajeev Khandelwal as Rajveer Singh Shekhawat

Priyanka Bassi as Naina Singh Shekhawat.

Gaurav Chopra as Abhimanyu Vij

Sikha Singh as Akriti Vij.

Edited by yakkudimag - 14 years ago

wow!!!!it sounds really interesting........

aur aapki har ek fic alag hoti hai.....bas jaldi isse bhi updt kijiye.......yeh bhi utni hi mast hogi....


waiting for updt

wow...one more ff...its looking different and very interesting...continue soon di...and thanku soo much for this new ff

heyyyyy
tooooo guuuudddddd
hehehehehhehe mujhe bahat hasi arahi hai
ruko mujhe has ne do
hahahahahhaahhahahahahahahahahahhahahahhahahahahahahhahahaha 😃
just one word for u
mind blowing girl 👏

really interesting & different beginning
& really funny
plz taratari shuru koro
wait korchi

Ummm intersting!!!!

Par woh bindi pic pe bahut kharab lag rahi hai!!!!!

its different..really loved the concept plz do continue

2006,8th January..

pichhli raat ko Raj aur Naina me jhagda hua..

bas jhagda hua..ab age na puchhna hi behtar hai.

wajah..Naina red colour ki saree pahen k office gai thi..aur Raj k lia yeh red bahut unlucky hai..

Raj ka kahena hai..is wajah se uska ek client usko chhod k bhaag gaya.

Naina--chhodne ki wajah meri red colour ki saree nahi..tumhara apna nature hai.

Raj--shut your mouth..

Naina--you shut up..superstitious..sankhi..khadus...

Raj--I will kill you..

Naina--please..main bhi dekhu..kitna dum hai tumhare andar..come on show me..

Raj ne Naina ki red saree nikali..aur lighter se usko jalane ja raha tha..aur Naina ne uska laughing Buddha ka statue nikaal lia..

Naina--meri saree chhodo..varna yeh statue gaya..tumhara good luck charm..

pados k log samajhne lage k Raj Naina k kapde zabardasti utaar raha hai.. yeh sun kar k Naina bol rahi hai,"meri saree chhodo."

thodi der baad cease fire..

Raj--Naina..khana lagao...

Naina--tunde ho gaye ho kyaa..khud nikaal k khaa lo..aur waise bhi kisi jotishi ne nahi bola..k Naina k haath ka khana mat khao..varna tumhara business doob jayega?

Raj--oo please..fir se shuru mat karo..

Naina--shuru tumne ki hai..

Raj--ok..fine..yeh daal itni patli kyon hai?

Naina--what?

Raj--yeh roti itni gol kyon hai?aur raita..itna thanda??

Naina--tum pagal ho kya?daal patli nahi to kaisi hogi?roti gol nahi to India ka map jaisa hoga kya?aur raita..isko thanda hi khaya jata hai..aur agar zada thanda lage to tumhara dimag to hai hi..tandoor jaisa..

Raj--bakwas khana hai..

Naina--ok..mat khao..mujhe khane do..laao plate laao..

Naina plate uthane lagi..

Raj--thik hai..thik hai..khane do..

Naina khana leke chali gai bedroom me....

thodi der baad Raj ne bedroom me knock kia.."Naina..darwaza kholo,"

Naina--drawing room me sado raat bhar.

darwaza khula nahi sari raat...

raat agar aisi guzre to subha admi ka mood kharab hi hoga..

subha utha..to main darwaze pe knock..

Abhimanyu tha..

Raj--kyaa baat hai..itni subha??andar aa..

Abhi andar aya..cigarette jalaya usne..dhuan uda raha hai..

Raj--bata..kyaa baat hai?

Abhi--udhar dekh..

Raj ne dekha..Abhi apna saman bhi saath laya hai..

Abhi--main chala...ghar chhod k aya hoon..

Raj jo thoda bahut neend me tha..uska nasha utar gaya...

Raj--kyaa bakta hai?Akriti k sath jhagda hua??

Abhi--kal raat..usne mujhe bed se niche fek dia..laath maar k..boli..agar upar ane ki koshish bhi ki..to chillake roke sab ko bataungi..that You tried to do marital rape..

Raj ko jhatka laga.."whaaaaaaaatttt?"

Abhi--haa..mera minimum marital right usne chheen lia..

Raj--par hua kyaa?

Abhi--are..kal main gaya tha laundry..ek aurat bhi aai thi..uska saman zada tha..maine uska ek packet utha lia..woh packet bhul k chali gai..maine socha k agle din woh laundry me ayegi to usko uska saman de dunga..woh har hafte ati hai laundry..aur ghar ake maine us packet ko apne almari me rakh dia.

Raj--aur Akriti ne dekh lia..waise aurat ki umar ?

Abhi--are middle aged hai..par Akriti samajhti hai k woh packet meri girlfrind ka hai..

Raj--packet me kyaa tha?

Abhi--batate hue sharam ati hai.. blouses aur peticoats..dhone k lia aye the...purane..

Raj--aree areee reeee..

Abhi--Akriti samajhti hai..k uska laundry ka bill main bharta hoon...soch..

Raj--shadi karne se pahle tune socha tha?

Abhi--aur sab kuchh ho raha hai Guddu k samne..3 saal ka bachcha hai.. apne baap ki aisi beizzati ..uspar kiaa asar hua hoga??

aise me Naina aai neeche.."Hello Abhi bhaiya.."

Abhi--good morning.

Raj--chai lake do..

Naina gai chai banane..

Abhi--pani abhi sar k upar chadh gaya hai yaar..

Raj--karna kyaa chaahta hai?

Abhi--sannyaas..ghar se door..

Raj--humesha k lia..?

Abhi-nahi yaar..thode din door rahunga..Akriti samjhegi pati kyaa hota hai.. mere pair me geer kar royegi..tab shayadh main ghar lautne k bare me sochu..

Raj khush hua..Abhi ab jake mard bana..

Naina chai lai..

Raj--abhi jake nashta banao..

Naina--main yeha rahoon..nahi chaahte?

Raj--samajh rahi ho..to puch kyon rahi ho..

Naina jab nashta leke aai..tab tak Abhi ja chuka tha..

Naina--Abhi kaha gaya?

Raj--gaya hai kahi..

Naina--sannyaas?

Raj--that is not your look out..

Naina--ok fine..nashta rakha hai ..kha lena..mujhe kaam hai zara..

aise me dubara knock..

Raj ne darwaza khola..

Akriti aai hai..

Akriti--woh kameena idhar se bhi khisak lia?

Raj(man hi man)waah..kyaa izzat hai pati k lia..bharatiya naari..Abhi..you deserve it..Akriti ko tune hi sar pe chadha rakha hai..bhugat..

Raj--yeha aya tha..par chala gaya..aapne shak kar k uska jeena haram kar dia hai..

Akriti--oo..use aisa kaha..bhaisaab..maine usko kai baar pakda hai..ek bar ladies rumal..bindi ka sachet pack.aur kyaa sabut chahie aapko?

Raj--wajah to puchh sakti thi tum..

Akriti--shak ki baat kar rahe hai aap..apka dost kuchh kum nahi hai..mere door k rishte k jijajee ate hai..mujhe apni bahen ki tarha maante hain..unpar bhi shak karta hai..pichhle hafte mere college ka ek purana dost aya tha..thik se baat tak nahi ki usse..aise ghurta raha usko..aur shakki mujhe kehta hai? thik hai..jaha marzi jaye..aap to dost hai unke..kah dena usko..main nahi bulane wali usko..chalti hoon.

Raj(man hi man) Abhi..sala tu to chees nikla..apni ghaltian gatak gaya?par Naina se Akriti ki mulakat na hi ho to achha hai..varna Naina bhi Akriti ki tarha..nahiiiiiiiiiiiii..

darwaze pe knock sunkar Naina hall me aai.."kaun thi?"

Raj--koi nahi..bhaajiwali..tum jao nahane..

Raj gaya neeche k bathroom me..nahane..kahi Naina ne sara nashta khaa lia to?

Naina khana bahut badhia banati hai..

Naina ready hoke neeche aai hai..Raj gaya bedroom me ready hone k lia..

achanak ek photo par nazar padi..uski shadi ki photo..kyaa shadi thi...apni shadi se zada fikar thi Abhi ki shadi ki..

court me registry hone k baad mandir gaye the dono..aur Raj ne sindoor ki bindi itna zada laga dia tha..Naina k naak tak aa gai thi

woh din hai..aur aajka din hai..

dukh bhare 5 saal..us waqt Naina ne shadi naa hi karta to achha hota..dhatt..

sardi ki itni achhi subha..aur sara maza kharab ho gaya..

Naina ne awaz di..."nashta karna hai yaa baharwalo ko de doo?"

Raj--aayaa..pura mat kha jana..

niche ake..Raj baitha nashta karne k lia..

Naina--main aaj Akriti k sath rahungi..

Raj--kyon..

Naina--Abhi jo baat tumko ghar pe ake bata gaya..main woh baat usse pahle jaan gai thi..Akriti ne phone kia tha..30 minutes pahle..

Raj k haath se chammach geer gaya..

Edited by yakkudimag - 15 years ago

Ha ha ha ha!!!!Very funny 😆 😆 !!!!

Loved this!!!!Akriti kya ladki hai!!!!

Naina ne usse tips lene ka nahi socha???

And that dialogue reminded me of Khichdi serial in which it was "Khana la rahi ho ya bahar se mangwaloo?"

Waise Naina bhi kuch kam nahi hai!!!!

Par ek baat naak pe sindoor ka matlab toh yeh hota hai na ke pati bahut pyaar karta hai 😕 !!!

wowwwwww yaar
superb
too funny 😆
loved the update
u rocked
👏
waiting for u'r next update