Sher O Shayri

   

This Week’s POTW is.... (Page 3)

Post Reply New Post

Page 3 of 4

Page 1 Page 2
Page   of 4
Page 4 Page 4

--Pinky--

IF-Sizzlerz

--Pinky--

Joined: 27 December 2005

Posts: 14893

Posted: 28 April 2007 at 10:40pm | IP Logged
Originally posted by amisra

Ok Pinky, here's the next task:

Write your top ten favorite books and explain why?


Anjali, i dont read i am on the net and IF most of the time, the time i am not i watch a few serials.

I like to read Shairy books, i have loved to read books of Faiz Ahmad Faiz, Parveen Shakir, Ahmed Faraz.

Dear Guest, Being an unregistered member you are missing out on participating in the lively discussions happening on the topic "This Week’s POTW is.... (Page 3)" in Sher O Shayri forum. In addition you lose out on the fun interactions with fellow members and other member exclusive features that India-Forums has to offer. Join India's most popular discussion portal on Indian Entertainment. It's FREE and registration is effortless so JOIN NOW!

amisra

IF-Dazzler

amisra

Joined: 12 July 2006

Posts: 3011

Posted: 29 April 2007 at 12:28am | IP Logged
Ok then Pinky. Write your top ten favorite poems and explain why.

--Pinky--

IF-Sizzlerz

--Pinky--

Joined: 27 December 2005

Posts: 14893

Posted: 29 April 2007 at 11:43am | IP Logged
Originally posted by amisra

Ok then Pinky. Write your top ten favorite poems and explain why.


1. By Ahmad Faraz.
ab ke tajdiid-e-vafaa kaa nahii.n imkaa.N jaanaa.N
yaad kyaa tujh ko dilaaye.N teraa paimaa.N jaanaa.N

[tajdiid=renewal; imkaa.N=possibility]
[jaanaa.N=dear one/beloved; paimaa.N=promise]

yuu.N hii mausam kii adaa dekh ke yaad aayaa hai
kis qadar jald badal jaate hai.n insaa.N jaanaa.N

zindagii terii ataa thii so tere naam kii hai
ham ne jaise bhii basar kii teraa ehasaa.N jaanaa.N

[ataa=given by; basar=to live; ehasaa.N=favour]

dil ye kahataa hai ki shaayad ho fasurdaa tuu bhii
dil kii kyaa baat kare.n dil to hai naadaa.N jaanaa.N

[fasurdaa=sad/disappointed]

avval-avval kii muhabbat ke nashe yaad to kar
bepiye bhii teraa cheharaa thaa gulistaa.N jaanaa.N

[avval-avval=the very first]

aaKhir aaKhir to ye aalam hai ki ab hosh nahii.n
rag-e-miinaa sulag uThii ki rag-e-jaa.N jaanaa.N

[rag=veins; miinaa=wine-holder; jaa.N=life]

muddato.n se ye aalam na tavaqqo na ummiid
dil pukaare hii chalaa jaataa hai jaanaa.N jaanaa.N

[muddat=awhile; tavaqqo=hope]

ham bhii kyaa saadaa the ham ne bhii samajh rakhaa thaa
Gam-e-dauraa.N se judaa hai Gam-e-jaanaa.N jaanaa.N

[Gam-e-dauraa.N=sorrows of the world]

ab kii kuchh aisii sajii mahafil-e-yaaraa.N jaanaa.N
sar-ba-zaanuu hai ko_ii sar-ba-girebaa.N jaanaa.N

[sar-ba-zaanuu=forehead touching the knees]
[sar-ba-girebaa.N=lost in worries]

har ko_ii apanii hii aavaaz se kaa.Np uThataa hai
har ko_ii apane hii saaye se hiraasaa.N jaanaa.N

[hiraasaa.N=scared of]

jis ko dekho vahii zanjiir-ba-paa lagataa hai
shahar kaa shahar huaa daaKhil-e-zindaa.N jaanaa.N

[zanjiir-ba-paa=feet encased in chains; zindaa.N=prison]

ab teraa zikr bhii shaayad hii Gazal me.n aaye
aur se aur huaa dard kaa unvaa.N jaanaa.N

[unvaa.N=start of chapter/title]

ham ki ruuThii hu_ii rut ko bhii manaa lete the
ham ne dekhaa hii na thaa mausam-e-hijraa.N jaanaa.N

[mausam-e-hijraa.N=season of separation]

hosh aayaa to sabhii Khvaab the rezaa-rezaa
jaise u.Date huye auraaq-e-pareshaa.N jaanaa.N

[rezaa-rezaa=piece by piece; auraaq-e-pareshaa.N=strewn pages of a book]

--Pinky--

IF-Sizzlerz

--Pinky--

Joined: 27 December 2005

Posts: 14893

Posted: 29 April 2007 at 11:53am | IP Logged
2. By Parveen Shakir

hamaare daramiyaa.N aisaa ko_ii rishtaa nahii.n thaa


hamaare daramiyaa.N aisaa ko_ii rishtaa nahii.n thaa
tere shaano.n pe ko_ii chhat nahii.n thii
mere zimme ko_ii aa.Ngan nahii.n thaa
ko_ii vaadaa terii zanjiir-e-paa banane nahii.n paayaa
kisii iqaraar ne merii kalaa_ii ko nahii.n thaamaa
havaa-e-dasht kii maanind
tuu aazaad thaa
raaste terii marzii ke tabe the
mujhe bhii apanii tanhaa_ii pe
dekhaa jaaye to
puuraa tasarruf thaa
magar jab aaj tuu ne
raastaa badalaa
to kuchh aisaa lagaa mujh ko
ke jaise tuu ne mujh se bevafaa_ii kii


3. Parveen Shakir

pyaar


abr-e-bahaar ne
phuul kaa cheharaa
apane banafshii haath me.n lekar
aise chuumaa
phuul ke saare dukh
Khushbuu ban kar bah nikale hai.n

[banafshaa=violet flower]

--Pinky--

IF-Sizzlerz

--Pinky--

Joined: 27 December 2005

Posts: 14893

Posted: 29 April 2007 at 12:11pm | IP Logged
4. Faiz Ahmed Faiz

kuchh ishq kiyaa, kuchh kaam kiyaa

vo log bahut Khush_qismat the
jo ishq ko kaam samajhate the
yaa kaam se aashiqii karate the
ham jiite jii masaruuf rahe
kuchh ishq kiyaa kuchh kaam kiyaa

kaam ishq ke aa.De aataa rahaa
aur ishq se kaam ulajhataa rahaa
phir aaKhir tang aakar ham ne
dono.n ko adhuuraa chho.D diyaa

5. Mujhe maujzoun pe yaqeen nahin
magar aarzoo hai ke jab qaza
mujhe bazm-e-dahr se le chaley
toh phir ik baar yeh azan dey
ke lahd se laut ke aa sakoon
tere dar pe aa ke sada karoon
tujhe ghum ghusar ki ho talab
to tere huzoor mein aa rahoon
ye na ho toh sou-e-rah-e-adam
mein phir aik bar rawana hoon

--Pinky--

IF-Sizzlerz

--Pinky--

Joined: 27 December 2005

Posts: 14893

Posted: 29 April 2007 at 12:32pm | IP Logged
6. Dont know who's written this one

Bd-Soorat Larki

Mein ik bd-soorat larki hoon
Be-rang tasveer
Mera chehra aik dhundlaya hua aks hai
Logoon ne baarha
Mujhe ehsas dilaya hai
Mein un se kehti hoon
Tumhari aankhein
Kyun meri soorat ka aaina banti hain
Jab mein ne toh barsoon beetey
Aainey torh diye hain.

--Pinky--

IF-Sizzlerz

--Pinky--

Joined: 27 December 2005

Posts: 14893

Posted: 29 April 2007 at 12:48pm | IP Logged
others i'll keep sharing with u on the forum.

hope u like the 1's i have posted

amisra

IF-Dazzler

amisra

Joined: 12 July 2006

Posts: 3011

Posted: 30 April 2007 at 1:03am | IP Logged
Very nice choices Pinky! Clap

Post Reply New Post

Go to top

Related Topics

  Topics Topic Starter Replies Views Last Post
And Now Presenting This Week’s POTW....

2 3

amisra 16 923 11 June 2007 at 3:54am
By maya_afreen
Our next POTW is.......

2 3

Kiran. 18 884 22 May 2007 at 10:18am
By OnlyHope
Please Welcome our next POTW

2 3

Kiran. 18 1201 10 May 2007 at 1:21pm
By -Khushiyana-

Forum Quick Jump

Forum Category

Active Forums

Sher O Shayri Topic Index

Limit search to this Forum only.

 

Disclaimer: All Logos and Pictures of various Channels, Shows, Artistes, Media Houses, Companies, Brands etc. belong to their respective owners, and are used to merely visually identify the Channels, Shows, Companies, Brands, etc. to the viewer. Incase of any issue please contact the webmaster.