Ariya Trust is Love - Page 7

Arjun ko uska chehre yaad aata hai, par woh impossible hai...shayad uske man ka wahem...fir bhi uske dil mein thoda sa hope jaagta hai, aur uske saath vishwas...

Arjun ready hokar ETF jaata hai

Waha ETF mein, Rathore, Shree aur Chotu conference room mein baithe hai...Shree aur Chotu dono Arjun ko lekar tensed hai

Shree: ye Arjun sir abhi tak kyun nahi aaye?

Rathore(sternly): woh nahi aayega, behtar hoga tum dono faaltu ki baatein sochne ki bajay kaam par dhyaan do!!!

Dono irritate hokar ek dusre ki taraf glance karte hai, unhe gussa aa raha hai

Chotu: Nahi!!!

Rathore: kya?

Chotu: nahi, hum kaam nahi karenge...

Shree: jab tak Arjun sir nahi aate tab tak hum kuch nahi karenge

Rathore unhe glare karta hai: tum dono ko pata hai iska anjaam kya hoga?

Dono uthte hai

Shree: ha, aap humara transfer karwayenge right? Aur kar bhi kya sakte hai aap?

Rathore: SHREE!!

Chotu: agar Arjun sir ETF mein nahi honge toh hum bhi yaha kaam nahi karenge

Shree: kal subah tak humara bhi resignation mil jaayega SIR!!! (Chotu se) chal Chotu

Rathore unhe glare kar raha hai, kuch bolne waala hai tabhi

Pichese ek stern voice: koi kahi nahi jaayega!!!

Sab mudte hai...waha Arjun khada hai apne usual style mein...Shree aur Chotu use dekhkar khush ho jaate hai

Rathore gusse mein: Tum Yaha Kya Kar Rahe Ho?

Arjun: kya hua Rathore? Yaadasht chali gayi? Bhul gaye main bhi ETF ka second-in-command hun? raat-o-raat short term memory loss ? strange... abhi utne bhi budhe nahi ho

Rathore: RAWTE!!!!!

Arjun(casually apni chair par baithte): chillana band karo!! Mere kaan dard kar rahe hai, koi Kishore Kumar nahi ho ki tumhari madhur awaaz sunne ka shauk ho

Rathore(gusse mein) : Mujhe Bhi Tumhari Awaaz Sunne Ka Koi Shauk Nahi Hai!!!! Maine Tumhe Yaha Aane Se Mana Kiya Tha

Arjun: jaha main jaana chahtu hu waha jaane se mujhe bhagwaan bhi rok nahi sakta toh tum kya cheez ho?

Rathore use glare kar raha hai: Main Is Team Ka Chief Hun Aur Main Tay Karunga Ki Kaun Yaha Rahega Aur Kaun Nahi!!!!!!!!

Arjun (casually): afsos ki tum mujh par orders chala sakte ho par I can choose not to follow you...so please go to hell and get lost!!!  (Rathore kuch bolne waala hai par Arjun haath upar karke use rokta hai) Aur agar tumhe koi problem hai toh commissioner se complain karo

Aur file uthakar usme ghus jaata hai, Rathore use glare karte hue apne cabin mein chala jaata hai aur commissioner ko phone karta hai

Rathore: jai hind sir!!

Commissioner : jai hind!!! Kaho kaise phone kiya?

Rathore: sir, main chahta hu ki aap Rawte ka transfer kahi aur kar de

Commissioner: kyun?

Rathore chidte hue: Sir Main Us Admi Ko Nahi Jhel Sakta Hai !!!

Commissioner sigh karta hai: dekho Sameer, tum dono ke bich kya problem hai, yeh tum hi jaano...main Arjun ka transfer nahi kar sakta...is case mein hi nahi mujhe ETF mein bhi uski zaroorat hai...tum dono apna problem khud hi solve karo toh behtar hai

Rathore: par sir...

Lekin phone kat chuka hai

Rathore table par apni fist bang karta hai: DAMMIT!!!!!

Idhar conference room mein Shree aur Chotu shock aur khush hokar Arjun ko dekh rahe hai...Arjun yeh mehsoos karta hai par dekhta nahi...kuch pal baad

Arjun(amused): kya hua tum dono ko?

dono negatively nod karke, apni smile chupaate hue kaam mein ghus jaate hai, par man hi man mein bahot khush hai ki Arjun firse pehle jaise ban gaya hai...itne dino baad firse usne Rathore ko ulta jawaab diya, wahi khadoos avtar, wahi indifference, lekin ek baat thi jo alag thi...uske chehre ki dabi-dabi si muskaan aur sukoon...

shehar ke dusre kone mein, ek bada sa bungalow, bahar lohe ka main gate, do armed guards...ek admi bike par waha aata hai, gate ke baahar rok kar, woh utarta hai

Ek guard: salam Hussain bhai!

Hussain: salam, saahab hai?

Guard: ha

Woh gate kholta hai, Hussain chalkar andar jaata hai, aur doorbell bajata hai, ek admi peep hole se check karta hai aur fir darwaaza kholta hai...Hussain andar jaata hai...andar chaaro taraf armed guards hai...

bungalow aalishan hai, deewaro par mehngi paintings, room ke ceiling par crystal chandelier, marble se bane hue pillars mein carving...Hussain ko waha aate hue na jaane kitne saal ho gaye par aaj tak jab bhi woh waha jaata hai, uske luxury se woh chaka -chaund ho jaata hai...

Left side...ek curved staircase se kuch log niche utarte hai, center mein ek admi, lambe baal, chauga pehne hue use sternly dekhte hue, niche aata hai...woh aakar rosewood ke bane sofa par baithta hai, uske aaspaas jo log the woh uske piche khade ho jaate hai...us admi ka bhes dekhkar Hussain thoda confuse ho jaata hai

Hussain: boss, aap yeh Prachand baba ke bhes mein kyun hai? Logo ke saamne uski sachai baahar aa gayi hai, ab aap dohri zindgi kaise jeeyenge?

Boss: ye Prachand Baba ka nahi mera bhes hai

Hussain : main kuch samjha nahi

Boss: main Himalay par jaakar saadhu banne wala hun

Hussain abhi use confused look de raha hai

Boss: 10 crore ka maal jo pakadwa diya tumne

Hussain thoda ghabrata hai: woh boss...

Boss: KHAMOSH!!!

Hussain chup ho jaata hai

Boss uthkar uske paas aata hai: tumhe pata hai? Ki woh maal sample order ka tha? KITNI BADA CLIENT THA WOH HUMARA? Kitni badi deal TUMHARI LAPARWAHI KI WAJAH SE mere haath se nikal gayi!!!

Hussain apne aap ko defend karte hue: boss maine toh puri savdhaani barti thi, lekin...lekin ahem waqt par woh...woh ACP Rawte waha pahunch gaya apni team ke saath, pata nahi...

Boss: kya kaha tumne? ACP Rawte?...Arjun Rawte?

Hussain: ha boss

Boss ko gussa aata hai: YEH ADMI HUMESHA MERE KAAM MEIN TAANG ADAANE KAISE PAHUNCH JAATA HAI!!! Kya kuch nahi kiya maine use rokne ke liye...uski biwi ko maar daala, uske teen saathiyon ko maar daala, yaha tak ki us minister se Kehkar use apni hi team ke murder ke jhuthe ilzam mein fasaya fir bhi har baar, HAR BAAR WOH BACH KAISE JAATA HAI?!?!?!!? Aur ek showpiece uthakar deewar par fek deta hai, jisse woh tut kar bhikar jaata hai

Hussain: boss, aap mujhe ek mauka do, is baar us Rawte ko aisa maza chakhaunga ki woh dobara aapki taraf aankh uthana toh dur hai, uske baare mein sochega bhi nahi

Boss apne gusse ko shaant karte hue: sahi kaha tumne...use sabak toh sikhana hi padega..(woh ek jhatke mein apne chauge se chaaku nikaal kar Hussain ka gala kaat deta hai)...par use sabak main sikhaunga!!!

Hussain niche girkar tadapne lagta hai

Boss: sorry Hussain par mujhe galtiyaan pasand nahi hai

Hussain aise hi shock se usse dekhte hue apna dum tod deta hai

Boss: ab us ACP Arjun Rawte ko main...SIKANDAR KHUD...apne ghutno par le aaunga, use aisi maut dunga ki maut ki bhi ruh kaanp uthegi...use itna tadpaunga ki woh khud maut ki bheek maangega

Aur evilly laugh karta hai...

Kisi teesre kone mein ek chota ghar hai, zyaada luxuriant nahi bas basic need wala, ek normal ghar jo kisi bhi normal admi ka ho sakta hai...andar

Ek Ladki gusse mein main door kholne ki koshish kar rahi hai, kick maar ke, darwaaze ko push karte hue, alag-alag cheezon se lock kholne ki koshish karti hai, kabhi curtain rod se maar kar toh kabhi hairpin lagakar, par na us lock ko kuch hota hai aur nahi darwaaze ko...

Woh irritate hokar rod side mein fek kar zor se curse karti hai, sofa par baithi do aur ladkiyaan use dekh rahi hai, ek amuse hokar dusri bore hokar

Woh dusri ladki: kyun energy waste kar rahi hai, kuch nahi hone waala

Pehli waali: are woh darwaaza kholne ki koshish thodi kar rahi hai, woh toh work out kar rahi hai? (todne waali ki taraf turn hokar) haina?

Woh Ladki un dono glare karti hai...dono hasti hai...

Raat hoti hai, udhar office se sab log nikal rahe hai, Rathore apne raaste jaata hai

Shree: Arjun sir?

Arjun: hmm...

Shree: sir...woh ...umm...ab aage kya karna hai?

Chotu: ha sir, John ghar par hai par use kuch pata nahi, jo log pakde gaye hai sab bhaade ke hai, saara kaam phone par karte hai, kaam hote hi nikal jaate hai in fact unme se kayi to is state ke bhi nahi hai...

Shree: aur woh admi jo unka boss tha woh toh bhag gaya

Arjun: woh admi hi hume Sikandar tak pahunchayga

Dono confuse hote hai

Shree: kaise? Woh toh pakda bhi nahi gaya?

Arjun: mujhe nahi pata

Dono aur confuse ho jaate hai

Chotu: toh phir aap aisa kyun keh rahe hai ki wahi hume Sikandar tak pahunchayga?

Arjun: kyunki main jaanta hun

Chotu: par abhi toh aapne kaha ki aapko nahi pata

Arjun: maine yeh kaha ki kaise main nahi janta, main bas yeh janta hun ki yahi hoga

Shree: sir, hume aapki pehaliyan nahi samajme aa rahi hai

Arjun(smiling): yeh mere liye bhi paheli hi Shree, par ab maine ise samajna ki koshish karna band kar diya hai...(use us Ladki ki yaad aati hai)...kyunki jaha vishwas ho waha kuch bhi mumkin hai kuch samjhe ya samjhao?

Dono: kuch nahi samaj aa raha hai

Arjun smile karta hai: baadme samjhaunga. Aur wink karke chala jaata hai

Idhar dono abhi bhi usi bewildered state mein hai

Shree: yaar ye Arjun sir ne paheliyan bhujana band kiya tha toh hume problem ho rahi thi, ab firse shuru kiya toh kisi aur ki paheliyan lekar aa gaye...ye sab ho kya raha hai?

Chotu: mujhe bhook lagi hai

Shree use glare karta hai: tujhe khaane ke ilawa aur kuch sujhta hai?

Chotu: dekh itna soch sochkar mera pet aur dimag dono khaali ho gaya hai, ab kuch kahunga toh soch paunga samjhe???

Shree disbelief mein apna sar hilata hai: main tujhse argument karta hi kyun hu mujhe samaj nahi aa raha

Chotu: ab is baat ka jawaab toh tu khud hi de sakta hai

Shree: maaf kar mere baap galti ho gayi!!!

Chotu: toh woh teri galti uski saza main kyun bhugtu?

Shree: Chotuuu!!!!!!

Chotu hasta hai: acha bhai chal-chal aaj ka khaana meri taraf se aur use wahase le jaata hai ...