Posted: 7 years ago
Hello guys πŸ€—

Am new on the writer's corner. I love to express ideas though am not much of a writer πŸ˜†. I had written this story some three years ago. I can't guarantee as to how many chapters this story may take up. So this can be a short one depending upon the lengths of the chapters. As I said this is written long back. Not proofread. Kindly ignore the mistakes. πŸ˜ƒ I'll update it on respone. Feel free to express your views even if you all don't like it. 

Regards, 
DD
 
BROWSE AS PER THE PG.NOS.
 
CHAPTER 1: PG.1
Edited by daydreamers - 7 years ago
Posted: 7 years ago
CHAPTER 1: CHAOS & CLEARANCE


Scene -

janpath road. A mob protesting against the court decision over a

murder case. Police on the orders of the government charging lathis

over the agitated mob. Media covering the news. People bleeding,

several of them injured in the stampede. Now subjected to water

cannons.

This has been the scenario for the past four days.

V.O.

Yeh to bas chingari hain. Aag toh lagni baaki hain. Bas thoda waqt do aur dekho kya hota hain. Sirf chaar din huye hain aur chaar din ruko.

Phir dekhna, rok sakoge toh rokna.

Yahi hain meri duniya. Koi bhi kahaani pakdo aur use tadakta bhadakta breaking news bana do. Aisi mystery create karo ki end tak uska solution na ho. Kahaani ko aise mod do ki na u-turn maar sako aur na hi kisi chaurahe par raasta badal sako.

The only required condition is kisi naami gelaami insaan ka naam, kuch aur nahi toh government ka saath. Kisi choti news ko breaking news banane ke liye itne ingredients kaafi hain.

TEZ KHABAR (office):

Jai: yaar sach me aj toh dauda dauda ke khoon paseena ek kar diya inn logo ne.

Anika- tumhe hi excitement thi aisi unwanted adventure ki. Ab bhugto.Kisne kaha tha bhaagne ke liye sab ke peeche.

Jai- jagah jagah sirf isi ke charche hain madam. Aaj ki youth ka josh dekh kar toh lagta h yeh government ko nanga karke hi chodegi.

Anika- koi nayi baat nahi hain jai, aj ye protest hain murder hain kal rape aa jayega then we will have feminists ke jhagde,

Jai- galat kya hain isme? This is what keeps us going na? logo ko bhi dekhna accha lagta hain. TRP dekhi hain iss week ki? We have topped the charts. Aur iss baat par party toh banti hai boss.

Anika- yaha murder hua hain jai, protests chal rahi hain, shehar me

high alert announce kar di hain aur tumhe party ki padi hain.

Jai- tum khamakha senti ho rahi ho ani. Yaar ye haadse toh hote rehte hain.

Anika- haan,temme one thing, yeh hote hain ya hum inhe banaate hain?

Jai- what?? Tum kahi aj sar k bal to nahi gir gayi shirshasan karte

karte?

Anika- forget it.. main ja rahi hoon. M getting late.

Jai follows anika to the parking calling her to stop. But she doesn't pay any heed.

Near her car.

Jai- accha ok. relax. Tum jaakar thoda rest karo. I think aj ki

tension me you have officialy lost your mind. (chuckles)

Anika - I haven't lost jai, I have found it. Good night.

Jai( puzzled): bye.

(to himself): pata nahi kya hua hain isse. Lagta h jyada chad gayi h aj. Hangover hoga kal tak ho jaegi normal.

As he turns around to go, he hears the screeching of wheels. Turning

back he sees anika. Anticipating a romantic moment, his hopes come

crashing down when he listens what follows,

Anika: main mumbai jaa rahi hoon kal.

Jai: kya? Listen.

He runs behind the car to stop but all efforts in vain.

Jai: yeh ajeeb o gareeb baatein, Mumbai ka return ticket. Yeh ladki

paagal kar degi mujhe.

Scene-

Next morning:

Jai(on a call): hi roy. Wassup man? Itni bhi kya yaad karna main aane

hi wala tha next week.

He listens to roy dumbfounded with a shock on his face.

Jai- what the f**k. Main dekhta hoon kya hua hain. You pls handle the situation in office.

Mumbai( evening)-

Doorbell rings.

Shanta bai zara dekho toh darwaaze par kaun hai.

Shanta opens the door.

Shanta- ram ram sahib.

Anika- arre kaun hai kise salaam thok rahi ho.

She is shocked to see jai in front of her.

Anika's mom- arre accha kiya jo aa gaye.

At the dinner table-

Jai tries to speak to anika but she avoids every time.

After dinner-

Jai- aunty kehte hain khaane ke baad thoda thandi hawa me tehelna

accha hota hain. nahi?

Anika's mom- arre haan betaji main toh yahi kehne wali thi chalo

bahaar chalte hain.

Jai- arre nahi aunty wo actually office ka kaam tha na toh ani ke

saath jau?

Anika's mom- yeh thodi puchne ki baat hain. Main yahi toh kehne wali

thi beta. Meri kaha umar hain tehelne ki. Yeh jodo ka dard izzazat de

tab na.

Anika reluctantly goes.

In the lawn-

Jai grabs anika's hand and twirls her pinning her to a nearby tree.

Anika- chodo mujhe dard ho raha hain. How dare you treat me like this?

Jai- shut up. Jyada chatpatao mat itne andhere me koi dekh nahi payega

tumhe.

Anika- tum bhool rahe ho main chilla bhi sakti hoon.

But before she can shout, jai shuts her mouth with a tape.

Jai-ab main bolunga tum sunogi. Bahot ho gaya. Ye kya bhoot sawaar hua

hain tum par? Resign kar diya? Itni acchi job. Kal promotion hoti

teri. Idiot. Who toh bhala ho roy ka ki usne tumhara letter rakh liya.

Arre kab utregi teri? (shoving her)

Log taraste hain iss job ke liye. Kamala ka packge hain, camera ke

saamne hone ka chance milta hain, jagah jagah ghumne ki opportunities

and what not.

Anika tries to pull off the tape but jai stops her.

Jai- agar jawaab de rahi hain to hi khol.

Anika nods her head. Jai pulls off the tape.

Anika- jai tumhe yaad hain me nani ke ghar gayi kuch din pehle?

Jai- arre meri amma main haath jodta hoon achar murabbe ki recipes

nahi sun ni mujhe. Pls ye batao job kyun resign kar rahi ho??

Anika- phitte muh tera. Jab bhi muh kholta hain angaarey hi ugalta

hain. Bata rahi hoon na. tu sunega tab. Mera transmitter aur tumhara

receiver kabhi bhi ek wavelength par ho hi nahi sakta.

Anika puts the tape on jai's mouth.

Anika- uss trip k dauraan aisa mehsoos hua jai jaise hum aj bhi unn

kahaaniyon se koso durr hain jinka sahi maayino me matlab hain.

Humne fantasies paal rakhi hain. Jo hota nahi hum unhe banaate hain

lekin jo hoti hain use hum dekh nahi paate sun nahi paate.


 

Edited by daydreamers - 7 years ago
Posted: 7 years ago
It was awesome di!! 
I loved the charecter of Anika... I can relate...and a fresh concept also... 

Loved it!!! 
And you are a great writer!! 
Posted: 7 years ago
Originally posted by SenRazia


It was awesome di!! 
I loved the charecter of Anika... I can relate...and a fresh concept also... 

Loved it!!! 
And you are a great writer!! 

Thank you Anu.. Agar tum kaho toh aj hi update kar du πŸ˜‰
Posted: 7 years ago
Nice shot DD.
Quite Relatable.
Posted: 7 years ago
Originally posted by daydreamers



Thank you Anu.. Agar tum kaho toh aj hi update kar du πŸ˜‰
sure! 
Posted: 7 years ago
Originally posted by KrishnaPriyaa


ResπŸ˜†

Dafa ho jao Yaha se πŸ˜†
Posted: 7 years ago
Originally posted by LakshMila


Nice shot DD.
Quite Relatable.

Thanx chapter 2 cmn this evening. πŸ˜ƒ
Posted: 7 years ago
CHAPTER 2: A REASON TO BEGIN
 
 
Flashback-

Nani's house:

Anika- nani me rajjo maasi ke gar ho kar aati hoon. Ma ne gift bheja hain unke liye.

Nani- accha okar aa aur iss buddhi ko bhi zara waqt dena apna.

Anika- chalo bye nani.. aati hoon jaldi hi.

Rajjo's house:

Anika- hi wassup?

Rajjo- am good. Tum batao. Kaiosi ho? Aur tumhari senior?

Anika- good ya. A1. Par aap thodi musroof lag rahi hain.

Rajjo- arre haan anji ne finally shaadi karne ka faisla kar liya hain bas usi ki shopping, preparations vagara vagara.

Anika- anji ki shaadi? Aur aapne kuch bataya bhi nahi. Rukiye ma se kehti hu aapki khabar lene ke liye.

Rajjo- accha baba keh dena.

Anika- Ladka kya karta hain? Naam kya hain? Aur anji kaha hain?

Rajjo- arre itne sawaal. Raj maheshwari. college friend hain.

Anika- ooohhh intercaste... superb yaar.

Rajjo- hmmm kya karte anji ko pasand tha aur log bhi acche hain. So I said why not?

Anika- iss umar me aisi soch laati kaha se hain aap?

Rajjo- bas ab zamaane ke mutaabik chale. Rishta wahi soch nayi.

Anika- kya baat kya baat kya baat.

Rajjo- ab ayi ho toh khana khakar hi jao.

Anika- arre nahi ghar baithi hain na senior mataji. Zara unhe bhi khush kare. ek kaam kare na aap hi aa jaye aj dinner par. Main apne haathon se banaungi aap ke liye.

Rajjo- accha baba done. Bas mataji ko batake rakhna warna meri class laga dengi.

Anika- chalo am getting late. Bye see you at dinner. Ana jarur.

Nani's house

Nani- maine toh saikdon baar mana kiya tha rishte ke liye hami na bharo par nahi meri sunta hi kaun hain.

Anika- nani problem kya hain, anji ladke ko pasand karti hain. Aur aunty dono ko, shehnai ki hi kami hain.

Nani- shuru shuru mein sab bada meetha lagta hain beta, shehnai ke sur, dhol nagade, aur inn par thumakne wali patli patli kamre bhi.

Anika- nani aap toh badi tez nikli. Mujhe shak toh tha par aj yakeen ho gaya.

Nani- chup besharam. Dekh lena sab jitna suljha hua lag raha hain, kal sab utna hi ulajh jayega.

Anika- what is suljhan uljhan nani?? Had karti ho yaar. Aj kal yeh sab normal hain. Aur ladke wale kaun se don hain jo anji par kal kehar barsayenge. Meethayi ki dukaan hain unki. Accha hain meethi boli meetha kaam.

Nani- jyada meethe sre diabetes hota hain. Aur kal ko yahi log iss mithayi me zeher milaake anji ko kheela denge. Phir maatam na manaiyo.

At dinner

Nani- pata nahi kya bala hain yeh.

Anika- nani isse spaghetti kehte hain.

Nani- kya? Kis jhaad ki patti hain yeh?

Rajjo- maa ji Italian dish hain yeh. Kamaal ki bani hain ani. Tumhari maa ko bhi nahi aati aisi.

Nani makes a pukish face.

Anika- don't worry aap ke taste buds kharaab na ho isiliye banayi hai aap ke liye daal chawal.

After dinner

Nani- main kya keh rahi thi rajjo...

Rajjo- anji ke bare me hi baat karni hain na maa?

Nani- jo bhi karogi kadam phoonk phoonk kar rakhna.

Anika- kamaal hai nani yeh advice toh nayi naveli dulhan ko di jaati hain. Why don't you talk to anji? Lambi class de dena saas sasur se kaise pesh aana hain, ghardani ki samajh aur haan sabse important pati ko kis tarah rijhana hain.

Rajjo- ssshhh... ani...

Nani- maa baap ne itni chhutt de rakhi hain ki ab toh kisi bhi baat ka lihaaz nahi reh gaya hain tumhe.

Anika- zaahir baat hain nani badi ho gayi hoon ab. Aap bhi inn baton ki aadat daal hi le ab. Aunty ko hain mum ko hain aap bhi humaari league me shaamil ho jaaye.(winks)

Rajjo- accha rehne de ab yeh baatein. Tumhari job kaise chal rahi hain?

Anika - A1.

Nani- arre kaun si A1 bhai. Pata nahi kya maza aata hain. Phate puraaane kapde pehne bhaagte rehte hain idhar udhar- kabhi registan ki dhoop mein Himalaya ki god mein, Kashmir ki vaadiyon mein dilli ki heat mein nahi toh Mumbai ki bearish mein. Yeh bade log apne manoranjan ke liye waha ghumte hain aur ye log unki chaaplusi karte dikhte hain. Bhagwaan na kare kahi inn VIP's ki chakachaundh mein khud ko hi na kho do.

Anika- arre nani bura kya isme? Kabhi politician ki rally cover karni hoti toh kabhi kisi film star ka interview kisi company ka product launch nahi toh koi travel destination hi sahi. Ab aapke thode complaints bhi kam honi chahiye kyunki jo aap ki umar mein karte hain main abhi se kar li...

Nani (her eyes almost popped out): woh kya?

Anika- kashi yatra nani. Bas ek show ban raha tha waha. Jai k shuruwati din hi the toh bas maine bhi company de di.

Anika (whispers in nani's ears): waise mujhe pata hain aapko aj bhi amitabh bachchan pasand hain. Jabse maine unki interview li hain tab se aap mujh se chidti hain.

Nani- dhatt nalayak, main kyun chidu...

Rajjo- kya ani kyu tang kar rahi ho?

Anika- haan ab wo big b ka poster toh humne rakha hain na kamre mein jisko hum taakte rehte haihn. Asal me na sahi aise hi tasveer me apne armaan utaarte hain...

Nani- tu phir boli...

Anika- ouch nani...

Anika runs away from there.

Rajjo- maa ji main zara ani ka haath bata deti hoon.

Nani gestures her to go.

Scene- living room

Anika- mujhe koi aisi story chahiye na jise sun kar logon ke rongte

khade ho jaye.

Rajjo- hmmm isi ke chakkar me itni daude lagaati ho iske peeche uske peeche.

Anika- ab common man ki life me kya tragedy honi hain. Bas use toh pet bharne se matlab.

Rajjo- mera paas h ek kahaani. Tumhe thik lage to aa jana sun ne.

Anika- naam.

Rajjo- durga.

Anika- kaha ki h yeh? Naam me hi koi 1930s samaaya hua h.

Rajjo- thi. Kolkata. Hain toh purani par story toh waisi h jaise tum

chahti ho.. bina nimbu mirchi lagaaye. Sun ni ho to aa jana.

Flashback ends.

Jai pulls out the tape from his mouth.

Jai- ajeeb ho yaar. Story hain toh cover karne jaate hain resign thodi karte hain.

Anika- story hain par jis par hain wo nahi. Me kya tumhe dhakkan lagti hoon. Bataya tha tere roy ko maine lets do it but nahi unhe apni taange tudvaane se fursat mile tab koi baat bane.

Jai- so boss se baat hui?

Anika- muh par de maara ye idea mera. Shakal dekhi h uss gende ki? Aya bada mujhe sikhaane.

Jai- mujhe unka bhi pata h aur tera bhi. Unhone ki kaha hoga resign karo aur tera ego. Bas uthke chal di.

Anika- yeh kya har waqt laga rakhi hoti h tune. Kay ka ego? Self respect kehte h use.

Jai- arre izzat ki dukaan khushfahami h teri. EGO bolte h usse. Be ready tomorrow. Hum ja rahe h tumhare nani k yaha story cover karne.

N mind well koi ghisi piti mili na- sharaabi pati, sexy sautan, chudail nanad, laalchi saas sasur toh tum kya main khud tera resignation le jaunga sir k paas.

Anika- wah ji wah tune bol diya kaam ho gaya. Who gende ko kaun samjhaya?

Jai- mujh pe chod wo. bye..

Edited by daydreamers - 7 years ago
Posted: 7 years ago
Originally posted by SenRazia


sure! 
 
done πŸ˜›

Related Topics

No Related topics found

Topic Info

15 Participants 136 Replies 6336Views

Topic started by daydreamers

Last replied by daydreamers

loader
loader
up-open TOP