Anchaha darr
Chandni raat thi Ananya chat par khadi chaand ko ek tak dekhe ja rahi thi...baadlo ke sath chaand bhi aankh micholi khel raha tha... Ananya ko ye khel pasand aaya...
Laga jaise uski zindagi bhi badlo ke sath aankh micholi khel rahi hai... usme aur baadal me kya antar reh gaya hai??
Ghanto chat par hi khadi rahi... taarein chaand ...suraj ki halki roshni aate hi chipne lage they...garmi kahan bardahst thi unhe?? Wo lekin suraj ko bhi niharna chahti thi...subah ki halki thand...halki si roshni... usse sukhad lage... man mein uthi duvidha thode der ke liye kahin thehar gayi...
Suraj prachand roop se aasmaan par cha gaya tha... dhire dhire Ananya niche aa gayi...puri raat na sone ke karan...sharir bojhil aur matha bhari tha...
Mobile utha kar dekha 25 miss call they ... sab kabeer ke... man aur bhari ho gaya... uski ichcha huyi turant baat kar le...par man ko usne rok liya...
Kadak coffee peene ke baad wo bethi huyi thi...pichli baatein aankho ke saamne ghumne lagi...
3 saal ho gaye they uske aur kabeer ke rishte ko... ab wo iss rishte ko naya aayam dena chahti thi...
Uske soch me badha pad gayi...darwaze ki ghanti baji thi...uth kar darwaza khola..usse aabhas tha ki kabeer hi hoga..isiliye aascharya nhi hua usse...
Darwaza khol kar wo pare hat gayi... Kabeer andar aa gaya...
Ananya ka chehra gambheer tha...Kabeer seham gaya ...
"Kya hua tumhe Ananya??"
"Kuch nahi"
"Kal raat se phone kar raha hoon... ek baar bhi phone nahi uthaya chinta hoti hai...tum samajhti kyu nahi"
"Jab phone kiya tab mein phone ke paas nahi thi...subah dekha"
"To call back kyu nahi kiya??"
"Man nahi tha"
"Man nahi tha kyu?? " kabeer ab utawala ho raha tha... Ananya ki berukhi badhti jaa rahi thi kuch dino se...
"Aesehi" Ananya ne kaha aur coffee banane chali gayi...Kabeer ko subah subah coffee chahiye wo janti hai...
Kabeer shant betha tha...Ananya ko apne man ki baat samjha nahi paa raha tha... par kya khud ko wo samajh paa raha tha?? Ye darr kyu aa gaya achanak se??
Ananya coffee le kar aa gayi...Kabeer ne coffee ki ek sip li...
Kabeer se nahi raha gaya..wo seedhe mudde par aana chahta tha..."Ananya hum kitne khush they...yaa abhi bhi khush hai...tum ek zidd le kar beth gayi ho"
Ananya ki aankhein tilmila gayi...Kabeer se yahi umeed thi usse "zidd mai nahi aap kar rahein hai Kabeer Sharma...khud se pochiye??"
"Tum samajh nahi rahi... har rishte ki parinati Shadi nahi hoti... bina shadi ke bhi..."
Ananya bich me baat katte huye boli "Mujje auron se nahi...apne rishte se matlab hai... mai chahti hoon Mrs Ananya Kashyap Sharma banna...apne bachchon ke sath rehna...unhe bada karna..."
Kabeer ko samajh nahi aa raha tha kya kahe kaise kahe "Shadi ke baad bahut samjhaute karne padte hai...hum nahi kar paye aur aur..tumne chod diya to "
Ananya awak ho Kabeer ko dekhti rahi "aapko lagta hai teen saal se hum bina samjhauta kiye ek dusre ke sath hai.. "
"Shadi ka samjhauta alag hota hai Ananya... insaan ghutne lagta hai... mujhe pata hai... tum jaanti ho... mai phir se wo sab nahi chahta...tumhe kho ke mai nahi jee paunga.."
"Aap ye kyu nahi maante ki aapko hamare rishte par...mujhpe bharosa nahi hai...aap ek aese rishte se hamare rishte ki tulna kar rahe hai...jis rishte me aap khush hi nahi they... aap apne purani shadi ke experience ko kyu nahi chor paa rahe...aapne khud kaha tha aap past se bahar aa chuke hai..."
"Haan kaha tha Ananya par ye darr kahin na kahin hai... bas ye shadi "
Ananya kayi dino se ek hi baat bolte bolte thak gayi thi... uski awaz dhimi ho gayi...
"Shayad aap ye samajh nahi paa rahe... aapki ye dusri shadi hogi...dusra pyar hoga...par mere liye ye ehsaas pehla hai...pyar pehla hai ..shadi pehli aur aakhiri hogi... aapse pyar karna...aapki importance mere life me kya hai..aap jaante hai.. ye shadi sirf shadi nahi hai mere liye..."
Ananya ki baat sun ke usse gussa aaya...Ananya ne uspar taunt mara ... wo kuch bolta tabhi...Ananya ne apni baat jari rakhi...
"mera sapna hai..jaise hai jaise har ladki ka hota hai... aaapka darr mere sapne ko tod raha hai kabeer aap itni si baat nahi samajh paa rahein"
Ananya ki aankhein bhar aayi...awaz bhig gayi ...
Kabeer ne aankhein jhuka li... usse regret hua ... uske anchahe darr ne Ananya ko kitna pareshan kiya...
Kabeer ne aage badh ke Ananya ki palko ko chuma...uske kandhe par hath rakh kar kaha "mai shaadi jarur karunga Ananya bas iss darr ko nikalne me meri help karo"
Ananya ne muskura kar raha "mai to hamesha hoon aapke sath"
Dono gale lag gaye...Suraj bhi madham ho gaya tha...wo bhi khush tha...
comment:
p_commentcount