As requested, I'm posting the collection of all SoSy inspired poems that I have written.
Voh bhari kitaab na keh paayi,
jo chaar shabd ne bayaan kiya.
Chaar shabd na bataa paaye,
jo teen aansoo ne dikhaa diya.
Teen aansoo na samjhaa paaye,
jo do sparsh mein mehsoos kiya.
Do sparsh na jataa paaye,
jo ek dhadkan ne sunaa diya.
Voh dhadkan bhi kum lagi,
jab aakhir voh ehsaas hua.
Voh ehsaas bhi chhup gaya,
chehre ki gehrayi ke peeche.
Nadi milti hai sagar se,
ye sangam bhi hua kuch aise.
Raat ke maun mein gunji aahat,
samundar mein beh jaati hai dhaara.
Saanson hi saanson mein,
tu meri, main tumhara.
Edited by nividances - 8 years ago