Favorite dialogues/scenes? - Page 27

even though all go gaga over zaroon kashaf but to me ehtesham n sania aka adeel sanam s was electric...their each n every scene in shukk from the very first scene to the very last scn...the hatred awkwardness in initial scns then the office scns as colleagues...then the scns when they r mking sure the shukk doesnt affect their families then how they finally fall for each other...each n every dialogue between ehteshamn sania was so damn beautiful i dont hv words

Zindagi mai sab say mushkil kaam move on karna hota hai aur sab say zaroori kaam bhi yehi hota hai...Yeh nahi hota kay jinn say hum mohabbat kartay hain, unn say mohabbat karna chor detay hain laiken yeh zaroor hai kay hum unhain yaad rakhtay hue bhi zindagi guzarnay kay qaabil hojatay hain...Kuch doosray loagon ki zindagi mai khushi kay lamhon ka baa'is bhi bun jatay hain.

Shehrezaat

Hajra: Shaadi ko acchi tareeqay say karna sunnat hoti hai...Laiken itni fazool kharchi karna asraaf hai aur asraaf Allah pasand nahi karta.
Mehrunnisa: Amma kiya asraaf kar rahay hain?Aap ko tu pata hi nahi loag aaj kal shadiyon per kitna kharch kardetay hain...Hamari tu phir bhi aik hi beti hai...Uss ki shaadi per kharch nahi karna tu kiss per karna hai...Koi armaan pooray na karain apnay???
Hajra: Armaan pooray karnay kay aur bhi bohat say tareeqay hotay hain chaar hazaar loagon ko bulwa kar naach gana karwa kar aur rizq zaaya kar kay kaun say armaan pooray hotay hain Shaitaan kay kaam hain yeh saaray...Tum apnay aas paas dekho kitni ghurbat hogai, loag 2 waqt ki roti aur kapron k liye taras rahay hain tu phir hum ko zaib deta hai kay hum Allah ki di hui naimaton ko iss tarah zaaya karain?
Mehrunnisa: Amma bus ab aap meri beti ki shaadi per badshagooni ki baatain na karain...
Hajra: Badshagooni ki baatain nahi kar rahi...Samjha rahi hoon tujhay...Yeh jo rizq hai na iss ka hisaab dena parta hai Allah ko.
Mehrunnisa: Accha day doon gi Hisaab...Main Hisaab mai bari acchi hoon Amman shuroo say..
Hajra: Toba kiya kar Mehrunnisa toba...Bara bol mat nikala kar moonh say...Allah kay hisaab say darna chahiye...Hamaray tu paighambar Hazrat Mohammad(S.A.W.W) khof khatay thay...Sakht hisaab say tu main aur too kiya shay hain kay akartay phirain sunnat 
kay tareeqay say chal..
Mehrunnisa: Amma aap ko pata hai kitna sadqa khairaat karti hoon main.
Hajra: Sadqa khairaat karnay say rizq barbaad karnay ka license nahi milta Mehrunnisa...Bara sakht azaab hai roopiye paisay ko zaaya karnay walay k liye...Too dekh teray baap aur main nay teri shaadi kitnay acchay tareeqay say ki thi...Laiken pesay ko ujaara nahi tha...100 ki cheez per laakh rupiya nahi lagaya tha.
Mehrunnisa: Amma hamara uthna bethna oonchay loagon mai hai.
Hajira: Oonchay loag woh hotay hain jin kay amal oonchay hotay hain...Bari gariyon aur baray banglon say koi ooncha thori banta hai...Aur aisay loagon kay saath uthnay bethnay ka yeh matlab thori hai kay Insaan apna amal aur kirdaar badal lay.

Shehrezaat

"Boht mohobat ke saath rakhoonga, mohobat se, aitaram se, barabari ka darja de ke, insaan samajh ke" 

"Hum sab apni zindagi kay kisi na kisi marhalay per "Zamana-e-Jahiliyat say zaroor guzartay hain,baaz guzar jatay hain,baaz saari zindagi iss zamanay mai guzaar detay hain.App iss mai say guzar chukay hain.Aap ka pachtaawa bata raha hai kay aap guzar chukay hain.Main aap ko pachtaaway say rokoon ga na toba aur dua say,aap per Farz hai kay aap apni saari zindagi yeh karain,magar iss kay saath saath yeh shukar bhi ada karain kay aap Nafs ki tamam beemariyon say chutkaara pa chukay hain."

Pir-e-Kamil(S.A.W)

^ I love the one from PeK!

Kiran: Kiun propose kiya hai tum nay mujhay??Kiun taras kha rahay ho tum mujh pay?
Adnan: Taras??Tum samajhti ho main tum per taras kha kay shaadi karna chahta hun...Tum kitni bewaqoof ho Kiran...Main kiun taras khaunga tum pay??
Kiran: Main janti hoon yeh hamdardi aur taras kay ilawa kuch nahi hai...Tum saari zindagi meray liye yehi kartay rahay ho...Tum aakhir kiya kiya karo gay meray liye...???
Adnan: Tum hamdardi aur mohabbat mai farq kiun nahi karsakti???Main tumhain samjhanay mai nakaam raha hoon ya tum ziada bewaqoof ho?
Kiran: Mohabbat???Tum mujh say mohabbat kartay ho?
Adnan: Hamesha...Hamesha say...
Kiran: Laiken tum nay kabhi nahi kaha
Adnan: Kiya kehta main?Agar tumhain kabhi meri mohabbat mehsoos nahi hui,tum ussay pehchaan nahi payi tu main kiya ta'arruf karwata uss ka?
Kiran: Main tumhari baat samajh nahi parahi.
Adnan: Tumhain sochna chahiye tha na k main agar tumhari aik call per din ya raat kay kisi bhi pehar tumharay ghar ajata hun,tumhari maangi hui cheez ko lanay k liye saat samundar paar janay k liye tayyar rahta hun...Tumhari khushi say khush aur tumhari takleef say pareshaan hota hoon tu yeh sirf hamdardi tu nahi hosakti..
Kiran: Tumhain phir bhi batana chahiye tha!Kehna chahiye tha.
Adnan: Kiya kehta??Kiya batata...Meray halaat hi aisay nahi thay k koi waada leta,deta...
Kiran: Kaun say halaat?
Adnan: Tum jaanti ho...Aapa ki rukhsati nahi horahi thi...Karobaar dhang ka nahi tha mera...Aur main chaand ki tamanna karta?
Kiran: Ab bhi tu chaand ki hi tamanna kar rahay ho...
Adnan: Haan!Kar raha hun..
Kiran: Ab chaand mai daagh agaya,shayad iss liye
Adnan: Main nahi chahta kay chaand aik baar phir meri nazron say ojhal hojaye...Tum aaj bhi meray liye wohi Kiran ho...Tumhari shaadi...Tumhari talaq...Mujhay kisi cheez say farq nahi para...Na mujhay na tumharay liye meri mohabbat ko.

Kankar

The one from Kankar was one of my fav scenes of the two <3 Moved me so much..

Rudaba : mahobbat ese nahi hoti..
Bashar : yeh mahobatt to esehi hogi rudaba.. Yeh dunya ki pehli mahobat hogi jo nafrat ki kokh se janam legi. Or woh tum krogi mujse.. Main tumse karwake rahunga..

Bashar momin

Buht ziyada muhabbat ka yahi masla hai k us men buht zeyada naftrat honey ka khatra hota hai