Baitiyan bari naimat hoti hain ghar ki ronaq hoti hain..Maan baap ka sukh chain unn hi kay dum say hota hai...Maan Baap per bojh nahi hoteen...Chiryon ki tarah dana chugnay ati hain Maan Baap kay ghar mai...Aangan mai phudakti phirti hain,shor machati hain...Phir urr jati hain...Bus itna sa paraao hota hai unn ka Maan Baap kay ghar main.
Durre Shehwaar
Falak: Main uss say mohabat karti hoon
Hamza: Nahi jo tum kar rahi ho, woh parastish hai,mohabbat nahi
Falak: Tum apni mohabbat ko kiya kaho gay?Woh parastish nahi hai kiya?Tum meri aik call per din aur raat kay kisi bhi waqt bhagay atay ho...Meri aik farmaish per saari saari raat khari ho kay painting mukammal kartay ho...Jo main nay kisi aur ko deni hai...Main tumhain bura bhala kehti hoon,tumhain ghussa nahi ata..Zaleel karti hun, tum bura nahi manatay. tum parastish nahi kartay kiya??
Hamza: Nahi...Main tumhari parastish nahi karta, tumharay liye acchay buray ki tameez khatam nahi hui meray andar...Main tumharay liye koi gunaah nahi kar sakta...Laiken main tum say mohabbat phir bhi karta hoon...Tumharay liye isaar kar sakta hoon.Qurbani kar sakta hun...Tumhain kisi takleef say bachanay k liye apnay wujood ko dhaal bana sakta hoon aur mohabbat yeh hi karti hai...Tum Salman ko perfect samajh kar uss kay ishq mai mubtila ho... Main tumhain imperfect maan kay bhi tum say piyar karta hoon yeh farq hai meri aur tumhari mohabbat mai.
Shehrezaat
Badshahat kisi ko bhi pagal kar sakti hai Power aur Paisa Insaan kay khoon ka rang badlay na badlay laiken uss ko paani zaroor kardeti hai.
Shehrezaat
Nasira: Dairh laakh kay tu Baji nay jootay liye hain...
Imam Deen: Itnay ziada jootay lekar Baji nay kia karnay hain..
Nasira: Itnay ziada thori hain...7,8 jootay hain saaray...10,10,15,15 hazaar ka aik joota hai.
Imam Deen: Haan Ji Allah nay rizq diya hua hai pehan saktay hain...Ghareeb ki tu bacchi ki shaadi hojati hai 15,000 mai..
Nasira: Abhi tu Baji nay aur kharidnay hain Jootay aur woh Salman Sahab ki taraf say bhi jo Shaadi kay kapron kay saath joota hai na woh 40,000 ka hai.
Imam Deen: Sona laga hai jootay per kiya?
Nasira: Lay too hamesha bewaqoofon wali baat hi karna sona laga hota tu 40,000 ka hota...Baray designer say banwaya hai unhone.
Imam Deen: Designer kiya..??
Nasira: Too rehnay dai tujhay samajh nahi aye gi.
Imam Deen: Roaz yeh dhair shopperon ka utha kar lata hoon main Begum Saahab ka lagta hai poora Karachi kharidna hai unhone Falak Baji ki shaadi kay liye.
Nasira: Rab sohnay ki shaanain hain meray...Jissay day ussay khula hi day deta hai...Aur jissay na day us per 2 waqt ki roti bhi tang kardeta hai.
Imam Deen: Per Molvi Sahab kehtay hain hisaab kitaab hona hai her cheez ka..
Nasira: Chor Molvi Sahab ko...Koi hisaab kitaab nahi hota kisi cheez ka...Hisaab kitaab hona hota tu ameeron ko pata hota itni bari degriyaan letay hain woh itni bari bari universityion mai jatay hain...Woh bahar say parhtay hain woh Molvi Sahab na bahar gaye na University gaye na bari bari degriyaan leen ghar beth kar hi keh detay hain hisaab hota hai her cheez ka...
Imam Deen: Molvi Sahab nahi yeh kehtay Nasira Allah ki kitaab kehti hai...Too Allah ki kitaab ko jhoota keh rahi hai?
Nasira: Allah na karay meri jurrat hai yeh k Allah ki kitaab ko jhoota kahun.
Imam Deen: Allah ki kitaab kehti hai kay hisaab kitaab dena parta hai dena paray ga.
Nasira: Woh tu theek hai Imam Deen per duniya mai tu saaray hisaab kitaab ghareebon ko hi denay partay hain...
Imam Deen: Haan tu accha hai na hamaray saray hisaab kitaab idher Ameeron kay agli duniya mai.
Shehrezaat
Gunaah ka bojh kiya hota hai aur aadmi apnay gunaah kay bojh ko kiss tarah qayaamat kay din apni pusht say utaar phainkna chahay ga kiss tarah uss say door bhaagna chahay ga kiss tarah doosray kay kandhay per daal dena chahay ga,yeh uss ki samajh mai Haram Shareef mai pohanch kar aya tha.Wahan kharay ho kar woh apnay paas mojood aur anay wali saari zindagi ki daulat kay aiwaz bhi kisi ko woh gunaah baichna chahta tu koi yeh tijarat na karta.Kaash aadmi kisi maal kay aiwaz apnay gunaah baich sakta.Kisi ujrat kay taur per doosron ki naikiyaan mangnay ka haq rakhta.Laakhon loagon kay iss hujoom mai 2 sufaid chaadarain orhay,kaun janta tha kay Salaar Sikandar kaun tha?Uss ka I.Q Level kiya tha.Kissay parwah thi?Uss kay paas kaun kaunsi aur kahan ki Degree thi.Kissay hosh tha?Uss nay zindagi kay Maidaan mai kitnay taleemi record toray aur banaye thay.Kissay khabar thi woh apnay zehan kay kaun say maidaan taskheer karnay wala tha.Kaun rashk karnay wala tha?Woh wahan uss hujoom mai thokar kha kar girta,Bhagdar mai ronda jata.Uss kay ooper say guzarnay wali khalqat mai say koi bhi yeh nahin sochta kay unhone kaisay dimaagh ko kho diya hai.Kiss I.Q Level kay nayaab aadmi ko kis tarah khatam kar diya tha.Ussay duniya mai apni auqaat,apni ahmiyat ka pata chal gaya tha.Agar kuch mughaalita reh bhi gaya tha tu ab khatam hogaya tha.Agar kuch shubah baaqi tha,tu ab door hogaya tha.Fakhar,takabbur,rashk,ana,khudpasandi,khud sataayishi kay her bachay hue tukray ko nichor kar uss nay andar say phaink diya tha.Woh in hi alaaishon ko door karwanay kay liye wahan aya tha.
Pir-e-Kamil(S.A.W)
comment:
p_commentcount