Subah ho gayi!!..Dil train ki raftaar se dhadakne laga haath paon thande..wo nahi jayegi hospital..Dr Ashutosh se koi bahana bana degi..Pura din kaise bitega..
"Nidhi Utho taiyaar ho.Hospital nahi jana kya??"
"Nahi meri tabiyat kuch thik nahi..aaj nahi jaungi.."
"kyu kya hua kal rest liya to tumne..kitne kaam pending pade hai aur bilkul theek dikh rahi ho tum..jyada socho mat..chalo hosp"
Nidhi chidchida ke."Dr ashutosh mujhe nahi jana hospital..aapko samajh nahi aata ..mera man main jaaoon ya na jaaoon..aur mujhe nahi jana"
Ashutosh ko bhi gussa aa gaya..wo Nidhi ke paas gaya..tez awaaz me bola.."tum karna kya chahti ho..pichle do mahino se dekh raha hoon..har week 3 din nahi jaati hospital…nahi kaam karna to resign kar do..samjhi…aur tumhare man ke hisaab se hospital run nahi hoga..aur mujhe pura haq hai bolne ka.."
Nidhi chup chap uth gayi..Aankhon me aansoo bhar aaye they..ja ke taiyaar ho gayi..
Ashutosh ghar se bahar nikla..piche mud ke dekha Nidhi
ko..par nidhi nahi dikhi..wo ghar ke andar aa gaya..Nidhi sofa par bethi huyi
thi..nirih nazron se Ashu ko dekh rahi thi..pata nahi kyo..ashu ko uspar daya
aa gayi..
"Nidhi chalo.."
"Dr Ashutosh Mujhe nahi jana…please mujhe bahut darr lagta hai..aur aap mujhpar yaqeen nahi karte..koi mujhe nahi samajh raha"..Nidhi ki aankhon se bebasi ke aansoo behne lage..
"Nidhi Nidhi humne iss bare mein baatein ki hai na…Sab tumhara waham hai Nidhi..isse lado .Dr Amitabh ne bhi to kaha na ki kuch nahi hua hai tumhe…."
"Dr Ashutosh..mujhe taqleef hoti hai..mai sehti hoon sab..meri baat ka yaqeen kijiye na…"
"Nidhi aaj chalo hospital..aa kar tumhari baat phir se sununga..par abhi chalo..baat mano meri chalo..aao meri haath pakdo"
Nidhi ne aansoo ponche aur Ashu ke saath hospital chali gayi…
Nidhi Apne Cabin mein Jaa kar baith gayi…uske haath paon shiver karne lage..Usse mehsoos hua Wo trap ho gayi hai..Achanak se Dr Ashutosh par gussa aaya..wo kyu zabardasti laaye use hospital…
"Dr Nidhi May I come in.." Sister janki ne poocha.
Nidhi Usse stare karne lagi..Usse janki ka naam yaad nahi aa raha tha..
Nidhi(khud se).."kya naam hai iska maansi nahi shhanki…kuch aisa hi hai..kya hai iska naam..kisse poochoon..mujhe iska naam janana hai…"
"Dr Nidhi andar aaoon?"
"aah haan aao..kya kaam hai??"
"Dr Shlok aapse milna chahte hai..aaj wo aaye they ek patient ko dekhne"
"Kaun dr shlok??"
"arre Dr Nidhi pichle week jinke father ke brain tumour ka surgery aapne aur Dr Ashutosh ne kiya..Jinke ghar aap aur Dr Ashutosh dinner par bhi gaye they"
"Main gayi thi Dinner pe..Achcha…Mujhe yaad nahi aa raha..Tum apna nam batao..Bahut der se soch rahi hoon"
"Jim mera naam Janki…."
"Haan Janki..Milta julta bahut saara naam yaad aa raha tha..suno mujhe kisi se nahi milna…Main ghar jaa rahi hoon..Dr Ashutosh ko bata dena.."
Nidhi Hospital gate se bahar nikli…Nikal ke wahin ruk gayi..Left side jaaye ya right side confuse ho gayi..Direction problem..mathe par pasina aa gayi..Bina soche Left side ki taraf chalne lagi…
Phir ruk gayi..raaste ke charon taraf dekha..kuch yaad nahi aaya..
"Apne ghar ka raasta nahi yaad hai mujhe..Main pagal ho jaaungi.."…
Ek aadmi ko rok ke pucha usne.."Mathur niwas kidhar hai…"
"Mathur niwas..ji jagah ka naam bataiye aise kaise bata doon.."
"jagah to yaad nahi hai mujhe…"
"acha kotnis hospital kidhar hai bata dijiye"
"ji wo saamne hi to hai"
Nidhi Hospital Pahunchti hai….
"mera ghar kahan hai..pata batao."
Darwaan Nidhi ko ascharyachakit ho kar dekhte rehta hai.."Dr Nidhi aapka ghar hasanganj me hai.."
"Auto pakadwa do..Mujhe ghar jana hai…"
Kamre mein Ghupp andhera hai..Nidhi bistar par bethi huyi hai…Ashutosh aa kar light switch on karta hai..
"Light off kar dijiye please..mujhe roshni nahi pasand"
"Nidhi tum bina bole chali aayi..aur Na mere calls ka reply diya…Theek ho na.."
"Dr Ashutosh kitni baar boloon..kisko kisko boloon…Main Theek nahi hoon..Main khud se haar rahi hoon.."..Nidhi ka gala roondh gaya..
"Nidhi Dr Amitabh ne kaha na…sab kuch thik hai.."
"Phir main itna kyu bhulti hoon sab..main kya karoon…Main doctor hoon…Mujhe Medicines ke naam yaad nahi rehte kya prescribe karoon mai..patients kuch bolte hai..sochne lagti hoon kahan parha hai ye sab…Raaste yaad nahi rehrte..Naam yaad nahi rehte..Main thak gayi hoon Dr Ashutosh.."
"Nidhi Sab bhul gayi ho tum..sach mein..Tumhe main yaad nahi…tumhare gharwale yaad nahi..hospital yaad nahi..rozmarra ki chijein yaad nahi…kya tumhe koi baat yaad nahi aati kabhi bhi??
"aati hai..jab koi dusra batata hai..tab yaad aati hai cheejein.."
"Matlab tum bhulti nahi ho..bas recall nahi kar pati…tum doctor ho kar apni bimari se ladne ka jazba nahi rakhogi to..kisi aur ka kya hausla badhaogi…"
"kya karoon mai…."
"roshni mein aao..bahut sare way hai…Nidhi khud ko tanha rakhna bandh karo…
Mujhse har baat bolo…Jhijhak ya hichkichana kaisa…Main hoon na….Tum theek ho jaogi"
"Sach Dr Ashutosh…"
"Sach Nidhi……"…….
comment:
p_commentcount