Sher O Shayri
Sher O Shayri

India-Forums

   

Shayri ( My Collection) (Page 4)

-Bored- IF-Addictz
-Bored-
-Bored-

Joined: 28 April 2010
Posts: 52750

Posted: 19 January 2013 at 5:18pm | IP Logged
Uskay Anay Ki Khabar Suntay Hi Tayyari Ki 
Mainay Jee Bhar Ke Gulabon Ki Kharidari Ki 
Halat-E-Hijr Main Filhal Sukoon Milnay Laga 
Nasha-E-Dard Ne Awaz Nahi Bhari Ki 
Warna Ye Log Mujhay Tumsay Juda Kar Detay 
Mainay Danista Mohabbat Main Adakari Ki 
Ishq Main Mera Bhi Deewangi Maslak Hai 
Mainay Is Wastay Majnu Ki Tarafdari Ki 
Phool Khiltay Hi Koi Bichra Hua Yaad Aya 
Mainay Khushi Ke Mausam Main Ashkbari Ki...!!!

The following 2 member(s) liked the above post:

.SalmanDeewani.-DevilGal-

-Bored- IF-Addictz
-Bored-
-Bored-

Joined: 28 April 2010
Posts: 52750

Posted: 19 January 2013 at 5:19pm | IP Logged
Tan Pe Orrhay Hue Sadiyo'n Ka Dhua'n Sham-E-Firaaq 
Dil Main Utri Hai Ajab Sokhta Jan Sham-E-Firaaq 
Khwab Ki Raakh Sametay Gi Bikhar Jayegi 
Soorat-E-Shola-E-Khursheed Rukha'n Sham-E-Firaaq 
Baais-E-Raunaq-E-Arbaab-E-Junoo'n Veerani 
Haasil-E-Wehshat-E-Aashufta-Saran Sham-E-Firaaq 
Teray Meray Sabhi Iqraar Waheen Bikhray Thay 
Sar Jhukaye Hue Bethi Hai Jahan Sham-E-Firaaq 
Apnay Maathay Pe Saja Le Teray Rukhsar Ka Chand 
Itni Khush-Bakht-O-Falak-Naaz Kahan Sham-E-Firaaq 
Dhaltay Dhaltay Bhi Sitaro'n Ka Lahu Mangti Hai 
Meri Bujhti Hui Ankho'n Main Rawaan Sham-E-Firaaq 
Ab To Malboos Badal Kaakul-E-Be-Rabt Sanwaar 
Bujh Gayeen Shehr Ki Sab Roshniyan Sham-E-Firaaq 
Kitni Sadiyo'n Ki Thakan Is Ne Sameti 'Mohsin' 
Ye Alag Baat Ke Ab Tak Hai Jawan Sham-E-Firaaq...!!!

The following 2 member(s) liked the above post:

.SalmanDeewani.-DevilGal-

-Bored- IF-Addictz
-Bored-
-Bored-

Joined: 28 April 2010
Posts: 52750

Posted: 22 January 2013 at 2:02pm | IP Logged
Kal Rat Bazm Main Jo Mila Gulbadan Sa Tha 
Khushboo Se Uskay Lafz Thay Chehra Chaman Sa Tha 
Dekha Usay To Bol Paray Uskay Khad-O-Khal 
Poocha Usay To Chup Sa Raha, Kam Sukhan Sa Tha 
Tanhaiyo'n Ki Rutt Main Bhi Lagta Tha Mutmae'n 
Wo Shakhs Apnay Ap Main Ek Anjuman Sa Tha 
Socha Usay To Mai Kayi Rango'n Main Kho Gaya 
Alam Tamam Uskay Haseen Peyrahan Sa Tha 
Jo Shaakh, Shaakh Thi Wo Usi Ke Labo'n Se Thi 
Jo Phool Khil Gaya Tha Wo Usi Ke Dehan Sa Tha 
Wo Saadgi Pehen Ke Bhi Dil Main Utar Gaya 
Uski Har Ek Ada Main Ajab Bholapan Sa Tha 
Asaan Samjh Rahay Thay Usay Shehr-E-Jan Ke Log 
Mushkil Tha Is Qadar Ke Meray Apnay Fun Sa Tha 
Wo Guftgu Thi Uski, Usi Ke Liye Hi Thi 
Kehnay Ko Yun To Main Bhi Shareek-E-Sukhan Sa Tha 
Taray Thay Chandni Main Ke Tohmat Ke Daagh Thay 
'Mohsin' Kal Aasman Bhi Meray Kafan Sa Tha...!!!

The following 2 member(s) liked the above post:

.SalmanDeewani.-DevilGal-

-Bored- IF-Addictz
-Bored-
-Bored-

Joined: 28 April 2010
Posts: 52750

Posted: 22 January 2013 at 2:02pm | IP Logged
Kab Talak Shab Ke Andheray Main Sehar Ko Tarsay 
Wo Musafir Jo Bharay Shehr Main Ghar Ko Tarsay 
Aankh Thehray Hue Paani Se Bhi Katraati Hai 
Dil Wo Rehru Ke Samandar Ke Safar Ko Tarsay 
Mujhko Us Qehat Ke Mausam Se Bacha Rab-E-Sukhan 
Jab Koi Ehl-E-Hunar, Arz-E-Hunar Ko Tarsay 
Ab Ke Is Taur Musallat Hua Andhera Har Suu 
Hijr Ki Raat Meray Deeda-E-Tar Ko Tarsay 
Umr Itni To Ata Kar Meray Fun Ko Khaaliq 
Mera Dushman Meray Marnay Ki Khabar Ko Tarsay 
Usko Paa Kar Bhi Usay Dhoond Rahi Hain Ankhein 
Jaisay Pani Main Koi Seep Gohar Ko Tarsay 
Na Shanasayi Ke Mausam Ka Asar To Dekho 
Aaiina Khaal-O-Khadd-E-Aaiinagar Ko Tarsay 
Ek Duniya Hai Ke Basti Hai Teri Ankho'n Main 
Wo To Hum Thay Jo Teri Ek Nazar Ko Tarsay 
Shor-E-Sursar Main Jo Sar Sabz Rahi Hai 'Mohsin' 
Mausam-E-Gul Main Wohi Shakh Samar Ko Tarsay...!!!

The following 2 member(s) liked the above post:

.SalmanDeewani.-DevilGal-

-Bored- IF-Addictz
-Bored-
-Bored-

Joined: 28 April 2010
Posts: 52750

Posted: 22 January 2013 at 2:04pm | IP Logged
Bahut Khamosh Reh Kar Jo Sazayein Mujhko Deta Tha 
Baray Khamosh Lehjay Main Sadayein Mujhko Deta Tha 
Kabhi Jo Dard Ki Aatish Mujhay Sulganay Lagti Thi 
Wo Apni Saans Ki Mehki Hawayein Mujhko Deta Tha 
Usay Main Ajnabi Samjha Magar Har Morr Par 'Mohsin' 
Wo Apnay Nam Ki Sari Duayein Mujhko Deta Tha...!!!

The following 2 member(s) liked the above post:

.SalmanDeewani.-DevilGal-

-Bored- IF-Addictz
-Bored-
-Bored-

Joined: 28 April 2010
Posts: 52750

Posted: 22 January 2013 at 2:05pm | IP Logged
Main Kyun Na Tark-E-Talluq Ki Ibteda Karta 
Wo Door Dais Ka Baasi Tha Kya Wafa Karta 
Wo Meray Zabt Ka Andaza Karnay Aaya Tha 
Main Hans Ke Zakhm Na Khata To Aur Kya Karta 
Hazaar Aainay Khano'n Main Bhi Na Paa Saka 
Wo Aaina Jo Mujhay Khud Se Aashna Karta 
Dar-E-Qafas Pe Qayamat Ka Habs Tha Warna 
Saba Se Zikr Tera Main Bhi Sun Liya Karta 
Meri Zameen Tu Agar Mujhko Raas Aa Jati 
Main Rifaton Main Tujhay Aasman Sa Karta 
Gham-E-Jahan Ki Mohabbat Lubha Rahi Thi Mujhay 
Main Kis Tarha Teri Chahat Pe Aasra Karta 
Agar Zuban Na Kat'ti To Shehr Main 'Mohsin' 
Main Patthro'n Ko Bhi Ek Roz Hamnawa Karta...!!!

The following 2 member(s) liked the above post:

.SalmanDeewani.-DevilGal-

-Bored- IF-Addictz
-Bored-
-Bored-

Joined: 28 April 2010
Posts: 52750

Posted: 22 January 2013 at 2:06pm | IP Logged
Jaisay Jaisay Waqt Guzarta Jata Hai 
Zakhm Tumharay Hijr Ka Bharta Jata Hai 
Kankar Phenknay Walo Ko Kuch Ilm Nahi 
Pani Main Ek Aks Bikharta Jata Hai 
Dil Ki Ghurbat Saray Shehr Main Phel Gayi 
Tasveero'n Se Rang Utarta Jata Hai 
Bujhti Ankh Ke Saaye Pheltay Jatay Hain 
Sham Ka Manzar Aur Bikharta Jata Hai 
'Mohsin' Usnay Dil Ka Shehr Ujaar Diya 
Main Samjha Tha Bakht Sanvarta Jata Hai...!!!

The following 2 member(s) liked the above post:

.SalmanDeewani.-DevilGal-

dixitrm200 Senior Member
dixitrm200
dixitrm200

Joined: 05 January 2013
Posts: 473

Posted: 24 January 2013 at 9:17pm | IP Logged
Originally posted by Alone_Prince

Duniya Ne Ham Pe Jab Koi Ilzaam Rakh Diya 
Hamnay Muqaabil Uskay Tera Naam Rakh Diya 
Ik Khaas Had Pe Aagayi Jab Be-Rukhi Teri 
Naam Uska Hamnay Gardish-E-Ayyaam Rakh Diya 
Main Larkhara Raha Hoon Tujhay Dekh Dekh Kar 
Tu Ne To Meray Samnay Ik Jaam Rakh Diya 
Kitna Sitam Zareef Hai Wo Saahib-E-Jamaal 
Usnay Diya Jala Ke Lab-E-Baam Rakh Diya...!!!

                             Behad kaabile gaur
                            ghazal pesh ki aapne Prince. Shukriya.
                             Jara is pe abhi nazer inaayat keejiye:  

                             " Teri berukhi pe sadke teri ada pe qurban
                                na kabhi janaaja uthta na kahin majaar hota.

The following 1 member(s) liked the above post:

-DevilGal-

Go to top

Related Topics

  Topics Author Replies Views Last Post
funny shayri & jokes part 2

2 3 4 5 6 7 ... 149 150

Author: Leve   Replies: 1197   Views: 69809

Leve 1197 69809 14 October 2013 at 6:15pm by Leve
~Shayri~ # 4

2 3 4 5 6 7 ... 151 152

Author: -Chotta-Don-   Replies: 1212   Views: 37682

-Chotta-Don- 1212 37682 31 March 2013 at 11:06am by love_for_all
SHAYRI

Author: AVIBLASTER   Replies: 0   Views: 362

AVIBLASTER 0 362 15 March 2013 at 10:53pm by AVIBLASTER
*~Lovely Ishq+Dard+Udas shayri~* |#3|

2 3 4 5 6 7 ... 149 150

Author: -Chotta-Don-   Replies: 1195   Views: 81894

-Chotta-Don- 1195 81894 29 January 2013 at 11:14pm by leon786
Ishq + Dard = Shayri..Dard shayri..

2 3 4 5 6 7 ... 87 88

Author: -Guest-   Replies: 703   Views: 42982

-Guest- 703 42982 13 February 2012 at 12:30pm by -Chotta-Don-

Forum Quick Jump

Forum Category / Channels
Forums

Sher O Shayri Topic Index

Disclaimer: All Logos and Pictures of various Channels, Shows, Artistes, Media Houses, Companies, Brands etc. belong to their respective owners, and are used to merely visually identify the Channels, Shows, Companies, Brands, etc. to the viewer. Incase of any issue please contact the webmaster.

Popular Channels :
Star Plus | Zee TV | Sony TV | Colors TV | SAB TV | Life OK

Quick Links :
Top 100 TV Celebrities | Top 100 Bollywood Celebs | About Us | Contact Us | Advertise | Forum Index