SS~Tere Mere Darmiyaan Last Part Update - Page 5

Originally posted by: shivangi838

awesome job. keep it up.👏

thanks dear

thanks everyone for ur comments

CHAPTER 3

Next morning

Navika – mummy aapko yaad hai na aaj mere boss ke ghar pe party hai. aap sham ko ready rehan.

Megha – nahi nanhi mera maan nahi hai. tum chali jaana.

Navika- nahi mummy aapko mere saath chalna hi hoga. Meri boss aapse milna chahti hai.

Megha – mujhse kyu?

Navika – wo dekhna chahti hai is smart intelligent Navika Vyas Bhatnagar ki mummy kaisi hai.

Megha – Navika Vyas Bhatnagar.

Navika – kuch kaha aapne.

Megha – nahi.

Navika – to fir aap shaam ko ready rehna. Sharp 7:PM ok.  Abhi main chalti hoo.

 

Shaam ko megha navika ke saath uski boss ke ghar party me jati hai. usi party me Mohan bhi karan ke saath aata hai.

Mohan – yaar Karan tu mujhe yaha kaha is party me le aaya hai?

Karan – are mohan bhai ye apne parabhat lehar ki new boss ki party hai or is party me prabhat lehar ka star reporter na ho to kaise party?

Mohan – accha leki bahar to naam kuch or hi likha hai.

Karan – haa wo inhone ne Prabhat lehar ka naam badal kar apni beti ke naam per rakh diya. Ek T.V. channel bhi launch kar liya hai.

Mohan – accha…….

 

Party me sab buzy hai. mohan bhi idhar udhar ghum raha hai. kuch time baad.

Mohan – yaar karan mujhe yaha bilkul maan nahi lag raha main jaa raha hoo.

Karan – acch Mohan bhai main bhi chalta hoo aapke saath.

Mohan – are nahi meri wazah se tu kyun party chorke aayega. Tu enjoy kar main chalta hoo.

Karan – bhai per aap ghar kaise jaaoge?

Mohan – are yaar ye induar shehar mere liye koi naya hai kya. Yaha ke gali gali chappe chappe ko pehchanta hoo. Tu enjoy kar main chalta hoo.

 

Mohan jaane lagta hi tabhi Megha ki nazar uspe par jaati hai. wo uske piche jana chahti hai per Navika use rok leti hai. wo bechaini se Mohan ko jaate huye dekhti rehti hai.  Bg me song chalta hai

 

Saans aati hai saans jaati hai sirf mujhko hai intzar tera

Aansuo ki ghtaye pi pi kea b to kehta hai yahi pyaar mera

 

Megha Navika ko kisi tarah dusri jagah uljha ke Mohan ke piche piche jaati hai. per bahar use Mohan nahi dikhta. Uski aankho me aansu aa jaate hai.

 

Zinda rehne ke liye teri kasam

Ek mulakat zaroori hai sanam

Ek mulakat zaroori hai sanam

 

Megha Mohan ko dhoodhte dhoodhte raaste pe badhti jaati hai. uski aankho me aansu hai or wo mohan ko her taraf dhoondh rahi hai.

 

Meri aankho me Jale tere khawabo ke diye

Kitni bechain hoo main yaar se milne ke liye

Mere bichre dilbar tu jo ek baar mile

Chain aa jaaye mujhe jo tera deedar mile

 

Masiha mere dua de mujhe

Karoo ab main kya bata de mujhe

Koi raasta dikha de mujhe

Mere yaar se mila de mujhe

Mere dard ki dawa de mujhe

Kahi na ab sukun hai kahi na ab karar hai

Milega mera saathiya mujhe to aitbar hai.

Ek mulakat zaroori hai sanam

Ek mulakat zaroori hai sanam

 

Door sunsaan raaste pe use Mohan jaata hua dikhta hai. wo zor se Mohan ko aawaz deti hai. per Mohan uski aawaz nahi sunta. Wo mohan ko rokne ke liye us taraf daurati hai. idhar apni dhun me chale jaa rahe Mohan ko Megha ki aawaz sunai deti hai. wo palat kar us taraf dekhta hai saamne se bechain megha daurati hui aa rahi hai. Mohan ke kadam wahi ruk jaate hai. Megha Mohan ke saamne aake ruk jaati hai. uski aankho me aansu hai.mohan ki aankho me bhi aansu aa jaate hai per hotho pe ek smile hai.

Mohan – Megha………….

Megha – Mohan……… tum……… such me yaha ho. Pichle 2 dino se main tumhe pagalo ki tarah dhoodh rahi hoo. Her baar dikhte ho fir gayab ho jaate ho. Kyun karte ho mere saath aisa. Bolo. Kya mil jata hai mujhe tarpa ke. Bolo jwab do mujhe.

 Mohan bus megha ko dekhte rehta hai.

Megha – ab aise muskura kyun rahe ho?

 

Mohan – itne saalo baad tumhara is tarah se mujhe daatna gussa karna mujhe bahut accha laga. Tum bilkul nahi badali aaj bhi waisi hi ho mirchi madum.

 

Megha – main to nahi badali lekin tum zaroor badal gaye ho. Or tumhara pyaar bhi.

 

Mohan- nahi….. Megha aisa nahi hai. Na main badla hoo na mera pyaar.

 

Megha – accha to fir 12 saal pehle kyun chale gaye the mujhe chorke. Bina kuch kahe bina kuch sune. Tumne mujhe ek baar batane ki zaroorat bhi nahi samjhi. Ye janane ki zaroorat bhi nahi samajhi ki main kya chahti hoo.

 

Mohan – megha us waqt jo hua tha uske baad tum aisi halat me nahi thi ki kuch keh sako. Kya kehta main tumse. Sabko lagta tha ki main hi zimmedar hoo in sabka. Or to or chavanni wo bhi mujhse nafrat karne lagi. Mujhe laga ki tum bhi mujhse nafrat karogi. Or tumhari aankho me apne liye fir se nafrat dekhne ki himmat nahi thi mujhse. Or fir maine chavanni se wada bhi kiya tha isliye main chala aaya.

 

Megha – nanhi ne kaha or tum chale aaye. Mujhse bat karna tak zaroori nahi samjha.

 

Mohan – megha tum aisi halat me nahi thi main tumse kuch baat kar saku. Or sabne mujhe tumhare paas tak nahi aane diya.

 

Megha – 12 saal pehle jo hua uske baad mujhe tumhari kitni zaroorat thi ek baar bhi socha tumne. Bus sabne jo kaha wahi maan liya.

 

Mohan- lekin jo hua uske baad nanhi ki aankho me apne liye nafrat main nahi seh sakta tha megha. Main nahi seh sakta ki wo mujhe nafart bhari nazro se dekhe.

 

Megha – tum or tumhari chavanni bus main …. Main kaha hoo. Mere bare me kuch nahi socha. Or jo kuch hua usme tumhara kya kasoor tha wo kisi se bhi ho sakta tha mujhse tumse, sanjay bhaiya kisi se bhi. Fir tum apne aap ko un sabka zimmedar kyun mante ho. Kyun chale gaye mujhe chor ke. Ek baar bhi mujhse milne nahi aaye.

 

Mohan – main aaya tha tumse milne per kisi ne mujhe tumse milne nahi diya. Chavanni ki nafrat kum nahi hui thi. Fir sanjay bhaiya or renu bhabhi ne kaha ki tum meri shakal tak nahi dekhna chahti. Main kya karta. Mujhe lagne laga ki tum bhi nafrat karne lagi ho mujhse. fir mere paas yaha kya reh gaya tha. Main chala aaya waha se. kai baar kosis ki tumse baat karne ki per ho hi nahi paai.

 

Megha –  12 saal pure 12 saal alag rehne ke baad ab jab tum wapus  aaye or mujhse milna bhi zarori nahi samjha. Mujhe bataya tak nahi ki yaha ho. 12 saal pehle isi tarah mujhe chor ke chale gaye or ab jab laute ho to ajnabeeyo ki tarah.

 

Mohan – itne saal baad mili ho kya larti rahogi.

Megha – haa….. mujhe janana hai ki in 12 saalo me tumhe meri yaad tak nahi aai. Ek baar bhi mujhse milne ka baat Karne ka maan nahi hua.tumhe pata bhi hai ki humne apne 12 saal gawa diye. Wo keemti 12 saal jinme hum dher saare pyar ke pal bita sakte the. Jinme hum apni dhera sari khoobsoorat yaadein bana sakte the. Tum aise kaise………

 

Mohan megha ke hotho pe ungali rakhkar use chup kara deta hai.

Mohan – sshhh……… mirchi madam din-b-din or tikhi hoti ja rahi ho. Pure 12 saal 12 saal baad mili ho to is waqt ko lar jhagar kyun barbad kar rahi ho. Jo waqt gujar gaya use wapus to nahi laa sakte per Is pal ko shikayto me gawane se accha hai hum is pal me pyaar bharkar ise ji le. Shikayte karne ke liye to puri zindagi pari hai.

Megha – per Mohan .

Mohan – kaha na kuch mat kaho. Kitne barso se itntzaar tha mujhe is pal ka. Ye pal jab tum mere itne kareeb aa jaao ki main tumhare rom rom tumhare nus nus ko mehsoos kar sakoo. Khamoshi bhi khamosh ho jaaye main sirf tumhari dharkano ki aawaz sun saku. Wo pal jisme hum itne kareeb aa jaye ki tum meri aankho me meri un saari raato ki dastna padh sako jo maine tumhare bina tumse milne ke intzar me jaagte huye beetaye hai. is pal me hum itne kareeb ho ki hawa ka ek jhoka bhi humare beech na aa sake. Bus tum ho main hoo humara pyaar or ye khamoshi.

Or aaj jab barso baad wo pal mila hai to tum use larne jhagrne me gawana chahati ho. Larne ke liye to saari umar pari hai. is pal ko to pyaar se ji lo. or waise bhi ab to main yahi rehne wala hoo.

 

Megha – such… tum yahi rahoge. To ghar kab aaoge?

 

Mohan – main abhi ghar nahi aa sakta. Tum to jaanti ho chavanni mujhse abhi tak naraz hai. main nahi chahta ki main uske saamne jaau or use or taklif ho.

 

Megha – main baat karungi usase. 12 saal bahut hote hai. pure 12 saal tum door rahe ho apne ghar se apno se. ab or kitni saza degi wo tumhe.

 

Mohan – nahi megha aisa karne se kuch thik nahi hoga. Ulta agar tum mujhe support karogi to uski nafrat mere liye or badh jayegi. Or shayad wo tumse bhi naraz ho jaaye or main ye nahi chahta. Or waise bhi maine usase wada kiya tha ki jab tak main sab thik nahi kar deta main uske saamne nahi aaunga.

Megha – per mohan main or kitne din door rahoo tumse.

 

Mohan – megha mujhe bus thora sa time de do main is baar sab thik kar dooga. Fir hum sab saath honge. Lekin tab tak tum nanhi ko nahi bataogi ki main yaha hoo.

Megha – or main…. Tum yaha ho ye jaante huye bhi main kaise tumse mile bina rahoongi.

Mohan – Megha chavanni ke liye hum ek dusre se door rehna parega. Main yaha karan ke ghar pe hoo. Main to ghar nahi aa sakta per tum kal waha aa jaao. Bahut kuch kehna hai tumse bahut kuch sunana hai. waise tum yaha.

Megha – nanhi ke saath aai hoo.

Mohan – tab to wo tumhe dhoondh rahi hogi. Chalo main tumhe wapus chor doo.

Megha – per mohan.

Mohan – megha halat ko samjho plz. Waise bhi kal hum mil rahe hai na. apni saari shikayte keh dena mujhse. Abhi chalo. Nanhi pareshan ho jayegi.

 

Mohan Megha ko wapus party me chor deta hai. Navika Megha ko hi dhoodh rahi hoti hai. wo Megha ko andar le ke chali jaati hai. Mohan wapus chala aata hai.

----

 

Edited by poojaluvnbt - 11 years ago

Very nice puja.👏...kuch aisa hi dard bhara hoga season 2 bhi...

Oh My God 😲yaar u r an amazing writer👏👏 ek ek dialogue se main ek ek emotion , expression or scene ko imagine kar sakti thi ayr ro rahi thi😭. u shld write more often😃👏 . gr8 job . keep updating. jitni curiosity mujhe season 2 ki hai utni hi tumhari story ki bhi hai.⭐️

Pooja amazing it is..love it..and mohan megha dialogues r just perfect though waiting for d reason of deir seperation.. 😊

Megha ki Mohan ke liye tadap dekh ke dukh bhi hua aur khushi bhi...

Bahaat badiya hai Puja,"Khamoshiya bhi khamosh ho jaaye ke main tumhari dhadkan ki awaaz sun saku"👏Kya hua tha-kuch pata nahi chalega kya!

its too too amazing , emotional and lovely. 

Originally posted by: Lekz

Very nice puja.👏...kuch aisa hi dard bhara hoga season 2 bhi...

 

Chapter 3 mein link chapter 2 ka hai puja u may want to correct that.

Thanks Lekha