Na Bole Tum Na Maine Kuch Kaha Season 2

   

SS~Tere Mere Darmiyaan Last Part Update

Post Reply New Post

Page 1 of 10

Page 1
Page   of 10
Page 2 Page 10

poojaluvnbt

IF-Stunnerz

poojaluvnbt

Joined: 16 June 2009

Posts: 38687

Posted: 10 January 2013 at 10:08am | IP Logged
 
                                            

CHAPTER 2

CHAPTER  3

 LAST  CHAPTER




 Door se ek bus aakar rukti hai. Bus se Mohan utarata hai. wo paas me laga board dekhta hai  Indaur.  Board dekh kar uski aankho ke saamne beete dino ki yaadein aa jati hai.

 

Mohan - Megha... Chal Mohan Bhatnagar us shehar me jis shehar me kabhi tujhe teri zindagi tere sapne tera pyaar mila tha. Aaj pure 12 saal baad usi shehar me wapus jaa raha tu. Kya in 12 saalo me meri megha thora bhi badali hogi. Ya waisi hi hogi Mirchi madam jaisi. Or meri chavanni wo to kafi bari ho gayi hogi na.

 

Mohan ek taxi ko rokta hai.

 

Mohan - mad karma Meghan apnea asp se aping Chavannes se kayak promise tor raha hoo. Lekin ab to mujhe aana hi tha. Agar ab nahi aata to shayad bahut der ho jati.

 

Driver- sir kaha jana hai?

Mohan - khajuraho mandir.

 

Khajuraho madir me mohan kadam rakhta hai to use apni or megha ki pehli mulakat yaad aa jati hai. uski aankho me aansu or hotho pe ek smile aa jati hai. mohan andar jaata hai. wo haath zor kar pray karta hai.

 

Mohan - ek din tumhari wazah se main or megha mile the. Meri chavanni ne tumse mujhe manga tha. Or tumne uski prathna sun li. Such kahoo to us din tumne mujhe bhi meri zindagi se milaya tha. Tumhe to pata hai na ki main tumse jaldi kuch nahi magta. Per chavanni or megha kehte hai ki tum sabki sunte ho. To aaj meri bhi sun lo. 12 saal baad main jo kaam yaha karne aaya hoo wo pura ho jaaye bus.

 

Mohan mandir se wapus jaane lagta hai. bahar aakar use Megha dikhti hai. Megha ko dekh kar jaise Mohan ke andar jaan si aa jati hai. wo Megha ki taraf badhta hai. per kuch soch kar piche hat jata hai. Megha use nahi dekhti or madir ke andar chali jati hai. Mohan ek deewar ke piche se Megha ko dekhta rehta hai. tabhi ek ladki Mummy kehake Megha ke paas jati hai.

 

Mohan - chavanni- ye meri chavanni hai. kitni bari ho gayi hai.

 

Navika - mummy jaldi chalo. Mujhe kaam hai.

 

Megha - nanhi kya hai? itni jaldi. Abhi to aaye hai. or ye kya mandir me aake bhagwan ke saamne haath bhi nahi jode. Beta galat baat.

 

Navika - nahi mummy. Mujhe kuch nahi maangana inse. 13 saal pehle inse ek galat wish mangi thi jiska pachtawa abhi tak hai. Ek galat insan ko maang liya jisne humari zindagi me sirf dard hi dard bhar diya.

 

Megha - nanhi bhool kyun nahi jaati us baat ko. Jo beet gaya wo waqt wapus to nahi aata na. fir kyun us baat ko yaad karke khud ko takleef deti hai.

 

Navika- mummy maine us din jo galti ki thi uski wazah se jo kuch bhi hua hai wo main kabhi nahi bhool sakti. Nafart hai mujhe us insan se jisne humari khushiyo bhari family ki saari khushiya chin li. Mujhe use yaad bhi nahi karna.

 

Navika ki baatein sunake Mohan ko bahut bura lagta hai. uski aankho me aansu aa jate hai.

 

Mohan - chavanni ... meri chavanni aaj bhi mujhse nafrat karti hai. usne maaf nahi kiya mujhe. Wo aaj bhi meri shakal tak dekhna nahi chahti. Mohan bhatnagar tu ro kyun raha hai. tujhe to pata tha na ki yaha aayega to nanhi ki nafrat ka saamna karna parega. Tune 12 saal pehle jo galti ki thi na uske liye tujhe maaf karna chavanni ke liye bahut mushkil hai or shayad megha ke liye bhi.

 

Mohan megha or navika ko chup ke dekhta rehta hai. navika madir se bahar chali jaati hai. jaate waqt mohan dekhta hai ki Navika ki aankho me ansoo hai.

 

Mohan – chavanni tere in aansuo ki wazah main hoo. Tujhe her waqt husane ka wada kiya tha or tujhe rulane ki wazah ban gaya. Per ab main sab thik kar doonga. Ab meri chavanni ki aankho me aansu nahi honge hotho pe smile hogi. Isi irade se yaha wapus aaya hoo. Apni chavanni se kiya promise tora hai to sirf uski smile wapus lautane ke liye.

 

Mohan chavanni ko jaate huye dekhta hai. fir uske kaano me megha ki aawaz parti hai.

 

Megha – he bhagwan. Mujhe nahi pata wo kaha hai kaisa hai per wo jaha bhi hai uska khayal rakhna. Mohan  jaha bhi hai thik ho bus. Or ho sake to mujhe ek baar usase milwa do taki main usase puch saku ki usne mujhe kis baat ki saza di hai.

 

Megha ki ye baat sunke Mohan ki aankho me aansuo ke beech ek chamak aa jati hai. megha mandir se chali jati hai.

 

Mohan – megha. …….. meri megha mujhse naraz nahi hai. or main itne saalo tak yahi sochta raha ki wo bhi mujhse nafrat karti hogi. Itne saal maine is galatfehmi me nikal diye ki megha bhi mujhse nafrat karti hai. wo bhi mujhe un sabka zimmedar manti hai. lekin wo mera intzar kar rahi hai. Aaj bhi mujhse bahut pyaar karti hai. kitni bari galti ho gayi mujhse. Mujhe ek baar megha se baat to karni chahiye thi. Per main kya karta us waqt halat hi aise the ki megha kuch bhi kehne ki halat me nahi thi. Or fir chavanni ki nafart mujhe laga ki megha bhi mujhse nafart karegi. Or mjain uski nafart bardast nahi kar pata isliye chala aaya. Chavanni se kiya wada pura kiya. pure 12 saal pyaar hote huye bhi humne judai sahi. Gujra waqt to main wapus nahi laa sakta. Per megha tumhara intzar khtam hua laut aaya hai tumhara mohan. Ab or koi takleef nahi.  Or koi dukh nahi. Sirf khushiya hongi. Sirf khushiya.

 

Shaam ko mohan apne kamre ki khidki pe khara hai. use apni or megha ki window wali yaadein yaad aa jati hai. bg me song chlata hai "Kitni baatein". Flashback scene chalta hai.

 

Mohan apne kamre ki khirki pe khra hai bahar barish ho rahi. Tabhi megha aati hai use chai ka ek cup deti hai or uska sir towel se pochati hai. Mohan uska haath pakar leta hai. Megha apna haath chura leti hai. Mohan dubara haath pakrta Megha jhoothe Gusse se dekhti hai. Mohan darne ki acting karta hai. fir dono husne lagte hai.

 

Kitni baatein yaad aati hai, Tasveere si ban jaati hai

Main kaise inhe bhoolu, Dil ko kya samjhau

 

Idhar megha pane kamre me akeli khari hai. uske haatho me rumali hai. use hospital wala din yaad aata hai.

 

Kitni baatein kehane ki hai, hotho pe jo sehmi si hai

Ek roz unhe sun lo, kyun aise gumsum ho

 

Mohan ki aankho se ek aansu girta hai

Kyun puri ho na paai daasta

 

Megha ki aankho se bhi aansu girta hai

Kaise aai hai aisi dooriya.

 

Mohan apne bed pe aake baith jaata hai. tabhi megha aati hai. wo bed pe bikhare mohan ke kapre dekh ke unhe sametane lagti hai. Mohan uska haath pakar kar bed pe baitha deta hai fir uski goad me sir rakhkar so jata hai. Megha use hatati hai. mohan nahi uthata. Megha fir se use uthane ki kosis karti hai.Iis baar Mohan uth jaata hai. megha use kuch samjha rahi hai. per mohan uske hoto pe apni ungali rakhkar use chup kara deta hai.dono ek dusre ki aankho me dekhte reh jaate hai.

 

Dono ke dilo me sawal hai fir bhi hai khamoshi

To kaun hai kiska doshi koi kya kahe.

 

Kaisi uljhano ke ye jaal hai jinme uljhe hai dil

Ab hona hai kya hasil koi kya kahe.

Dil ki hai kaisi majbooriya

 

Mohan megha kahi jaa rahe hai. bahut jyada bheed hai. bheed me mohan aage nikal jaata hai. megha ko jab mohan nahi dikhta to wo thora pareshan ho jaati hai. tabhi usebeed me se mohan ka chehra dikhta hai. Dono ek dusre ke paas jate hai. Mohan Megha ka haath pakar leta hai. Mohan kehta hai "Mrs. Bhatnagar chahe kitna bhi mushkil safar ho main tumhare saath rahoonga. Kabhi haath nahi chorunga tumhara." dono ek dusre ka haath pakar ke aage badh jaate hai.

 

Khoye the kaise raaho ke nishan

Kaise aai hai aisi dooriya

 

Kitni baatein kehne ki hai, hotho pe jo sehmi si hai

Ek roz unhe sun lo, kyun aise gumsum ho

Kitni baatein yaad aati hai, Tasveere si ban jaati hai

Main kaise inhe bhoolu, Dil ko kya samjhau

 

Sham dhalne pe Mohan juna mohalle me aata hai. sham dhalne ki wazah se sab apne apne gharo me hai. mohan megha ke ghar ke paas aata hai. khirki se use megha dikhti hai. bahar kaafi tez hawa chal rahi hai. mohan kuch der tak megha ko dekhta reh jata hai. uski aankho me aansu aa jate hai. mohan megha ko dekh kar wapus paltata hai. Megha khirki band karne aati hai. use mohan jata hua dikh jata hai. megha use aawaz dena chahti hai per nahi deti.

 

Megha – mohan… yaha. Matlab mohan wapus aa gaya. Lekin agar wo aaya hai to aise chup chap kyun chala gaya? Mujhse mile bina.

 

Navika – mummy. Mummy aap yaha hai. main kab se aapko bula rahi hoo. Ye kya mummy aap ro rahi hai. kitni baar kaha hai is khirki ko banda rakha kijiye. Buri yaado or bure logo ko bhula dena hi accha hota hai. chaliye chalke sote hai.

 

Megha – ek baat puchu? Agar mohan fir se tumhare saamne aa gaya to?

 

Navika – mujhe nahi pata mummy main kya karoongi. Per main nahi chahti ki ye din kabhi aaye. Choriye mujhe us bare me koi baat nahi karni. chaliye ab sote hai.

 

Megha sone chali jati hai.



Edited by poojaluvnbt - 22 January 2013 at 7:03am

The following 21 member(s) liked the above post:

ShwethaYogeeshswavai2NBT-BVkunaladictedsakhisangnirsk16ankur281Bharti_kshivangi838Lekzshanu4meghan27shayranahui.kunakshafan26raokrithika_saumya_Senpooash28SwastikAshNidsgirl--mancityfan--

Dear Guest, Being an unregistered member you are missing out on participating in the lively discussions happening on the topic "SS~Tere Mere Darmiyaan Last Part Update" in Na Bole Tum Na Maine Kuch Kaha Season 2 forum. In addition you lose out on the fun interactions with fellow members and other member exclusive features that India-Forums has to offer. Join India's most popular discussion portal on Indian Entertainment. It's FREE and registration is effortless so JOIN NOW!

--mancityfan--

IF-Stunnerz

--mancityfan--

Joined: 02 May 2012

Posts: 41080

Posted: 10 January 2013 at 10:16am | IP Logged
mast   hain

Lekz

IF-Rockerz

Lekz

Joined: 14 November 2009

Posts: 5101

Posted: 10 January 2013 at 10:25am | IP Logged
Puja rula diya tumne...Cry
Ab show mein rona hi hai...abhi se kyon rula rahi ho ?
 
Very nice ClapClapClap...Aisa hi kuch hoga for sure...

shanu4

IF-Rockerz

shanu4

Joined: 03 December 2010

Posts: 7340

Posted: 10 January 2013 at 10:27am | IP Logged
Awesome ,superb OS puja...
sach main aisa kya ho gaya MM k beech ki itne faasle aa gaye...

Eagerly waiting for monday..

poojaluvnbt

IF-Stunnerz

poojaluvnbt

Joined: 16 June 2009

Posts: 38687

Posted: 10 January 2013 at 10:38am | IP Logged
Next part will be update tommorow

SwastikAshNi

IF-Sizzlerz

SwastikAshNi

Joined: 05 February 2012

Posts: 10972

Posted: 10 January 2013 at 11:26am | IP Logged
Puja,tune kamaal kar diya yaar,"Kitni baatein yaa aati hai" isse mera bhi bahaat yaad juda hua hai,tune use MM ki yaadon me itna achhe se use kiya ke i have no words to praise itClap

meghan27

IF-Rockerz

meghan27

Joined: 20 August 2012

Posts: 6058

Posted: 10 January 2013 at 12:02pm | IP Logged
Its too awesome and lovely.

poojaluvnbt

IF-Stunnerz

poojaluvnbt

Joined: 16 June 2009

Posts: 38687

Posted: 10 January 2013 at 12:10pm | IP Logged
Originally posted by --MI--

mast hain<div></div>
thanks bhai.

Post Reply New Post

Forum Quick Jump

Forum Category

Active Forums

Limit search to this Forum only.

 

 

Disclaimer: All Logos and Pictures of various Channels, Shows, Artistes, Media Houses, Companies, Brands etc. belong to their respective owners, and are used to merely visually identify the Channels, Shows, Companies, Brands, etc. to the viewer. Incase of any issue please contact the webmaster.