part 3
yeh wakt kisi ke liye nahin rukta badhte jata hai aur hum bass apne aap ko uske saath le jane ki koshish karte rehte hai ..lekin kahin kuch peeche choot jata hai to dil bhari ho jata hai...peehu ki har ek aadat mujhe aage badhne hi nahi deti...har ek baat mujhe usi mod pe la ke chod deti hai jahan se kabhi hamare raste alag hue the ram...
pata nahi apki jindagi kaise kat rahi hogi...aaj peehu pure ek saal ki ho gayi hai maine use uske janam din pe aap se milwaya ..aap mba university mein as guest invited the aur wohi video maine use sunaya ..usne poora function chup chap se dekha likinn jaise hi aap bolne lage toh woh uth ke laptop ki or bhagne lagi ...shayad apse uske rishte ka us bacchi ko ehsaas hua ho ya phir apne pehni hui red tie jo maine aap ko gift ki thi woh use attract kar gayi ho...
uske pehle janamdin ki saari yaadein maine sambhal ke rakhi hai , kal jab hamari peehu badi hogi toh woh dekhe ke uske ma aur papa dono ne uske yaadon ko sehej ke rakha hai...main jab bhi apse milu ya peehu jab bhi mile toh use apse milke ajnabi hone ka ehsaas nahi hona chahiye ram...iss galti ki saja kya hogi pata nahi , aap mujhe kya saja denge ye bhi nahin janti ;lekin hamari beti ko apke ansh ko aise akele bade hote hue dekhna jaise mere kiye har roj ek nayi maut hai ...mere andar roj kuch mar raha hai...ye guilt ke maine ek baap ko beti se door rakha mujhe jeene nahi deta raam...
main yahan ek book shop chalti hoon aur uske owner mr.kapur hai...pata nahi jahan bhi jati hoon ek kapur toh mil hi jata hai...khair the ram kapoor ki biwi ek book shop ka rent bhi nahi chuka sakti ..ise kismat kahoon ya naseeb manloo pata nahi...bass iss sab mein bhi aap k di hui kitab aur anjaan se milne wale woh email dilasa de jaate hai ek himmat ke main lad sakti hoon ...abhi harna nahi hai..
pata hai ram ye anjaan bilkul aap ki tarah hi likhta hai uske reply padhte wakt kai baar aisa lagta hai ke aap samne hai aur woh sab bol rahe hain mujhe ya phir main apse kuch jyada hi pyaar karti hoon aur har kisi ki baaton mein mujhe apka hi aks najar aata ho..pata nahi lekin I LOVE YOU MY DEAR ..aur happy marriage anniversery ..rab kare aap ko duniya ka sara pyaar mile aur aap ki har ek khwahish puri ho...
peehu ke peeche din khatam kaise ho jata hai pata hi nahi chalta ...uske saath har din mere andar ek ma badh rahi hai...raam aap ki kami ko uski jindagi mein poora karna mere bass ki baat nahi koshish karti hoon par uske life mein woh ek jagah jahan aap ka hona banta hai khali hai...uss khali paan ko bharne ke liye main koshish boho karti hoon lekin shayad mai kabhi kar na paun...
peehu ka school me aaj first day tha...use seekhana itna assan nahi tha...naam sikhao toh kehti hai sharma kyun ...school uniform red kun nahi...breakfast sirf aloo palatha chahiye aur water ubla hua ...taste se pata chal jata hai madam ko...aap ko aur peehu ko ek saath bithao toh identify karna mushkil ho jayega bacchi kaun hai aur baap kaun ...chalo ram apse bohot baat karli peehu ka school aa gaya hai ..peehu ki har ek yaad apke liye main likhti rahoongi iss umeed ke saath kisi din aapko pata chale ke apki ek beti hai toh aap uske har ek pal ko mehsoos kar sake...
main apko aap ki beti se door rakh rahin hoon lekin anjaan nahi rakh sakti...
Edited by snehalparab - 11 years ago
comment:
p_commentcount