Posted:
Ok ji .Is week humne aur ek milestone paar kar liya ...
yeh milestone tha 10000 posts ka ... lage raho spamming priya doston !
To is shubh awsar par ,hum pesh karte hain ,hamari nazar se 10000 posts ko dekho .Is post me hum charcha karenge un posts ki jinka hum sabko rehta hai intazar ..baar baar lagatar..somwar se ravivar...aur un posts ko banane waale kalakaron ka ! 
Sabse pehle baat karte hain Tanu ke daily superfast posts ki .Hum episode dekhte samay sochte hain ki abhi tanu dhadadhad type karti hogi.
Keyboard bechara ,tanu ka maara !
Keyboard bechara ,tanu ka maara ! Post banta nahi ki hum sab kood padte hain.Kitne din to apne aapko drag karna padta hai wahan ke serious discussion se ...warna agle din hamara keyboard royega ,yeh soch kar !
Ab baari aati hai hamari reporter ,mudra jii ki .Mudra aur unke BT .Aay haaye ! Har BT ki baat hi alag hai ... kuch khaas hai..alag hi andaaz hai .BT aur uski iklauti reporter sada salamat rahe ,bas yehi dua hai !
Chalte hain ab hamare inhouse doctor Dr Brainless Waves ki oor (jinhe hum pyar se Dr BW bulate hain !). Hum har episode me sochte hain ki aaj Dr BW kya sawal poochengi .. Jitne interesting sawal ,usse kahin jyaada interesting jawab !
Alka ke samachar aur kundalion ki jitni tareef kari jaye kam hai.Jaane kis kis ki kundali bana daali inhone.Roj roj hume samachar ka intazar rehta hain.Abhi shayad news reader sahiba chutti par hain ..par hume asha hai vo jaldi waapis aayengi ! 
Rabzonedge ke poems ki tareef me ek poem bhi likh daalen to vo bhi kam hoga .Par hume poem likhna nahi aata .Malum chala iske liye bhi unhi se keh rahe hain.
Is forum me kuch aise sahityakaar hain jinke FF bahut charcha me rehte hain .Lage raho FF writers. Turags,Libra,Sujatha Rao,Ana,Yanks,Saibanu, jaise kalakar hain jo is forum me rang le kar aate hain !
Hum sabko SBS wagera ki news dene waale doston ki tareef ke bade bade pul baandhne ka mann karta hai .Purnima,Ash_arti and everyone who posts updates.Aap log hume humesha breaking news dete rahen ,yehi chahte hain !
Hamari piyari dulari Shee aur uske minblowing caps ke baare me kya kahen .Tareef uski jisne shee ko banaya !
Hina (hkp11) ki videomixes to sabke hosh uda dete hain. Perfect song selection ke saath perfect scenes .Lagta hai vo ek dooje ke liye hi bane hain !
In sab regular post makers ke alawa,sabse bada yogdaan raha hai un sab post makers ko jo apne khayal hamare saath share karte hain aur jinke posts me hum khoob saari spamming karte hain !
Aakhir me hum un sab pathak gano ka sukriya karna chahte hain jinhone HNS ko itna pyar diya .. aur hamari pagalpanti bhare huwe bakwas ko saha .. aur ummeed hai aap hamari spamming me aage bhi isi tarah hamara saath denge !
Iske saath samachar samapt hue .Agla prasaran somwar raat 12 baje (mangalwaar ki subah ko !) ,aapke apne channel ..IF KTLK par ..
tab tak ke liye ..shubh weekend ..
aur
jor se bolo .. jai mata di !
comment:
p_commentcount