Kutumb kam karneme busy ho jati hain. Tabhi uske man me khayal aata hain ki wo Rishi ko Aditya ke bare me sab bol de. Usko Aditya ke bare me kya lagta hain wo bhi bol de aur usko Indira ko samjhane ko bole taki wo jo bhi faisla legi wo galat na ho.. lekin wo turant sochti hain ki kya Rishi is sabko manega? Kya wo meri bat ko manega? Tabhi usko Indira bulati hain...
At Night
Rishi Dinner ke liye aata hain. Gaurav pehlese hi aa jata hain. Indira Rishi ki mulakat Gaurav se kar deti hain.
Indira : Jiju , ye hain mera friend Mr. Rishi Kumar.. Aur Rishi ye hain mere Jijaji Mr.Gaurav Mishra
Rishi aur Gaurav shake hand karte hain..
Rishi Mandira ko hi bolta hain lekin Mandira usse bat nahi karti.
Rishi : Kya hua didi? Aap mujhse bat kyun nahi kar rahi ho? Kya mujhse galti hui kya koi?
Mandira : Galti? Bahot badi galti ki hain tumne.. tum mere shadi me kyun nahi aaye the?
Rishi : Sorry di , wo actually office work ke vajah se nahi aa paya.. ab maf bhi kardo.. aur ha itni rude mat bano di waise bhi office me ek hitler ko sambhalta hi hu..ab aap to rehne hi do na..
Gaurav : Tum Indira ke boss ho Rishi?
Rishi : (Shockingly) Boss nahi jijaji, waise dekha jaye toh kehneko me iska boss hu lekin office me bhi ye aise behave karti hain ki jaise ki yehi meri boss hu..Aur wo Indira ke taraf dekhta hain.. Kyun Indira sahi kaha na maine..
Ye sunkar Indira apne waist par hath rakh kar hitler style se Rishi ki taraf dekh ti hain.
Rishi : (dar kar) sorryy...sorryyy..
Tabhi Kutumb Indira ko aur Mandira ko Dinner ki taiyari karne ke liye bulati hain..
Rishi : Bach gaya Beta tu nahi toh aaj Hitler ke ghar aate hi tujhe dinner ke sath sath na jane kya kya sunana padta...
Rishi aur Gaurav bate karne lagte hain.
At Dinner table
Rishi : Uncleji kaha hain aunty?
Kutumb : Are unko aaj kam tha na toh iske wajah se wo late aayenge..
Rishi : Achha..
Indira : Achha hain khana toh shanti se khane ko milega..
Kutumb : (gusse se) Indira , kya bola tune?
Indira : Nahi to kya maa? Humesha Papa ek bite khaya nahi to head master ke jaise sawal puchne lagte hain. Unko pure din ki har baat batani padti hain.
Kutumb : Fir kya hua? Waise dinner time toh family ke sath bate sharing karne ke liye hi hota hain na?
Indira : Haa maa..lekin usme pyar kum aur authority hi jyada hoti hain..
Kutumb iss bat par kuch nahi bolti.
Mandira : Are aap dono firse shuru ho gayi? Dekho wo dono kaise chupse baith gaye hain.. unko khana to paroso na.. Chal Indira baith jao khana khane ko.. aur maa aap bhi baith jao..chalo
Kutumb : Nahi beta tum sab log khana kha lo.. me inke sath khaungi..
Indira : Lekin maa aapko dawayi bhi leni padti hain na..kitna late karogi? Chalo humare sath baitho..
Lekin kutumb nahi manti..aur wo kuch kam karne ke liye kitchen me jati hain..
Indira : Dekha na didi. Maa humesha aise hi karti hain.
Mandira : Tu bhi Indira kuch toh apne muh pe lagam rakho..aur tumhe pata hain na maa papa ke sivay khana nahi khati fir?
Indira : Lekin di maine kaha galat bola? Aap bhi janti ho na ki...
Mandira : Bas bas..meri maa..chalo ab khana khate hain
Rishi aur Gaurav unki bate chup chap sun lete hain.. khana khane ke bad Rishi aur Gaurav bahar jane ke liye nikalte hain..
Gaurav : PAta nahi Rishi Indira aur Papa ji ke beech ki ye duriya kab khatam hogi?
Rishi : Sahi kaha aapne Jijaji..
Gaurav : Rishi ek kam karte hain Mandira aur Indira ko abhi hum bahar Ice cream khane ke bahane se bahar le jate hain.. Tab hum Indira ko Samjha denge..
Rishi : Ye best Idea hain Jijaji.. Hum aisa hi karte hain..
Aur wo donoSN me wapas aate hain..
comment:
p_commentcount