Ek Radha, Ek Meera
Donon Ne Shyam Ko Chaaha
Antar Kya Donon Ki Chaah Mein Bolo
Ek Prem Deewaani, Ek Daras Deewaani
Radha Ne Madhuban Mein Dhoondha
Meera Ne Mann Mein Paaya
Radha Jise Kho Baithi Vo Govind
Meera Haath Dikhaya
Ek Murali Ek Paayal,
Ek Pagali, Ek Ghaayal
Antar Kya Donon Ki Preet Mein Bolo
Ek Surat Lubhaani, Ek Murat Lubhaani
Ek Prem Deewaani, Ek Daras Deewaani
Meera Ke Prabhu Giridhar Naagar
Radha Ke Manmohan
Radha Nit Shringaar Kare
Aur Meera Ban Gayi Jogan
Ek Rani Ek Dasi,
Donon Hari Prem Ki Pyaasi
Antar Kya Donon Ki Tripti Mein Bolo
Ek Jeet Na Maane, Ek Haar Na Maani
Ek Radha, Ek Meera
Donon Ne Shyam Ko Chaaha
Antar Kya Donon Ki Chaah Mein Bolo
Ek Prem Deewaani, Ek Daras Deewaani
comment:
p_commentcount