SS for all viewers -PYAAR (LAST PART10 on pg13)

                                                          Hey all guys i m back with  my  new  concept on AGNI .

                                                         

                                                           This   time   this   SS   is   for    ALL   VIEWERS   of      AMRIT  MANTHAN                 (OLD  &  NEW )  😊

 

 

 mai characters ko unaki need ke hisab se introdused karungi

 

 

 

 

                    PYAAR  -  KUCH  IS  TARAH                                       

                                                                        

 

CHARACTERS :- 

 

AGAM   --   good human being , honest , thoda  short tempered , reserved type  aur apani goal pe focussed boy.

 

 

NIMRIT  --    soft hearted ,  sweet, loving  ,  carefull, good, loyal , light hearted girl.

 

 

TEJ         --   friend of  agam  like brother , clean hearted, always  helpfull, good human being.

 

 

DRASHTI  --  friend of nimrit , sweet personality, always  having smile on face.

 

 

 

 

 

 

                                                           INTRODUCTION

 

Ye kahani mere previious  OS se inspired hai like continuation of it but  AFTER THE 6 MONTHS LATER.   kuch naye characters bhi hai.  Isliye  sabhi characters  ka occupation same hai- docters. 

 

Ye sabhi ek dusare ke dost hai. docters hai ek hi hospital me. inaki zindagi bhi ksushiyo se bhari huyi thi. apane ambetions ke saath masti aur shararate bhi khoob  bhaati thi inhe.

 

par hamesha zindagi ek jaisi nahi rahati.  khushiyo ke saath saath  gum bhi aate hai. ek pal me  zindagi puri tarah  badal bhi sakati hai...par pyaar aur waqt har jakhm bhar deta hai...

 

 

                                     

 

                             ohhh pata nahi intro sabko achha lagega ki nahi par koshish karungi ki updates achhi ho...sorry agar achha na lage to...plzz tell me ...

 

 

 

 

 

summary:-:-:-:-        

 

PART 1 :---ON  PAGE 1

 

PART 2:----ON PAGE 2

 

PART 3 :----ON PAGE 4

 

PART 4 :----ON PAGE 5

 

PART 5 :----ON PAGE 6

 

PART 6 :----ON PAGE 8

 

PART 7 :----ON PAGE 9

 

PART 8 :----ON PAGE 10

 

PART 9 :----ON PAGE 11

 

PART 10 :---ON PAGE 13(LAST PART)

Edited by Anurna - 11 years ago

sounds good so far archu, intro is nice :)

Originally posted by: hiri_piri

sounds good so far archu, intro is nice :)

 

                                                                          part-1

 

 

 

                            Wo khidaki ke paas baitha  khidaki ke bahar jhaank raha tha...bahar baarish ho rahi thi ...baarish ki bunde khidaki ki  kaanch  par padkar motiyo ki tarah bikhar rahi thi...baahar  ka  ye  kudarat ka  khoobsurat  nazaara  dekhakar usaka  dard jo dill me tha  thoda  kam  mahsoos  ho raha tha  use...par  jaise hi usane apane side me dekha ki ek ladaki  3 maheeno se na jaane kitane dino se aise hi zindagi aur maut se lad rahi hai...unconscious...bejaan si...sirf usaki saanse chal rahi...naahi koi jaan hai usake haatho pairo me...naahi wo kuch sun sakti hai kisiki baat aur naahi bol sakti hai...usaki ankhein na jaane kabse band hai...usaka sharir koi harkat nahi kar raha tha...   ... NIMRIT       KOMA     me    thi peechale 3 months se...

                       

                             agam bas dekh sakta tha apni nimrit ko is haalat me par usake liye kuch bhi nahi kar sakata tha wo...ye sochkar agam  khud ko bahut lachaar  mahsus kar raha tha...use bahut gussa aa raha tha khud ki is bebasi par...par agam har pal apane pyaar ke saath har waqt khada raha...usaka ye gum bhi wo khud lena chahata tha...nimrit ko aisi haalat me naih dekh sakta wo...

 

                              usane nimrit ke haath ko dheere se apane haatho me liya...aur dusare haath se usake  maathe par haath pherane laga...nimrit ki aankhein phir bhi band thi...koi harkat nahi thi usake body me ...

                              agam nimrit se kahane laga ,"    nimrit please aankhien kholo...dekho meri taraf..mai tumhara  agam hu ...dekho meri taraf nimrit...kuch to bolo...mai tumhe aise nahi dekh sakta...uthoo nimrit ...mere liye...hamare liye...agam ki aankhe bhar aayi...aur usaka ek aansu nimrit ke haatho par gira...

 

 

 

                              wo apani nimrit ki taraf bina palke jhapkaaye bas dekhe jaa raha tha... aur use wo din yaad aaya jab wo pahali baar ek dusare se miley the...

 

              flashback :-------:-----:-----

 

                                       

                              "aaj humara hospital me internship ka pahla din hai drashti !!!,  mai aaj bahut khush hu... aaj mera sapana pura hone jaa raha hai",  nimrt ne chahakate huye drashti se kaha.

 

                               'haan nimrit , mai bhi bahut bahut khush hu  ki hum dono ko ek hi hospital me job mila hai..." , aisa kahate hi drashti ne nimrit ko hug kar liya.

 

                                "ab chalo drashti , nahi to pahale hi din late ho jaayenge hum dono  aur wo bhi tumhari vajah se samajhi..."

 

                                "aha ha ha ..meri vajah se kaise?? tab se to tum hi apane sapano ki baatein kiye jaa rahi ho aur der ho rahi hai to saara ilzaam mujh par daal rahi ho..."

 

                              "achha baba thik hai , tum hi sahi ho bas, ab chale varana job to gayi samjho !!!", nimrit ne drashti ko chidhate huye kaha.

 

                               nahi nahi plzzz chalo"

 

                               dono taxi mai baithkar hospital aa gayi ...dono taxi ki khidaki se hospital ki gate ki taraf badi badi aanko se dekh rahi thi.

 

                               dono taxi se utar rahi thi...jaise hi nimrit taxi se utrane lagi to usaka dupatta taxi ki handle me fas gaya wo use nikalane ki koshish kar rahi thi par usase nahi ho paa raha tha...

 

                               tabhi achanak ek haath ne usake dupatte ko pakada aur aasani se use handle se chuda diya... jaise hi nimrit ne upar dekha tab tak wo ladka apani bike par aage nikal chuka tha...aur usane helmate pahana hua tha isliye nimrit usaka chehara bhi nahi dekh paayi...

 

                              par nimrit ne  apane dil me use 'thank u '  kaha aur socha ki kitna nek ladaka hai...kisi ko mushkil me dekhkar bina hichkichaye  madad bhi kar di...bahut bhala ladaka lagata  hai ye...

 

                              tabhi drashti ki awaaz nimrit ke kaano me padi aur wo apne khayalo se bahar aa gayi...

 

                             "nimrit chalo ,,,kabse kah rahi hu, late ho raha hai..."

 

                              "haan drashti chalo"

 

andar jaate hi drashti ko apani ek aur friend waha dikh gayi 

 

                  "arey drashti kaha jaa rahi ho hume jaana hai na"

 

                  "bas ek min me aa rahi hu"

 

 

nimrit akele hi  hospital ki sidhiya chadhane lagi .

 

tabhi usaka pair slip ho gaya aur wo sidhiyo se neeche girane waali hai ye sochkar usane apani aankhe band kar li ...

 

       par phir use ehsaas hua ki wo giri hi nahi ...koi haath usaki waist ko ghere huye hai jisane use girane bachaya tha...

 

          usane dheere se apani aaankhe kholi aur dekha ki ek ladaka use pakade huye hai... ek pal ke liye dono stare karate rahe par agle pal use awaaz aayi

 

                " shayad bahut achha lag raha hai tumhe meri baaho me is tarah ??? hai na??" , agam ne gusse se kaha.

 

                  nimrit khadi ho gayi aur use gusse de dekhakar kaha 

                      "kya kaha?"

 

                  "tumhe sunai kam deta hai kya?    ohh ab samjha tum kahi kaan ki patient to nahi ho na??"

 

                                     aisa kahate hi agam waha se chala gaya ...

 

                                     aur nimrit gusse me use dekhati hi rah gayi...         

 

                                 

 

        present:-----:---

 

                  

                              Tabhi  use kuch mahsus hua apane haatho me...agam apane khayaalo se bahar aa gaya...usane dekha  ki nimrit  ne apane haatho ki  ek finger ko hilaya jo usake haatho me tha...

use ek pal ke liye laga ki kahi ye sapana to nahi...

par phir ek baar nimrit ne apane haatho ki fingers ko hilaya...to agam ko pakka yakin ho gaya ki nimrit ki body me halchal ho rahi hai dheere dheere...

wo hosh me aa rahi hai... 

 ye dekhakar usaki khushi ka koi thikaana nahi raha ...

 

 

                               wo duad kar us room ke bahar gaya  aur zor zor s awaaz dene laga...TEJ...DRAHTI...jaldi aao...kaha ho tum dono ...

 

                              agam phir se awaaz dene laga, " TEJ...DRASHTI... please jaldi aao...

 

                              tabhi TEJ aur DRASHTI  waha aate hai  aur agam se puchate hai ki "kya hua AGAM ?,   sab thik to hai na/ ,, koi problem to nahi huyi?,nimrit thik hai na???? 

 

                 "sab thik hai TEJ ... wo...wo..."

 

                  "wo..wo..kya kar rahe ho , batao nakya hua hai?"

 

                   "wo NIMRIT ko hosh aa raha hai..."

 

                    "kyaaa? " , DRASHTI ne ekdum chauk ke kaha.

 

                    "haan drashti mai sach kah raha hu " , agam ne jaldi jaldi saanse lete huye kaha.

 

                     drashti , tej  aur agam daudkar room me aaye... 

                

                     nimrit abhi bhi pahale ki tarah behosh thi... 

 

                     drashti ne usaka checkup karane ke liye nimrit ka haath pakada...aur usaki puls rate check karane lagi...

   

                      "haan agam,   sach me thoda sudhar to hua hai nimrit ki stability me...

 

                       "but she is still unconscious...and unstable..."

 

                        agam nimrit ke bed par usake baaju me usaka haath pakad kar baitha tha...tabhi nimrit ne phir ek baar apana haath hilaya aur saath hi usake pairo me bhi kuch hulchul huyi... 

 

                     

                        tej aur drashti ne bhi wo hulchul is baar mahsus ki... 

 

                        nimrit apani suji huyi ,brown ,khoobsurat aankhein kholane ki koshish kar rahi thi...par usase aankhe kholi nahi jaa rahi thi... itane dino se koma me rahane ke kaaran usaki body ekdum kamjor  ho gayi thi...nimrit me apani naazuk palake tak uthane ki takat nahi thi...aankhe kholane ke liye wo ji tod koshish kar rahi thi...

 

 

                       usane dheere se apani aankhe kholi aur phir band kar li...waha faili roshani ka saamana usaki aankhe nahi kar paaa rahi thi...

 

                       agam nimrit ke haatho me haath pakad kar hi tha...

 

                       nimrit ne phir aankhe kholane ki koshish ki...usane dheere dheere apani aankhien kholi...  par  use dhundhala sa nazar aa raha tha...

 

                                              

     

 

 

 

 

 

 

 

 

 

 

                     to be continued...

 

 

 

                    umeed hai ki pasand aayega...

                    agar nahi aaya to batana...

 

wow! one more ss from u ...😊

@charu :- khushi hui tumhe achha laga. Kyu gayi koma me ye to next update me pata chal hi jaayega. Jald hi. Thanks.

very nice story archu! i got totally lost in it, could see each scene, esp. the one where agam is trying to wake her up. flashback was amazing, esp. dupatta scene :)

Originally posted by: hiri_piri

very nice story archu! i got totally lost in it, could see each scene, esp. the one where agam is trying to wake her up. flashback was amazing, esp. dupatta scene :)

thanks a lot. Mujhe thoda doubt tha ki pata nahi pasand aayega ya nahi par glad u liked it. Will continue soon

nyc update dea 😊

Hey guys here is the next part of previous...kal hi likhane waali  thi par net me kuch problem ho gaya tha but now its all right...so hope u like it...

 

 

 

 

 

                                    part---2

 

 

previous :-              nimrit ko hosh  aa raha tha aur wo apani aankhein kholane ki koshish kar rahi thi...ab aage...

 

continue :-    

 

 

                                          nimrit dheere dheere aankho ki palake uthane ki koshish kar rahi thi...ankhein thodi se kholane ke baad  kamare me faili roshani  jaise  usake  aankho  me chubh  rahi  thi...par jab  himmat  karke  usane apani  aankhe  kholi  to  use  sab  dhunndhala  sa  nazar  aa  raha  tha...jab thodi  derr  baad  use  thoda saaf dikhai  dene laga to  usane  dekha  ki  usake  saamne teen  log  khade  hai  jo  use   uthata  dekh  muskura  rahe  the... ... wo itana  kuch  samajh  nahi  paa  rahi  thi  ki  kya  ho  raha  hai  usake  saath??  wo log  jo  usake  saamne  khade  the  wo  kitana  pyaar  karate  hai  usase...abhi tak wo apani bekaboo saanso par control nahi kar paa rahi thi...aur  aankhein  khole  rakhane  ke  liye  use bahut mehnat karani  pad rahi thi...

 

 

 

                                   phir nimrit ne agam ki tarf dekha  wo se kah raha tha ki , "dekho nimrit ab tun bilcul thik ho jaaogi...kuch nahi hoga tumhe ...hum sab   tumhare  saath  hai."... nimrit usaki aankho me dekh rahi thi...ek ghahrayi ...aur  dherr saara pyaar use agam ki aankho me dikh raha tha...nimrit ki  bekaboo  saanse thodi normal ho rahi thi...wo lagatar   sirf agam ki or dekh rahi thi...                   

 

 

                                   tabhi  DRASHTI  aage aayi aur  nimrit ka  haath  pakad  kar  usaki  puls  check  karane  lagi...agam  tab bhi nimrit  ke hathoo me  hath dalakar  hi  baitha  tha ...drashti  ne agam se  nimrit ka  haath chodane ko kaha taaki wo nimrit ko medicines  aur injection  de  sake...

 

 

 

 

                                    jaise hi agam ne nimrit ka haath choda  waise hi nimrit ki saanse  phir se bekaboo  hone lagi... wo apani  saanso par control nahi kar paa rahi thi...usaki puls  bhi low ho rahi thi...

 

                                     kisi ko samajh nahi aa raha tha  ki aakhir aisa achanak  kyu ho  raha  hai... tabhi drashti ki  samajh me aaya  aur  usane agam  ko  phir  se  nimrit ke hi paas  baithane  ko  kaha  jaise wo pahale baitha tha...

 

                                     agam  ne phir se nimrit ka haath apane  haatho me le liya... tab kahi jaakar nimrit ki saanse phir se  normal  hone  lagi...jaise ki nimrit kah rahi ho agam se ki , " tum mere hi paas raho...kahi mat jaao..."

 

 

                                      tab drashti ne use  need ka  ek injection  usaki  left arm  par  lagaya... dheere dheere  neend  nimrit par haavi hone   lagi  aur  neend  use apane  aagoish me lene lagi... nimrit  bas agam ki  or dekhe jaa rahi thi...agam ne usase kaha, " nimrit ab tum dheere se so jaao  tab tak hum sab tumhare uthane ka wait karenge...hum sab yahi hai thumhare paas..."

 

                                      thodi derr me nimrit ko neend ne apane aagosh me le liya...

 

 

 

                                     nimrit ke soo jaane ke baad bhi agam wahi baitha tha apni nimrit ke paas...

 

                                     "kyu dr. agam aapako kya kabhi bhuk nahi lagati hai??"    ,   tej ne muskuraate huye agam se kaha. 

 

 

                                       agam ne koi jawaab nahi diya.

 

 

                                       "agar aisa hi haal raha to tumhare hisse ka khana hamesha ki tarah mai hi khaa lunga...phir mat kahana ki maine pucha nahi tha tujhase" ,     tej ne phir mazaakiya andaaz me agam se kaha.

 

 

                                          "mujhe bhuk nahi hai , tej"

 

 

                                           "arrey aise kaise nahi hai ...tumhe pata hai jabse nimrit ki ye haalat huyi hai ,,,,,naa to tum dhag se khaate ho aur naa hi sote ho...sirf nimrit ka khayaal rakhate ho...par kabhi socha hai ki tumhe apana khayaal rakhana kitana jaruri hai ?? aakhir tum hi to nimrit ka sahara ho..."

 

 

 

                                              "achha  thik hai,  mai khana khaaunga bas..."

 

 

                                                "ok dr. agam  to mai aapake liye khana lata hu bas abhi gaya aur abhi aaya."   ,       aisa kahate huye tej kamare se bahar chala gaya.

 

 

 

                                                 Baahar ki baarish abhi thodi derr ke liye ruk gayi thi...par agam ke andar tufaan utha hua tha nimrit ko is haalat me dekh...wo nimrit ki taraf dekh kar phir se apne khayaalo me kho gaya...kitana khoobsurat din tha wo jab hum manaali gaye tahe conference ke liye...

 

 

 

 

 

 

 

                            FLASHBACK  :----:-----:-----:----

 

 

                                "WOW !!!   MANAALI.!!!kitana mazza aayega na agam"  ,   nimrit ne chahkate huye kaha.

 

 

                                   "haan par hum waha kaam ke liye conference ke liye jaa rahe hai nimrit."

 

 

                                   "mujhe pata hai ...par waha kitana khoobsurat mausam hota hai ...chaaro taraf  barfili  unchi unchi pahado ki chotiya... har disha  me  barf    hi    barf   faili huyi...ghaatiya...snowfall...wow !!!! sochakar hi itana achha  lag raha hai to  jab hum waha jaayenge  to kitana achha  lagega  na  agam"

 

 

 

                             "haan jarur...par agar tum sirf  khayaali pulaav  pakati  rahi na yaha to hamari train  miss ho jaayegi  aur  hum hai na yahi  pe  sirf  sapane  hi  dekhate   rah  jaayenge   samjhi  dr.nimrit" , agam ne gusse se  kaha.

 

 

                              "ohh no ,sorry  wo  time  ka dhyan  hi nahi raha mujhe."

 

 

                               "ab  chalo nimrit humein  derr ho rahi hai."

 

 

 

MANAALI    pahunch  ne  ke  baad  dono ko  guest house  me  thaharna  tha...agam aur nimrit ne  apana  apana  bag  apane  apane  kamare  me  rakh  diya...lunch  karane  ke baad  dono  baazar me ghumne ke liye  nikal  padate  hai...

 

 

 

 

                               "wow  !!  kitana  khoobsurat  nazaara  hai  gaadi ke  bahar  ka  agam...  dekho  to.."

 

 

                                "mujhe nahi dekhna  tum hi dekho..."

                                 "sirf  dekhane  ke  liye  kah  rahi  hu  kuch  bhaari  kaam  nahi  bata  rahi hu tumhe" , nimrit ne  thoda  gusse  me  kaha.

 

                                 "tumhe sach me kaano me problem hai kya?? sunayi nahi diya mujhe  nahi dekhana...

 

 

                                 "to  mat  dekho mujhe kya ? " , nimrit ne  muh banate  huye  kaha. 

 

 

                                   raaste  me  waha  halka  halka  snow  fall start ho gaya.

 

 

                                 "snow  fall ...wow !! bhaiya  gaadi  roko na  please..",  nimrit ne   driver  se  kaha.

 

 

                                   gaadi   rukate  hi  nimrit  teji  se  gaadi   ke  baahar  nikali...nimrit  ne  apane  dono haath  hawa me  faila diye  aur  apani  aankhein  band kar li...aur  wo  apni haatho   par  pad  rahi  soft  white  barf  ko  mahsus kar rahi thi...jald  hi  wo  us  khoobsurat  anubhuti  me  khoo gayi...nimrit  gol gol  ghum rahi thi dheere  dheere...usake liye  to  jaise  wo  lamha  wahi  ruk gaya tha...

 

 

 

                                  agam  pahale  to  gaadi  me baitha  tha  par  nimrit  ko  u  khushi se  jhoomata  dekh  wo  bhi  gaadi  se  bahar  nikala...wo  bas  nimrit ki  taraf  dekhe  jaa raha  tha...usaki  khoobsurati  me  kho  gaya  tha  wo...nimrit ki maasumiyat,  saadagi  usake  dill me  apani  jagah  bana rahi  thi...aur  use  pata  bhi  nahi  chala...

 

 

                                 thodi  derr  baad  agam  apane khayaalo se  bahr  aa  gaya  aur  dekha   ki  nimrit  to  puri  tarah  se  gili  ho  chuki  hai ... par  nimrit  ko  is baat  ka ehsaas hi  nahi tha...wo  to bas  apane  hi  dhun  me  snow fall ka  mazza  le  rahi   thi...

 

 

 

 

                            agam  nimrit  ke  paas  gaaya...nimrit  aankhien  band karake  khadi  thi...wo  usake  aur  paas  gaya...kuch  derr use  dekhata  hi  rah  gaya... jaise  hi  nimrit  ne  apani aankhien  kholi   agam ko  itane  paas  dekhakar  usaka  balence  chala  gaya  aur phir  ek  baar  agam  ne  usaka  haath  pakd   liya  aur  use  girane  se  bachaya...dono  kuch  edrr tak  waise  hi  khade rahe...agam  ne   dhaare se  apana haath aage  badhaya  aur  nimrit ke   baal  jo  usake  gaalo  par   bhikar gaye  the  unhe  usaki  kaano  ke  peeche  kiya...                     

 

agam  nimrit  ke  aur  thoda  kareeb  aaya... usake kareeb  aate  hi nimrit  ne  apani  aankhien  band  kar  li...agam  ne  apana  haath  nimrit  ke  gaalo  par dheere  se  rakha...

 

 

                                  usake touch  karate  hi  nimrit  ki  dill ki  dhadkan  badh  gayi  aur  usaki  saanse  bhi  jor jor  se  chalane  lagi...  agam ne nimrit  ko  itane  paas  se  pahale  kabhi  nahi  dekha  tha...wo  aur  aage  badhane hi  waala  tha  ki  achanak  use  ek  awaaz  aayi..

 

 

                                  "sir  , madam !! aap puri  tarah  se  bheeg  chuke  hai...hume  ab   chalana  chihiye  varana  aap  dono ki  tabiyat  kharab  ho  jaayegi"   ,   driver ne  gaadi  ke  andar  se  dono  se  kaha..  

 

 

                                   agam aur  nimrit   usaki awaaz se  hosh  me aa gay aur  ek  dusare  se  thode  door  ho  gaye..

 

 

                                   gaadi  mai  baithane  ke  baad  dono  ek hi baat  soch  rahe  thi  ki  aakhir  wo kya  tha  jo  kuch  derr  pahale  unake  saath  hua  ...aisa  unhe  pahale   kabhi  mahsus  nahi  hua  tha...

 

 

 

 

 

 

 

 

 

 

 

 

to be continued...

 

                        pata nahi  kaisa  likha  hai  maine  ab aap  sab  hi  ye  bata sakte  hai  friends...