Pratigya

   

FF: Kriya made for each other pt18 updtd pg#72

Post Reply New Post

Page 1 of 89

Page 1
Page   of 89
Page 2 Page 89

abhiloveriya

IF-Sizzlerz

abhiloveriya

Joined: 15 February 2012

Posts: 10910

Posted: 14 June 2012 at 8:42am | IP Logged

hii all...

This is my first FF on kriya...this FF is totally different from MKAP... But u will like it... Big smile
exclusive posterTongue




Edited by abhishek_kriyaa - 28 October 2012 at 5:37am

The following 25 member(s) liked the above post:

maddy143lovelyarjarahul.vermabillawayarvinder.singhppearlJessenia...creative.bawaKhushi96aanchalarora26sanitha7ssrbaqriashGC_arjaElvira22simmi.friends03ArjaforeverDareDevil_VickYSnehal21babithajVeena.ShussainramsoMitu_piyarapiyariMuskaan92ArjaAddict

Dear Guest, Being an unregistered member you are missing out on participating in the lively discussions happening on the topic "FF: Kriya made for each other pt18 updtd pg#72" in Pratigya forum. In addition you lose out on the fun interactions with fellow members and other member exclusive features that India-Forums has to offer. Join India's most popular discussion portal on Indian Entertainment. It's FREE and registration is effortless so JOIN NOW!

abhiloveriya

IF-Sizzlerz

abhiloveriya

Joined: 15 February 2012

Posts: 10910

Posted: 14 June 2012 at 8:49am | IP Logged


Rajesh singhaniya (Head of the family) apni family ke saath baithe hue the ...ghar me chhote chhote bachchon se khushi ka mahaul tha...tabhi achanak ek door bell bajti hai... 

Anjali singhaniya(wife of rajesh singhaniya) darwaja kholti hai...saamne pandit tha..!!

Anjali-"Aieye pandit ji..ham abhi apki hi raah dekh rahe the.."

Pandit ghar ke andar enter karta he..

Rajesh-"Baithiye pandit ji..!!"

Pandit sofa par baith jata hai..

Pandit-"Aur singhaniya ji apne mujhe kaise yaad kiya..???"

Rajesh-"pandit ji wo baat ye hai ki mujhe apni beti ke liye acha ladka chahiye...aur me janta hu ki aapki nazar me bahut ache ladke hai...to agar apki nazar me meri beti ke liye koi acha ladka ho to jarur bataiye..."

Pandit -"Dekhiye singhaniya ji apki beti ke liye ladka dhundhna matlab sooraj par jane ke barabar he...mujhse ye nahi hoga..."

Rajesh-"me janta hu ki aap ye kyun keh rahe hain...par aap koi acha ladka batao to...use samjhane ki jimmedari meri hai.."

Pandit-"Thik hai singhaniya ji aap keh rahe ho to me aapko ladka batata hu..."

Pandit apni shirt se ladke ki photo nikalta hai...

Pandit -" ye dekhiye singhaniya ji...iska naam arjun hai...mumbai me rehta he aur bahut bada kapdo ka karobar hai.."

Rajesh ladke ki photo ko bahut kareeb se dekhta hai...achanak uske peeche se koi us photo ko chhin leta hai...ye aur koi nahi rajesh singhaniya ki apni hi beti thi jiske liye wo ladka dekh rahe the...

Singhaniya ki beti ne us photo ke chhote chhote tukde kar diye...

Rajesh , Anjali aur pandit shock reh gaye..
Rajesh-" ye kya kiya tumne pratigya...???

Pratigya-"Dad...mene aapse kitni baar kaha he ki mere liye ladka mat dekho..par aap hai ki adat se baaz hi nahi aate..."

Pandit-"singhaniya ji me apki beti ko janta tha esiliye me apko mana kar raha tha...ab me chalta hu ...yahan meri ab koi jarurat nahi hai.."

Rajesh-"suniye to pandit ji..."

Pandit bina kuch sune hi ghar ke bahar nikal jata hai...

Anjali-"pratigya...ye tumne sahi nahi kiya...agar tum aisa hi karti rahogi to ek din aisa ayega ki koi ladka tumse shaadi ke liye tyaar nahi hoga.."

Pratigya-"Mom, koi ladka mujhse shadi karne ke tyar hota hai ya nahi...me abhi es baare me sochkar apne dimag ka dahi karna nahi chahti...me abhi apni friend simran ke saath movie dekhne ja rahi hu to mujhe ap sirf mere car ki key aur 10,000 rupaye de dijiye..."

Rajesh-"pratigya ...tumhe 10,000 rupaye kyun chahiye??? Tum movie dekhne ja rahi ho ya shopping karne..??"

Pratigya-"dad..me ab 22 years ki ho chuki hu...apne pass 10,000 cash nahi rakhungi to meri friend kya sochengi??? Wo to yahi sochengi ki itne bade business man ki beti 200 rupaye rakhti hai...dad mujhe meri fikar nahi mujhe to apki fikar hai...apka naam kharab hoga..!!!"

Rajesh-"Bas bas jyada maska maarne ki jarurat nahi hai...deta hu paise..!!!"

Rajesh apni shirt se 10,000 rupaye nikal kar pratigya ko de deta hai..

Pratigya-" Love you dad!!! "

Rajesh-"Love you beta!!"

Anjali pratigya ko car ki key de deti hai...

Pratigya-"ok mom...nw i m going...love u..!!!"

Pratigya apni car ki key lekar ghar se bahar nikal jati he...aur pratigya ke mom dad usko pyar bhari nazaro se jate hue dekh rahe the...



Edited by abhishek_kriyaa - 21 October 2012 at 7:06am

The following 21 member(s) liked the above post:

khansumaiyya93creative.bawaJessenia...arvinder.singhrahul.vermabillawayKhushi96simmi.friends03ArjaforeverssrbaqriashGC_arjababithajBruce_Lsuk4DareDevil_VickYSnehal21Muskaan92hussainramsoMitu_piyarapiyarimeena..

abhiloveriya

IF-Sizzlerz

abhiloveriya

Joined: 15 February 2012

Posts: 10910

Posted: 14 June 2012 at 8:50am | IP Logged






White colour ki car highway par full speed me ja rahi thi...pratigya driving seat par baithi hui thi...aur simran uske pass wali seat par baithi hui thi... 

Simran-" pratigya...speed thodi si slow kar.."

Pratigya-"kyun...kya hua!!"

Simran-"abhi to kuch nahi hua lekin esi speed se tu car drive karegi to jarur kuch ho jayega..."

Pratigya-"Are yaar kuch nahi hoga...me hamesha aise hi car drive karti hu...me bahut time se driving kar rahi hu..abhi tak kuch nahi hua...aur aage bhi kuch nahi hoga...u dnt worry!!!"

Simran-"Samajhne ki koshish kar pratigya...mujhe sach me bahut dar lag raha hai agar accident ho gaya to...!!!"

Pratigya-"Dekh simmi...meri life me ab aisi kuch adatein ban chuki hai jo me ab chahkar bhi nahi badal sakti...aur un adaton me meri ek aadat ye bhi he ki me slow speed se car drive nahi kar sakti..."

Simran-"Ye kaisi adat he teri jisse khud ki jaan ko khatra ho..!!!"

Pratigya-"Life me agar adventure na ho to jeene ka maza kaisa!!!"

Simran-"pratigya beta...tu bahut hawa me udh rahi hai...kisi din to tu jameen par aakar giregi hi..."

Pratigya-"Ye din kabhi nahi aayega simmi...aur agar aisa din meri life me aana hi he to mujhe us din ka hamesha intezar rahega.."

Simran-"kya tu hamesha aise hi rahegi...kabhi apni aadatein nahi badlegi.???"


Pratigya-"me jaisi hu wesi hi rahungi..aur hamesha wese hi rehna pasand karungi...phir khud ko badalne ka sawaal hi nahi uthta..."

Simran-"shaadi ke baad bhi nahi???"

Pratigya simran ki ye baat sunkar achanak break lagakar car ek jagah rok deti hai...

Pratigya-"me jab ghar se nikli thi tab bhi ghar me meri shadi ki batein chal rahi thi...aur tune bhi yahan shadi ki baat chhed di..."

Simran-"Really!!!Tu shaadi kar rahi hai???"

Pratigya-"Shadi...my foot!! mere dad ne ek pandit ko ghar bulaya tha...keh rahe the ki meri beti ke liye koi acha ladka batao...bechara pandit kya karta usne mere dad ke saamne ladke ke photos rakh diye...par un photos ke saath jo hua use dekhkar pandit aise bhaga jaise uske peeche kisi ne jungli kutta chhod diya ho.."

Simran-"Aisa kya hua un photos ke saath..??"

Pratigya-"Mene un photos ke chhote chhote tukde kar diye..."

Simran-"Ye kya kiya tune pratigya???"

Pratigya-"Me janti hu ki mene jo kiya wo galat kiya lekin me aur kya karti...me aise hi kisi ladke se shaadi kaise kar sakti hu jise me janti nahi..pehchanti nahi.."

Simran-"Hmm..baat to teri bilkul sahi hai...chal tu ek baat bata ki tujhe kaisa ladka chahiye???"

Pratigya-"Tu dekhegi mere liye ladka.??"

Simran-"Are yaar bata na tujhe kaisa ladka chahiye...ho sakta hai ki me teri kuchh help kar du.."

Pratigya-"mujhe aisa ladka chahiye jo mujhe protect kar sake...me jaisi hu wese hi mujhe apnaye...wo intelligent ho handsome ho aur sabse badi baat wo rich ho atleast hamari barabari ka to hona hi chahiye..."

Simran-"O madam !!! Jara jameen par aao..jyada hawa me udhne ki jarurat nahi hai...itni saari qualities jo tum ek ladke me chahti ho na...aisa ladka milna mushkil hi nahi naamumkin hai..."

Pratigya-"pratigya naamumkin ko mumkin karna bahut ache se janti hai...aisa ladka mujhe jarur milega.."

Simran-"Aur na mila to??? Tu kya jindgi bhar kunwari rahegi?? Kabhi shaadi nahi karegi???"

Pratigya-"Agar meri pasand ka ladka mujhe nhi milta to me kabhi shaadi nahi karungi...lekin me ye bhi janti hu ki aisa ladka mujhe jarur milega.."

Simran-"me tere liye god se pray jarur karungi ki tujhe tere jeevan saathi se jald mila de.."

Pratigya-"Thanks simmi.."

Simran ki nazar apni wrist watch par padhti hai..
Simran-"Ab tu thanks bolna band kar...aur gadi start kar...3:20 ho gaye hai...movie start hone me sirf 40 mins reh gaye hai...aur abhi to cinema hall bhi bahut dur hai..."

Pratigya-"OMG!!!"

Pratigya jaldi se car ko start kar phir se usi speed se chal deti hai...thodi dur chalne ke baad achanak pratigya ko yaad aata hai hai ki uski car me petrol nahi hai...

Pratigya-"Oh shit!!"

Simran-"Ab kya hua..??"

Pratigya-"car me petrol nahi hai.."

Simran ki aankhein ekdam se badi ho gayi..

Simran-"Ab kya.!!!"

Pratigya-"Ab kya..ab yahi hoga ki aage petrol pump hai...wahan jakar petrol bhara lete hai..."

Simran-"To phir thik hai.."

Thodi dur chalne ke baad petrol pump aa jata hai.

Petrol pump ke andar pratigya ki car enter kar jati hai...aur uske saath hi peeche se ek bike wahan par ruki...bike par ek ladka Green colour ki shirt aur blue colour ki jeans pehna hua tha...aur chehra uska helmet se dhaka hua tha...

Pratigya car se bahar nikali...aur petrol bharane lagi...jab petrol bhar chuka tha to usne payment karne ke liye apni jeans ki pocket me haath dala...aur paise nikalkar note count karne lagi...

Wahin khade ek aadmi ki nazar pratigya ke gin rahe noto par padi...wo pratigya ke kareeb gaya aur mauka pakar usne pratigya ke haath se saare note chhin liye...aur bahut hi speed ke saath wahan se bhag gaya...

Pratigya-"Are pakdo use...mere paise lekar bhag raha hai wo..."

Wahan khada Koi bhi pratigya ki help ke liye aage nahi badha...aakhir me usi bike wala ladke ne bike action me ghumayi...aur wahan se nikal gaya...

Thodi der baad jab wahi bike wala ladka wapas aata hai to sab hairan reh jate hai...

Wo us chor ko apni bike se bandh khinchkar la raha tha...wo chor poori tarah se khoon me tha...uski poori body se khoon beh raha tha...

Bike wale ladke ne apni bike pratigya ke pass rok di...apna helmet utara...helmet ko bike handle par rakha...aur bike se utarkar chor ko kholne laga aur uski shirt ka collar pakad kar pratigya ke saamne khada kar diya...
Pratigya ki nazar us par tham si gayi thi...wo us ladke me kho gayi thi..

Ladka-"Ye raha chor aur ye rahe apke paise...aap chahe to paise gin sakti he...dekh lijiye ki paise poore hain ya nahin..."

Pratigya ne kisi tarah se apni nazar us ladke se hatayi..

Prtigya-"Ab iski koi jarurat nahi hai...Thank you!!!"

Ladka-"Its my pleasure...!!"

Itna kehkar wo ladka apni bike me petrol dalwa kar wahan se nikalne hi wala tha ki peeche se achanak pratigya ne awaaz lagayi...aur us ladke ne bike rok di...

Pratigya-"Whats ur name..??"

Ladka-"tum mera naam jankar kya karogi???"

Pratigya-"tumne meri help ki hai...mujhe to tumhara naam jaanne ka poora haq hai..."

Ladka-"KRISHNA!!"

Itna kehkar wo ladka wahan se nikal jata hai...

Pratigya ko jab pata lag jata hai ki uska naam krishna hai tabse uske jubaan par ek hi naam tha.."KRISHNA"..





Edited by abhishek_kriyaa - 21 October 2012 at 7:12am

The following 18 member(s) liked the above post:

billawayJessenia...rahul.vermaKhushi96sanitha7ssrbaqriArjaforeversimmi.friends03DareDevil_VickYsuk4Snehal21Bruce_Lmeena..Veena.ShussainramsoMitu_piyarapiyariMuskaan92

abhiloveriya

IF-Sizzlerz

abhiloveriya

Joined: 15 February 2012

Posts: 10910

Posted: 14 June 2012 at 8:51am | IP Logged



Pratigya jo krishna me khoyi hui thi aur krishna krishna keh rahi thi.. Simran bahut der se pratigya ko dekh rahi thi...

Simran car se utri aur pratigya ke pass gayi...

Simran-"Are pratigya, tu to ekdam se krishna ki deewani ho gayi...aisa kya jadoo kar diya usne..!!!"

Pratigya-"Jaadu nahi simmi...aaj to usne mujhe apni nazaro se ghayal hi kar diya..."

Simran-"Kya baat hai pratigya!!!! Tune aaj tak kisi bhi ladke ko ghaas nahi dali...aur es ladke ne us chor ko kya pakad liya tu to us ladke ki deewani hi ho gayi..."

Pratigya-"mene aaj tak kisi ladke ko ghaas esiliye nahi dali kyunki mujhe unme koi baat nazar nahi aayi...aur jo baat mujhe es ladke me nazar aayi wo dekhkar mujhe lagta hai ki shayad hi ye baat kisi aur ladke me ho..."

Simran-"Ye teri gol mol baatein na meri samajh se bahar hai...ek kaam karte hai abhi yahan se chalte hai...es baare me phir kabhi baat karenge..."

Pratigya aur simran petrol pump se bahar nikal jate hai..

Its night time...

Krishna bike se night-club pahunchta hai...wahan pehle se hi krishna ke dost uska intezar kar rahe the...krishna ke doston me 3 ladke aur 1 ladki thi.

Amrita(krishna's friend)-" kya krishna...ham tumhara 1 ghante se intezar kar rahe the...kahan the tum..??"

Krishna-"Sorry friends, i was little bit busy...bt ab me aa gaya hun na to chalo party karte hai.."

Krishna ka dost vicky krishna ke hatho ki taraf dekhta hai..krishna ke hatho par chot ke nishaan the..

Vicky-"yaar krishna...ek baat bata tu kahan busy tha...???"

Krishna-"Are yaar me ghar par tha ...aur study kar raha tha..tum to jante hi ho ki 2 din baad exams start ho rahe hai...bas exam ki tyari me busy ho gaya tha."

Vicky-"To ye tere hatho me chot ke nishaan kaise aaye.??? Studies karte waqt to kabhi chot nahi aati!!!"

Krishna-"Are ye chot to 2 din purani hai.."

Anurag(krishna's second friend)-"yaar me to tujhse aaj subah hi mila tha...tab to tera hath bilkul theek tha..."

Ajay(krishna's third friend)-" Hamein lagta hai ki hamare krishna bhai sahab koi padai nahi kar rahe the..wo kisi ki dhunai karne me busy the.."

Krishna-"ye kya bol raha hai ajay...!!! Me kyun kisi ki dhunai karne laga???"

Vicky-"Krishna..ham charon tujhe bahut saalon se jante hai...ab to ham tujhe bahut achi tarah samajh chuke hai esiliye hamare saamne tumhara ek bh jhoot chal nahi payega.."

Krishna-"Agar aisi baat hai to mujhe bahut khushi hai ki mujhe tum jaise dosto ka saath mila...aur haan ye baat to ekdam sach hai ki tum mujhe samajhte ho...mera jhooth bhi tum lagon ne bahut jaldi pakad liya..."

Amrita-"To batao na krishna...ye chot tumhe kaise aayi.??"

Krishna apne dosto ko saari baaten bata deta hai jo pratigya ke saath hui thi...aur jo chot usko lagi thi wo chor ko peetne ki wajah se lag gayi thi..

Anrita-"Acha to ye baat thi...par krishna tumhe us chor ko peetne ki kya jarurat thi wo bhi ek anjani ladki ke liye!!! Agar tumhe kuch ho jata to!!!"

Krishna-" wo ladki anjaan thi to kya me khada khada wo nazara dekhta rehta!!! Ye to koi baat nahi hui ki koi pareshani me ho aur me chupchap khade hokar tamasha dekhta rahoon.."

Amrita-"krishna...mera wo matlab nahi tha...me to ye keh rahi thi ki tum akele hi kyun...aur bhi to the na wahan par...wo bhi to us ladki ki help ke liye ja sakte the na..."

Krishna-"isi baat ka to dukh hota hai ki aajkal koi bhi kisi ki help ke liye aage nahi badhta...kisi ke saath chahe kitna bhi bura kyu na ho raha ho...public chupchap khade hokar maza leti hai..."

Amrita ko krishna ki ye baat bahut achi lagi...aur uski aankho se aansu behne lagte hai.

Amrita-"tum bilkul sahi keh rahe ho krishna..aaj koi kisi ka nahi hai...ham gairo ki kya baat karein...ab to apne bhi kisi kaam me nahi aate..!!!"

Krishna-"Hey amrita!! Why r u being so emotional??? What happend to you!!!"

Amrita-"Nothing krishna!! "

Krishna-"ok phir chalo aao sab dance karte hai..kuch masti karte hai..."

Vicky-"Ok lets party tonight!!"

Krishna aur uske friends dance floor par aa jate hai...aur sab log disco songs par jhumne lagte hai...

Sab dance floor par apni masti me poori tarah doob chuke the par wahan ek aur ladka tha jo ek ke baad ek bottle chadaye ja raha tha ...aur uski gandi nazar amrita par thi...

Usne jab apni last bottle khatam ki...wo poori tarah nashe me choor ho chuka tha...aur uske kadam amrita ki taraf badhne lage ...

Jab wo ladka dance floor par pahuncha...to usne seedhe amrita ki kamar par hath lagana shuru kar diya...

amrita bhi dance karne me busy thi use lag raha tha ki uske friends usko hath laga rahe hai...esiliye usko koi problem nahi ho rahi thi...

Achanak krishna ki nazar us ladke par padi...usne bina der kiye us ladke ko peetna shuru kar diya...

Krishna-"Teri itni himmat!!!"

Vicky bhi krishna ke saath milkar us ladke ko peetna shuru kar deta hai...

Achanak hi night-club fight-club me change ho jata hai

"Tum jante nahi ho...me kaun hoon??-wahi ladka nashe me bol raha tha

Krishna-"Kaun hai tu???

"mera naam raj singhaniya hai...rajesh singhaniya ka beta hoon main"

Krishna shocked...




Edited by abhishek_kriyaa - 21 October 2012 at 7:16am

The following 18 member(s) liked the above post:

rahul.vermaJessenia...billawaysanitha7Arjaforeversimmi.friends03DareDevil_VickYsuk4Snehal21babithajBruce_LVeena.Smeena..hussainramsoMitu_piyarapiyariMuskaan92Heart_Hacker-

abhiloveriya

IF-Sizzlerz

abhiloveriya

Joined: 15 February 2012

Posts: 10910

Posted: 14 June 2012 at 8:53am | IP Logged




Vicky-"Kyun be! tera naam Raj hai to kya tu poori duniya par raj karega??? Aur tu ye apne Baap ki dhamki kise de raha hai??"

krishna(vicky se)-" Are yaar vicky, tu bhi na...ye apne baap ki dhamki nahi de raha...ye to
hamein bata raha hai ki eska baap kitna bada kamina hai..."

Raj(nashe mein)-"Ae, jubaan sambhal kar baat kar,...mere baap ke baare me agar ek bhi lafz bola na to..."

Raj behosh hokar jameen par gir padta hai...

Amrita-"Thank you krishna!!! Aaj tumne mujhe es rakshas se bachaya hai.."

Krishna-"Are yaar isme thanks ki kya baat hai...tu meri best friend hai...best friend kabhi thanks bolte hai kya??? Aur rahi baat es rakshas ki to ye ameer baap ki bigadi hui aulad hai..."

Amrita-"tum jante ho ese???"

Krishna-"esko to me yahin jan gaya aur isne jab apne baap ka naam bataya to me samajh gaya ki ye ek kamine aadmi ki aulad hai..."

Amrita-"Tum eske father ko jante ho...??"

Krishna-"Bahut achi tarah se janta hu us kamine rajesh singhaniya ko...mere bauji eski company me job kiya karte the...sab kuch theek chal raha tha lekin ek din us rajesh singhaniya ne mere bauji par chori ka ilzam laga diya...aur mere bauji ko beijjat kar dhakka marke bahar nikal diya...mere bauji jo sar uthakar chalte the jinhone life me kabhi bhi kisi se haar nahi mani...wo ek din khud se hi haar man gaye aur es duniya se hamesha hamesha ke liye chale gaye..."

Krishna ki baat sunkar amrita ki aankho se aansu jhalak uthe.

Amrita-"Tumhare bauji ke saath bahut hi bura hua...ye nahi hona chahiye tha...lekin tumhare bauji ab nahi rahe es baat ka jikr tumne to kabhi nahi kiya.."

Krishna-"Nahi kiya kyunki me abhi bhi manta hun ki mere bauji mare nahi hai...bhale hi wo ab duniya ke liye nahi rahe ho lekin mere liye wo hamesha zinda hai..aur mere saath hai..."

Amrita-"ye to bahut achi baat hai ki tum abhi bhi apne bauji ko apne kareeb mante ho...jiske bauji uske saath ho use insaan to kya bhagwan bhi nahi hara sakta.

Vicky bahut der se krishna aur amrita ki emotional baten sun raha tha...use bhi rona aa raha tha lekin usne socha ki mahaul ko thoda masti bhara kiya jaye...

Vicky-" krishna, eska to yahin kaam ho gaya...me to soch raha tha ki aaj mere hatho ki exercise ho jayegi...lekin iski to tubelight jalne se pehle hi fuse ho gayi"

Krishna-"Vicky beta, tujhe apni hatho ki exercise karne ke bahut se mauke milenge...abhi wo sab chhod ..abhi tu bas ek kaam kar ...es raj ko utha aur mere saath chal..."

Amrita aur vicky ek saath bole-"Kahan...???"

Krishna-"SINGHANIYA MANSION"

Vicky-"Krishna, ye tu kya keh raha he??? Isne amrita ke saath itni gandi harkat ki...aur to aur hamne ache tarah se esko prasad bhi nahi diya...aur tu ese ghar chhodne ki baat kar raha hai..."

Amrita-"krishna, ye vicky sahi keh raha he ...kya jarurat hai esko ghar chhodne ki...yahi pade rehne do na esko.."

Krishna-"Dekho..abhi tumhe kuch batane ka waqt nahi he mere pass...jaisa me kehta hu waisa karo...aage tumhe khud pata lag jayega ki me aisa kyun kar raha hu..."

Vicky-"Ab Raja ka hukum hai to bajana to padega hi..."

Krishna-"Haan ye hui na ache bachho wali baat!! Aur anurag ajay tum amrita ko uske ghar chhod dena..."

Vicky behosh raj ko uthakar krishna ke saath night -club se bahar nikal aata hai


Singhaniya house



Pratigya apne room me krishna ke sapne dekh rahi thi...aur phir aaine(mirror) ke saamne khadi hokar khud ko niharne lagi... 

Pratigya-"Pratigya ,tujhe jis ladke ki talaash thi...wo aaj tujhe krishna ke roop me mil gaya...ese apne se kabhi dur mat jane dena...kyunki agar krishna tujhse dur chala gaya...tu phir kabhi esko paa nahi sakegi...esiliye dekh kya rahi hai...wo jahan kabhi bhi he use dhundh aur use apne dil ki baat bata de..."

Achanak ek door bell bajti hai aur pratigya ka dhyan aaine se hat jata hai.

Pratigya(herself)-"abhi raat ke 12 baje kaun aa sakta hai!!!!!...Oh! Ab samajhi Wo raj ka bachcha hoga ..abhi batati hun use ...ye uska ghar ane ka koi time hai!!!!"

Pratigya darwaja kholti hai...samne vicky tha aur uske kandhe par behosh Raj...!!!!!

Raj ko Vicky ke kandhe par behoshi ki haalat me dekhkar pratigya ghabra jati hai aur chikhne lagti hai...

Pratigya-"Raj!!! Ye kya hua tumhe Raj???

Thodi der baad rajesh aur anjali bhi aa jate hai...aur wo bhi raj ko behosh dekhkar ghabra jate hai..

Anjali(Vicky se)-"Tum kaun ho??? Aur raj ko ye kya ho gaya???"

Vicky-"kuch nahi hua aunty!!! Raj bas behosh ho gaya hai..."

Rajesh-"Par kaise??? Kaise behosh hua ye???"

"Ham batate hai..."
Peeche se krishna style me nikalkar aata hai...

Krishna ko dekh pratigya ke chehre se ghabrahat mano furr ho gayi...uska chehra achanak red red ho gaya aur khushi ke maare uske per jameen par nahi tik rahe the..

Pratigya krishna ko bas dekhe ja rahi thi...




Edited by abhishek_kriyaa - 21 October 2012 at 7:19am

The following 15 member(s) liked the above post:

rahul.vermasanitha7Arjaforeversimmi.friends03DareDevil_VickYsuk4Snehal21babithajBruce_LVeena.Smeena..hussainramsoMitu_piyarapiyariMuskaan92

abhiloveriya

IF-Sizzlerz

abhiloveriya

Joined: 15 February 2012

Posts: 10910

Posted: 14 June 2012 at 8:54am | IP Logged


krishna singhaniya mansion me apna pehla kadam rakhta hai...

Krishna-"Vicky, Raj ko uske room tak chhod kar aa.."

Vicky-"Aunty..Raj ka room kahan hai..???"

Rajesh-"ese room me le jane ki koi jarurat nahi hai...ese yahin hall me sofe par lita do..."

Vicky raj ko sofe par lita deta hai...

Krishna-"Aap sab log ye janna chahte hai ki raj es halat me kaise hai??? To eska jawab ham apko dete hai...Raj khud ki galat aadaton ki wajah se es halat me hai...ye night club me sharab par sharab piye ja raha tha...esne itni sharab pi rakhi thi ki chalna to dur thik se khada bhi nahi ho pa raha tha...aur jyada nashe me hone ki wajah se behosh ho gaya ...ham dono bhi wahin the...esko hamne behoshi ki halat me dekha to hamse raha nahi gaya...aur esko ham yahan le aaye.."

Rajesh(anjali se)-"Dekho...ye hai tumhare bete ki asliyat...bahut sar par chada rakha hai tumne raj ko...ab jhelo ese...bekaar me hi mene apni neend kharab ki..."

Rajesh wahan se apne room me chala jata hai...

Anjali-"Beta...tum nahi jante tumne aaj raj ko ghar sahi salamat pahunchakar ham par kitna ehsaan kiya hai..."

Krishna-"Mummy ji ap ye kya keh rahi hai...esme ehsaan ki kya baat hai...agar raj ke alawa koi aur bhi hota to bhi ham uski help karte...agar ham insaan dusre insaaan ki help nahi karenge to aur kaun karega..!!!"

Anjali-"Beta tum raj ko pehle se jante the???"

Krishna-"Nahi..."

Anjali-"To beta phir tumko yahan ka address kaise mila???"

Krishna-"Raj ke wallet me yahan ka address likha tha to ham yahan aa gaye.."

Pratigya pehle hi krishna ke pyaar me pad chuki thi aur abhi Krishna ke jubaan se usne jo lafz sune usse pratigya ke dil me krishna poori tarah ghar kar chuka tha aur usne man hi man soch liya ki krishna ko ab kisi bhi tarah se pana hai...

Pratigya-"Mom ye sahi keh rahe hai...ye har kisi ki help karte hai..."

krishna pratigya ko singhaniya mansion me dekhkar shock reh jata hai.

Anjali-"Pratigya tum inhe jaanti ho???"

Pratigya-"Bahut achi tarah se janti hu mom inko main...inhe to me kabhi bhi nahi bhul sakti hu...kyunki inhone kaam hi esa kuch kiya hai..."

Anjali-"abhi kya paheli bujha rahi hai...mujhe to kuch samajh nahi aa raha hai...saaf saaf bata na...tu inko kaise janti hai.."

Pratigya-"inhone aapki beti ki bhi help ki he..."

Anjali-"Kaisi help?? Tujhe kya hua tha??"

Pratigya-"petrol pump par jab me car mein petrol dalwa rahi thi..aur mene uske payment ke liye apni pocket se paise nikale tabhi ek chor mere paise chhinkar bhag raha tha...wahan kisi ne bhi us chor ka peecha nahi kiya ...lekin inhone meri help karne ke liye apne kadam aage badhaye..aur us chor ka peecha kiya...aur yahi nahi..inhone chor ko wapas mere saamne khada kar diya...sach me mom...ye bahut hi ache insaan hai..."

Anjali ko samajh nahi aa raha tha ki krishna se wo kya kahe aur uska kaise shukriya ada kare..

Anjali-"Beta tumhara naam kya hai...??"

Krishna(himself) -"ye maa beti ko mera naam janne me bahut interest hai.."

Krishna-"Mummy ji mera naam krishna hai.."

Anjali-" Krishna!!! Bahut acha naam hai tumhara...tum sach me hamare liye krishna bhagwan bankar aye ho..."

Krishna-"mummy ji ab ap hame chane ke jhaad par chada rahi hai...ham insaan hai...insaan hi bana rehna chahte hai...bhagwaan banne ki hamari koi khas khwahish nahi hai.."

Pratigya-" Lekin aap mere liye to hamesha bhagwaan hi rahoge..."

Krishna-" ok..ab me chalta hu bahut der ho gayi..."

Anjali-"thik hai beta...sambhal kar jana.."

pratigya(herself)-"pratigya...krishna ja raha hai...tu apni dil ki baat bataye bina use kaise jane de rahi hai...rok use.."

Krishna aur vicky singhaniya mansion se bahaar nikle hi the ki achanak tez baarish shuru ho gayi ...

krishna-" are ye kya!!!! ye to bahut tez baarish hai...es baarish me ham kaise jayenge??"

vicky-" krishna ek kaam karte hai jab tak baarish band nahi hoti tab tak singhaniya mansion me hi jakar rukte hai."

Krishna-" thik hai phir...wese bhi hame koi dusra rasta nazar nahi aa raha.."

pratigya wahin hall me aankh band kar khadi hui thi...aur jab usne aankh kholi to usne apne saamne krishna ko khada hua paya...

pratigya-" Tum to chale gaye the na phir...??"

krishna-" wo achanak baarish shuru ho gayi to ja hi nahi paye...esiliye yahan lautkar aa gaye..."

pratigya man hi man god ko thanks keh rahi thi...

pratigya-" baahar baarish ho rahi hai aur me yahan...mujhe to baahar hona chahiye..."

krishna-" Kya matlab tumhara..?? tum baarish me bhigna chahti ho..??"

pratigya-" U know what I love rain...me to baarish me bhigne ja rahi hu...tum bhi aao na ham saath me bhigte hai.."

krishna-" mujhe baarish me bhigne ka koi shauk nahi hai to agar tumhe jana hai to tum ja sakti ho..."

pratigya-" tum aaoge kaise nahi...tumko to ana hi padega.."

pratigya krishna ka hath pakadkar use baahar le jati hai...aur vicky wahi hall me khade unhe jate hue dekhta reh jata hai

krishna aur pratigya dono baarish me bhig rahe the...

pratigya-" krishna me tumse kuch kehna chahti hun..."

krishna-" Kya kehna chahti ho..bolo.."

pratigya-" krishna jabse tumhe dekha hai ..na jane mujhe kya ho gaya hai...raat ko neend nahi ati...har pal bas tumhara hi khyal man me rehta hai...har jagah mujhe tum hi tum nazar ate ho...me nahi janti ki ye sab mere saath kyun ho raha hai ...par me ye jarur janti hu ki me tumse pyar karne lagi hu...aur tumse shaadi karna chahti hun.."

krishna pratigya ki baat ko sunkar soch me pad jata hai..

pratigya-" me nahi janti ki tum bhi mujhse pyar karte ho ya nahi...lekin maine tumse apne dil ki baat keh di...kyunki agar me tumhe apne dil ki baat na kehti to mujhe hamesha khud par gussa ata ki tum mere itne kareeb the aur me tumse apne dil ki baat nahi keh payi..."

"kya soch rahe ho krishna...batao na tum bhi mujhse pyar karte ho ya nahin..??"

krishna-" me ye soch raha tha ki jo baat tumne ladki hokar itni aasani se keh di...wo baat me kyun nahi keh paya...wese sach baat to ye hai ki mene jab tumko pehli paar dekha tha us din se hi me tumse pyaar karne laga tha...lekin mujhe nahi pata tha ki tum mujhe yahan milogi aur mujhse khud apne dil ki baat kahogi"

krishna aur pratigya ek dusre ki aankho me kho jate hai...

pratigya-"krishna i love u very much..!!"

krishna-" i love u too pratigya!!!"

krishna aur pratigya ek dusre se pyar ka izhar karne ke baad ek dusre se lipat jate hai...

pratigya-" vaada karo ki tum mujhe kabhi bhi apne se dur nahi karoge..."

krishna-" mera vaada hai tumse ki me tumhe apne se kabhi bhi dur nahi karunga.."

pratigya-"thik hai phir ..me apne dad se tumse apni shaadi ke baare me baat karti hu.."

krishna-"thik hai pratigya..tum aaram se baat kar lena.."


rajesh aur anjali krishna pratigya ko sath bahon me jhulte hue dur se dekh rahe the aur wo ye dekhkar shock reh jate hai..




Edited by abhishek_kriyaa - 21 October 2012 at 7:22am

The following 15 member(s) liked the above post:

rahul.vermabillawaysanitha7duakhan.Arjaforeversimmi.friends03ssrbaqribabithajBruce_Lmeena..Veena.SMuskaan92piyarapiyariMitu_hussainramso

abhiloveriya

IF-Sizzlerz

abhiloveriya

Joined: 15 February 2012

Posts: 10910

Posted: 14 June 2012 at 9:40am | IP Logged
..

Edited by abhishek_kriyaa - 01 October 2012 at 3:15am

The following 15 member(s) liked the above post:

rahul.vermabillawaysanitha7ssrbaqriArjaforeversimmi.friends03suk4babithajBruce_Lmeena..Veena.ShussainramsoMitu_piyarapiyariMuskaan92

Veena.S

IF-Sizzlerz

Veena.S

Joined: 27 August 2010

Posts: 13936

Posted: 14 June 2012 at 10:04am | IP Logged
Congratz Mr.Rockerz...Party
Lovely introduction...Thumbs Up

The following 2 member(s) liked the above post:

piyarapiyariabhiloveriya

Post Reply New Post

Go to top

Related Topics

  Topics Topic Starter Replies Views Last Post
Pratigya defends Samar, offends Sajjan!(Updtd)

2 3 4

....Poojie.... 26 1428 09 December 2011 at 4:25am
By Eden_luvsKriya
Only 5 mins for kriya/KRIYA TRAIN YT link

2 3 4

Heart_Hacker- 28 1829 24 September 2011 at 3:15pm
By Snigdha_Khanam
Sana Tweeted a Pic of d function[updtd Pg.2]

2 3

babithaj 19 1160 29 August 2011 at 11:39am
By Staar
kya kriya kriya kriya lagakey rakhs hai shon703 5 762 18 March 2011 at 3:42am
By amrapali_dubey
Vote Kriya & Pratigya (Kriya) TvSerier 1 553 21 September 2010 at 7:29am
By lilindiangurl13

Forum Quick Jump

Forum Category

Active Forums

Limit search to this Forum only.

 

 

Disclaimer: All Logos and Pictures of various Channels, Shows, Artistes, Media Houses, Companies, Brands etc. belong to their respective owners, and are used to merely visually identify the Channels, Shows, Companies, Brands, etc. to the viewer. Incase of any issue please contact the webmaster.