CID
CID

India-Forums

   

puja's story centre- NO. 10 & Index page 1 16 jan (Page 13)

poojaluvnbt IF-Stunnerz
poojaluvnbt
poojaluvnbt

Joined: 16 June 2009
Posts: 40078

Posted: 06 January 2012 at 11:22am | IP Logged
Originally posted by sunnyp1414

Happy New Year

Nice to hear from you Big smile . No one here hates you. Wait for few more months but I am happy to hear from you.



Thank u dear.
poojaluvnbt IF-Stunnerz
poojaluvnbt
poojaluvnbt

Joined: 16 June 2009
Posts: 40078

Posted: 06 January 2012 at 11:24am | IP Logged
Originally posted by AmanDeep24

happy new year pooja dii
m happy on seeing ur post
waiting for completion of story
take care
thank u dear.
poojaluvnbt IF-Stunnerz
poojaluvnbt
poojaluvnbt

Joined: 16 June 2009
Posts: 40078

Posted: 06 January 2012 at 11:26am | IP Logged
Originally posted by NandiniPS

Happy New Year

No one is hating you dear!
Thanks dear.
poojaluvnbt IF-Stunnerz
poojaluvnbt
poojaluvnbt

Joined: 16 June 2009
Posts: 40078

Posted: 13 January 2012 at 1:46am | IP Logged
CHEHRA

SEEN – 1

 

          (kahani ki shuruwat me CID beuro me ABHI, FREDI, TASHA or VIVEK sab baithe hai. Tabhi DAYA aata hai. Wo bahut gusse me hai. DAYA ko gusse me aata hua dekh sabko bahut ajeeb lagta hai. ABHI, DAYA ke paas jaata hai.)

ABHI – kya baat hai DAYA tum itne gusse me kyun dikhayee de rahe ho?

DAYA – gusse wali baat hi hai. wo aisa kar kaise sakta hai?

ABHI – kaun kaisa nahi kar sakta hai? DAYA baat kya hai pehle ye to batao.

DAYA – ye dekho. Ye order mujhe aaj subah mila hai.

ABHI- order... kaisa order? Dikhao to.

          (ABHI DAYA se order lekar dekhta hai. order dekh kar wo bhi hairan reh jaata hai.)

ABHI – ye ... sab kya hai? DAYA ye sab... achanak mujhe to kuch bhi samajh me nahi aa rha hai.

DAYA – lekin mujhe sab kuch samajh me aa raha hai ye sab kuch us RS (Ranveer Shah) ka kiya hua hai.

VIVEK – sir aakhir kya kia hai us RS ne. hume bhi to bataiye.

ABHI – tum khud hi dekh lo.

          (VIVEK ABHI ke haanth se order lekar dekhta hai. phir wo order TASHA or FREDI bhi dekhte hai. sab order dekh kar chauk jaate hai.)

FREDI – ye kya DAYA sir ka transfer order.

ABHI – haan FREDI DAYA ka transfer order. DAYA ka transfer Lakhnow CID me kar diya gaya hai.

VIVEK – lekin aise achanak kaise?

TASHA – haan DAYA sir ne na to transfer ki koi application di thi or na hi isase pehle aisi koi baat huyee thi phir aise achank ye transfer order.

DAYA – ye baat to RS hi batayega.

          (DAYA or ABHI or baki sab RS ke cabin me jaate hai. RS, JAY ke saath kuch baatein kar raha hai.)

DAYA – ye sab kya hai Mr. RS? Ye order...?

RS – oh to aapko order mil gaya. main aapse is baare me baat karne wala hi tha. Accha hua aap ko khud hi pata chal gaya.

ABHI – lekin is order ka kya matlab hai?

RS – matlab saaf hai ki DAYA ka transfer kar diya gaya hai.

ABHI – per wo bahut kabil officer hai.

RS – wahi to Inspector DAYA ek bahut kabil officer hai. kum to aap bhi nahi hai Inspector ABHI lekin problem ye hai ki aap dono kabil officers agar Mumbai CID me hi rahenge to ye sahi nahi hai na... isliye Inspector DAYA ka transfer  Lukhnow CID me kar diya gaya hai.

DAYA – aapko kya lgta hai aap jo kahenge wahi hoga jab maine apne transfer ki koi application di hi nahi to aap mera transfer kaise kar sakte hai.

JAY – DAYA sir aap RS sir se baat kar rahe hai.

ABHI – haa to... hum tumhare RS sir se darte hai kya?

JAY – lekin ye humare ACP hai.

ABHI – agar ACP hai to jo chahe karenge.

(tabhi piche se ek aawaz aati hai "DAYA, ABHI ye kaisa shor ho raha hai beuro me." Sab piche murkar dekhte hai. sab ke muh se ek saath niklta hai "ACP SIR" sab chauk kar dekhte hai. ABHI, DAYA baki sab bhi ACP sir ke paas jaate hai.)

DAYA – sir aap... aap wapus aa gaye.

ACP – waapus aa gaya matlab...

ABHI – matlab sir... aap itne dino baad hume to lga tha ki aap...

ACP – itne dino baad... tum logo ka dimag kharab ho gaya hai or ye kaun hai... mere cabin me kya kar raha hai.

RS – main ACP Ranveer Sah, or main yaha ka new ACP hoo.

ACP – kya? Kiske order se aap yaha ke new ACP hai.

RS – ye order uper se aaye hai or aap itne dino tak the kaha?

ACP – main do teen dino ke liye kahi chala kya gaya tum logo ne to mere office ka pura huliya hi badal diya hai.

ABHI – per sir aap itne dino tak the kaha.

ACP – main ... gadi ka accident hone ke baad main behosh ho gaya tha or uske baad 2 dino baad mujhe jab hosh aaya tab main hospital me tha.

DAYA – or uske baad...

ACP – uske baad kya? Uske baad main yaha hoo tum sab ke saamne.

FREDI – lekin sir aap to pichle kayee dino se nahi aaye.

ABHI – or haan jis accident ki aap baat kar rahe hai, wo to ek mahine pehle hua tha.

ACP – ek mahine pehle...

DAYA – haan sir... aap pichle ek mahine se kahan the?

ACP – main... pichle ek mahine se...

RS – ye kya batayenge. Ye agar ACP honge tab na ye to koi behroopiya hai, jo ACP ki shakal ka fayda utha kar CID me koi mission pura karne aaya hai.

ABHI – RS... aap ye kya keh rahe hai? aap aise humare ACP sir per koi ilzaam nahi laga sakte.

RS – agar ye ACP hai to pucho isase ki ye pichle 1 mahine se kaha the?

DAYA – aap inhe bolne ka mauka to dijiye aapko ilzam lgane se fursat hogi tab na. Bataiye ACP sir aap pichle ek mahine se kahan the.

ACP – lekin ABHI mujhe bilkul yaad nahi hai ki main pichle ek mahine se tha kahan. mujhe to ye bhi pata nahi tha ki mere accident ko 1 mahine ho gaye hai.

RS – haan haan banao bahane………. Or bahane banao. Hume kya bewkoof samajh rakha hai jo hum tumhari baat maanenge. Tum sab meri baat maano ye ACP nahi hai ye koi behroopiya hai jiski shkal ya to ACP sir se milti hai ya phir  ye ACP ke shkal ki plastic sergury krwakar aaya hai. Or ab CID me ghuskar humare desh ko nuksaan pahuchana chah rha hai.

ABHI – lekin aisa kaise ho skta hai. Hume pura yakeen hai ki ye humare ACP sir hi hai.

DAYA – haan aap chahe kuch bhi kahe per hume pura yakeen hai ki ye humare ACP sir hi hai.

RS – Daya ABHI tum log apne emotions me sachaai se door bhag rahe ho.

ACP – ye aap kya keh rahe hai main hi ACP PRADYUMAN hoo.

RS – band karo apni bkwas. DAYA, ABHI meri baat dhyan se suno. Tum logo ke saamne ACP ki gari ka accident hua tha. Or unki gari sidhe khayee me gir gayee thi. Fir tum logo ne bahut dhoondha per unki laash nahi mili. Ye aadmi usi baat ka fayda utha rha hai. Kyunki hume ACP ki laash nahi mili hai isliye ye ACP banker aaya hai. ye zaroor koi behroopiya hai jo CID me guskar koi important information nikalna chahta hai.

ACP – lekin DAYA main such raha hoo main hi ACP hoo. ACP PRATYADUNMAN.

RS – nahi DAYA iski baat mat sunana. Agar abhi humne iski baat maan li or ise CID me aane diya to ho sakta hai kal ko ye koi important information aatakwadiyo ko de de jisase baad me bahut nuksaan ho sakta hai. ABHI, DAYA agar tum logo ne iski baat maan li or agar such me ye ACP nahi nikala to kal ko agar kuch bhi galat hua to uske zimmedar sirf tum log hoge sirf tum log.

DAYA – lekin RS...

ABHI – ek minut DAYA idhar aana mujhe tumse kuch baat karni hai.

          (DAYA, ABHI ke saath ek kone me jata hai.)

DAYA – kya baat hai ABHI?

ABHI – dekho DAYA ye RS keh to sahi rha hai. hum kaise maan le ki ye humare ACP sir hi hai.

DAYA – ABHI tum humare ACP sir per shaque kar rahe ho.

ABHI – nahi DAYA main to sirf intna keh raha hoo ki hum aise kaise maan le ki ye humare ACP sir hai. accident ke 1 mahine baad aane ke baad bhi ye humse baar baar keh rahe hai ki 2 din hi huye hai. inhe ye pta nahi ki ye pichle ek mahine se kha the. Ho sakta hai ye sachmuch koi behroopiya ho.

DAYA – per ABHI…..

ABHI – DAYA yaad karo jab Rocky meri shakal lekar CID me ghus gaya tha to kya kisi ko bhi shaque hua tha. Nahi na. waise hi agar aaj hum inhe ACP maan le or kal ko ye ACP na nikle to kya hoga. Kya karenge hum. Ye puri CID or desh ka swal hai DAYA.

DAYA – baat to tumhari thik hai. per ab hum krenge kya?

ABHI – wahi jo humesha karte hai apradhiyo ki pehchan karne ke liye.

DAYA – to kya ab hum apne ACP sir ko apradhiyo ki tarah shaque ke katghare me khra karenge.

ABHI – bura to mujhe bhi lag rha hai DAYA per is RS ki zuban band karne ka koi or tareeka nahi hai.

DAYA – thik hai jaisa tum thik samjho.

          (DAYA or ABHI dono sabke paas aate hai.)

RS – to kya socha tum logo ne.

DAYA – humne socha hai ki shayad aap thik keh rahe hai.

Jay – RS sir to humesha hi sahi kehte hai.

DAYA – humne faisla kiya hai ki ye ACP sir hai ya nahi is baat ka faisla krne ke liye hum inke kuch test karwayenge.

FREDI – kaise test sir?

ABHI – FREDI finger print test, blood test.

VIVEK – per sir ye to hum apradhiyo ke liye istemal karte hai  na to phir ACP sir ke liye kaise?

ACP – rehne do FREDI. DAYA or ABHI dono ek CID officer ka ferz nibha rahe hai. ek CID officer ko sabse pehle apne ferz ke bare me sochna chahiye. Maine humesha yahi sikhaya hai tum logo ko. Or mujhe garv hai ki tum log is baat ko samjh gaye ho.

RS – bhashan band karo. Tumhe kya lgta hai ki ye bare bare bhashan dene se tum ACP ho ye hum maan lenge. Nahi. Tumhari kismet ka faisla ab forensic test hi karenge.

ACP – to kra lo test. Main kisi se nahi darta. Kyunki main saccha hoo. Or jo sacche hote hai unki aankho me daar nahi hota.

RS – to thik hai. le chalo ise forensic lab.

 

********

 

SEEN – 2

 

          (forensic lab me Dr. SALUNKHE, ACP ka blood ka sample le rahe hai.)

SALU – kbhi socha bhi nahi tha yaar ki jis lab me apradhiyo ki pehchan karne ke liye test kiya krta tha usi lab me ek din teri pehchan karni paregi.

ACP – tu apna kaam kar SALU. Mujhe meri sacchai pta hai. or kuch der me bakiyo ko bhi pta chal jayegi.

SALU – Tarika is sample ko ACP ke blood sample se match karke dekho.

Tarika – nahi sir. Mujhse nahi hoga aap khud hi dekh lijiye.

          (SALU, Blood samples match karke dekhta hai.)

SALU – Mubarak ho boss blood group match ho gaya.

          (sab kush ho jaate hai.)

FREDI – dekha sir maine kha tha na ki ye humare ACP sir hi hai.

RS – abhi itni zaldi kya hai FREDI. Abhi to or test bache hai. pehle finger print test to ho jaane do.

ABHI – thik hai aapki tasalli ke liye ye bhi krwa lete hai.

DAYA – SALU saheb kijiye finger print test.

          (SALU, ACP ke finger print ka sample leta hai. or use ACP ke record me rakhe finger print ke sample se match krke dekhta hai. per SALU ke chehre per pareshani aa jati hai.)

DAYA – kya hua DR. SALU?

SALU – main ek baar or check karta hoo.

ABHI – per Dr. SALU hua kya?

SALU – Yaar DAYA finger print match nahi ho rahe hai.

DAYA, ABHI,- kya?

SALU – haa…..

VIVEK – dr. SALU kahi aapse koi galti to nahi hui na. aap ek baar fir se check kijiye.

SALU – maine 3 baar check kiya hai VIVEK per finger print match nahi kar rahe.

RS – ab to tum logo ko yakeen ho gaya ki ye ACP nahi koi behropiya hai. maine to pehle hi kha tha. Per tum log to meri baat sunte hi nahi.

ACP – per yaar SALU ye kaise ho skta hai. mere finger perints kaise nahi match ho rahe? Jabki main hi ACP hoo.

RS – nahi. Tum ACP nahi ho. Tum koi behroopiye ho. Jo CID me ghusne ki kosis kar rahe the.

ACP – nahi. Ye such nahi hai. main hi ACP hoo. DAYA, ABHI meri baat maano main hi tumhara ACP hoo.

DAYA – per finger print to kuch or hi keh rahe hai.

RS – stop it. Bhut hua tumhar natak. Dr. SALU ab iske finger print ko humare criminal record se match karke dekhiye.

SALU – per kyun?

RS – simple si baat hai. agar ye ACP nahi hai to kaun hai. ye pta karne ke liye.

          (SALU, ACP sir ke finger prints criminal records se match karke dekhta hai. or ek baar fir uske chehre per hairani dikhti hai.)

SALU – ye to………… ye to…….

ABHI – kya hua SALU sir?

SALU – ABHI iske finger ptints to ………..

VIVEK – DR. SALU please btaiye na kya hua?

SALU – iske finger prints to Salim Ahemad se milte hai.

DAYA – Salim Ahemad wo jo international terrorist hai.

SALU – haa wahi…………

ABHI – nahi aisa nahi ho sakta mujhe dekhne dijiye.

          (ABHI akar report dekhta hai or hairan reh jata hai.)

RS – tum log bhi na….. kitne emotional ho. Are maine bar bar kha ki ye ACP nahi hai per tum log meri baat mano tab na. ab agar ye humari CID me ghus jata to pta nahi kya krta?

ACP – main hi ACP hoo. Mera yakeen karo. Main hi tumhara ACP hoo.

RS – fir tumhare finger prints kyun nahi match ho rahe. Or match huye bhi to kisase terrorist SA (Salim ahemad) se. such to ye hai ki tum SA hi ho. Tumne ACP ke chehre ki plastic surgery karwai. Or socha ki tum asani se CID me dakhil ho jaoge. Tumhe lga hoga ki ye log tumhe asani se apna ACP man lenge kyunki ye log to emotional fools hai. per tumhe pta nahi tha ki yaha main aa chukka hoo. Jo ab is team ki is kmzori ko puri trah se khtam kar dega.

ACP – kya bakwas kar rahe ho. Meri team kamzor nahi hai. bahut mazboot hai wo. Itni majboot ki waqt parne per apno per goli chlane se bhi piche nahi hatati.

RS – bakwas to tum kar rahe ho. Ab tumhara natak khtam ho chuka hai.

ACP – ABHI tum log keh rahe the na ki main pichle ek mahine se gayab tha ho sakta hai jin logo ne mujhe kidnap karke rkha tha un logo ne finger print science ki madad se mere finger prints badal diye ho.

RS – hone ko to bahut kuch ho skta hai. per hua nahi. Kyunki tumhara samna is baar RS se hai. tumhara raaz khul chukka hai. taiyari to tumne acchi ki thi per thori si chuk ho gayi.

Salu – EK minut. Aap log chup ho jaiye. ACP sahi keh rha hai. ek mahine ka waqt kafi hai finger prints badlne ke liye.

ABHI – to ab kya kare SALU saheb?

SALU – ABHI agar kahi se ACP ke DNA ka namuna mil jaye to fir DNA report se sabit ho jayega ki ye ACP hai ya nahi.

DAYA – DNA sample ACP sir ke ghar se mil jayenge.

VIVEK – to sir der kyun kare hum abhi chlate hai or DNA sample lekar ate hai.

RS – haa per tab tak ise hirast me rakho. Kyunki iska koi bharosa nahi ye bhag gya to.

ABHI – per……..

DAYA – ABHI …….. abhi rhne do. Abhi kuch bhi khehna thik nahi hoga. Hum ACP sir ke ghar chalet hai waha se DNA sample lekar aate hai.

 

SEEN – 3

 

          (saare log DNA sample lekar aate hai. SALU DNA sample match karke dekhta hai. per wo bhi match nahi hota)

SALU – ye DNA sample bhi match nahi ho rha.

ABHI – per SALU sir ye to match hona chahiye tha.

RS – tum log bekar me hi preshan ho rahe ho. Finger prints report all ready ye clear kar chuki hai ki ye insan ACP nahi balki SA hai. mujhe samjh me nahi aata ki tum log ye maan kyun nahi lete.

DAYA – aapke liye ye kehna aasan hoga per humare liye ye maanana bahut muskil hai.

RS – main jaanta hoo DAYA ki ye sacchai karvi per tum dekho na saaf saaf pta chlta hai ki is aadmi ne ACP ke chehre ki plastic sugery karwai fir yha chala aaya. Or mujhe lgta hai ki isi ne wo sazish bhi ki thi jisme ACP ki jaan gayi.

ABHI – kya?

RS – haa wran ACP ke accident ke 1 mahine baad iske yha aane ka mtlb kya hai. ho sakta hai isi ne ACP ko mara ho.

SALU – dil to mera bhi nahi maan raha per mujhe lgta hai ki RS sahi keh rha hai.

DAYA – mujhe bhi yahi lag rha hai ki hum kuch jyada hi emotional ho rahe hai or ye SA isi ka fayda uthana chahta hai.

ABHI – agar tum sab such keh rahe ho or isi ne ACP sir ko mara hai to main ise nahi chorunga DAYA.

ACP – ABHI ye kya ho gaya hai tum logo ko tum log meri baat kyun nahi sun rahe main hi ACP hoo tum logo ka ACP. Mer chehre ki koi plastic surgery nahi hui hai. SALU tu ye to bata sakta hai na ki mere chehre ki plastic surgery hui hai ya nahi.

SALU – haa. Main abhi ek chota sa test kare ye bata sakta hoo ki tumhare chehre ki plastic surgery hui hai ya nahi.

          (SALU, ACP ke chehre per kuch test karta hai. or kuch der baad report deta hai.)

ABHI – report me kya hai Dr. SALU.

SALU – wahi jis baat ka daar tha.

VIVEK – matlab.

SALU – matlab ye ki boss iske chehre ki plastic surgery ki gayi hai.

ACP –kya? Are yaar SALU tu ye kya keh rha hai. jab maine apne chehre ki plastic surgery karai hi nahi to fir ye report kaise aa gayi.

SALU – main to wahi keh rha hoo jo report keh rahi hai.

ACP – per ye report galat hai.

DAYA – chup karo. Or jhooth bolna band karo. Tumhara jhooth pkara gaya hai. ab hum tumhare dhokhe me nahi aayenge.

ACP – DAYA pagal ho gaye ho kya? Mujhe pehchan kyun nahi rahe. Main hi ACP hoo.

ABHI – bus karo. Or batao ki humare ACP sir kha hai?

ACP – are main hi ACP hoo. Meri baat maano.

VIVEK – kuch nahi sunana hume. Hume bus itna btao ki humare ACP sir kha hai?

FREDI – haa……. Dekho chup chap se bata do ki ACP sir kha hai. kya kiya tum logo ne humare ACP sir ke saath.

ACP – are tum logo ko ho kya gya hai mujhe pehchan kyun nahi rahe?

RS – ye aise nahi batayega. JAY ise arrest kar lo. Ab ye wahi batayega ki akhir kya kya sazis ki hai isne or kya kya sazis karne wala tha.

          (JAY ACP sir ko wha se le jata hai. ACP sir sabko samjhate reh jaate hai ki wo ACP hai per koi unki baat nahi sunta)

 

SEEN – 4

 

          (sab CID beuro me baithe hai. sab pareshan hai)

TASHA – ye kya ho gaya sir hume to lga tha ki humare ACP sir wapus aa gaye per ye to…….

ABHI – pure ek mahine ki tlash ke baad ACP sir mile bhi to wo bhi humari aankho ka dhokha hi tha.

VIVEK – mujhe to yakeen nahi hota sir ki ACP sir ki jgah lekar wo SA humare beuro me ghusne ki kosis kar raha tha.

ABHI – mujhe to is baat ki fikar hai ki humare ACP sir akhir hai kha?

DAYA – haa agar ye SA hai to fir humare ACP sir hai kha? kahi isne kuch kar to nahi diya unke saath.

ABHI – agar isne kuch kiya hoga na to kasam se iska main wo haal karoonga ki saari zindgi yaad rakega.

FREDI – per sir wo to baar baar yahi keh rha hai ki wo hi ACP sir hai. or kuch batane ko taiyar hi nahi hai.

RS – uski zuban khulwana kaun sa bra kaam hai wo bhi tumhare liye DAYA. Tumhara ek thappar to acche accho ki zuban khulwa deta hai phir ye kaun se khet ki muli hai…….

DAYA – per agar abhi use kuch kiya to ho skta hai humare ACP sir ki jaan ko khtra ho jaye. Isliye jab tak hmare ACP sir nahi mil jaate tab tak hume khamosh ho rehna hoga.

VIVEK – haa……… ACP sir ki jaan ka koi risk nahi le sakte hum.

RS – ok jaisa tum log chaho. Per meri slah yahi hogi ki jyada der krna sahi nahi hoga. Is case ko jitni zaldi solve kar lo behtar hoga.

          (RS itna kehkar RS apne cabin me chale jata hai.)

 

SEEN – 5

 

          (CID beuro me saare log baithe hai.)

DAYA – kuch samjh me nahi aa raha hai. kal se soch soch kar dimag khrab ho gaya per koi rasta nahi mil rha hai.

VIVEK – haa sir hum bhi dhundh dhundh kar thak gaye per koi rasta nahi mil rha jisase ye pta chal sake ki ACP sir aakhir hai kha.

ABHI – wahi to VIVEK or jab tak ACP sir ka pta nahi chal jata tab tak hum us SA ko haath bhi nahi lga sakte.

          (tabhi FREDI aata hai uske hath me koi packet hai.)

FREDI – sir ye bahar koi chorkar gaya tha.

DAYA – aise kaise koi chorkar jaa sakta hai. kholo dekho isme hai kya?

          (FREDI packet kholta hai usme ek CD or ek letter hota hai.)

FREDI – sir ye CD hai or ye letter.

ABHI – letter dikhao zara.

          (ABHI letter le leta hai or use padhta hai.)

ABHI – "Mian ek saccha dedshbhkta hoo. Main CID or ACP sir ki bahut izzat karta hoo. Isliye main nahi chahta ki CID ko koi dhokha ho. Isliye main ye CD bhej rha hoo. Ise dekhkar aapko such ka pta chal jayega." EK Saccha desh bhkata"  ye kaun ho skta hai?

DAYa – pta nahi. Vivek CD lga kar dekhna.

          (Vivek CD lgakar dekhta hai. CD me do aadmi hote hai.)

DAYA – ye to Salim Ahemad hai. or ye uske saath kaun hai.

ABHI – aawaz thori dheemi hai. lgta hai chup kar recording ki gayi hai.

VIVEK – main sound bdhata hoo.

          (Vivek sound tez krta hai.)

SA- plan bilkul fit hai. koi garbar nahi or na hi fail hone ka koi chance.

2nd man- per agar main pkra gya to.

SA – tum bilkul nahi pakre jaoge. Kyunki kisi ko nahi pta ki hum kya karne wale hai. koi soch bhi nahi skta hi humra plan kya hai. ye ACP ise khtam kar denge. Phir tumhe mere chehre ki plastic surgery karke thik iske jaisa banana hai. phir main CID ke andar or phir mujhe koi nahi rok payega. Koi nahi.

2nd man – per kuch garbar ho gayi to.

SA – koi garbar nahi hogi. Ye plan main kitne dino se bna raha hoo. Pehle is ACp ko khtam karenge. Fir main ACP banker CID ke andar jaunga or humara kaam asan ho jayega.

 

FREDI – sir ye log ACP sir ko marne ki baat kar rahe hai.

DAYA – sath wala shayad koi doctor hai jisne is SA ke chehre ki plastic surgery karke ise ACP sir ka chehra diya hai.

ABHI – per uska chehra dikhai nahi de raha. Accha aage dekhte hai kya hai.

 

SA – to tumhe sara plan samjh me aa gaya na.

Dr. – bilkul. Main apna kaam kar doonga per agar ACP ko hosh aa gya or wo bach gya to.

SA – uski fikar tum mat karo. Iska intzam abhi kar dete hai. suno ACP ko lekar aao.

          (kuch der me ek moving chair per behosh ACP ko lekar ek aadmi aata hai.)

 

VIVEK – ACP sir.

 

SA – yahi hai na tumhari problem. To ise abhi khtam kar dete hai.

          (SA ek gun nikal kar ACP sir ko shoot kar deta hai.)

 

(sab ek saath chillate hai. ACP sir. CD khtam ho jati hai. shor sunkar RS apne cabin se bahar aata hai.)

FREDI – sir in logo ne humare ACP sir ko mar dala. Maar dala humarae ACP sir ko.

RS – dekha tum logo ne maine kha tha na ki iske piche bahut bari sazis hai.

DAYA – haa us SA ne humare ACP sir ko maar dala fir unka chehra lekar humari CID  me gusne ki kosis kar rha tha taki humare desh ko brbad kar sake.

ABHI – haa DAYA per ab uska khel khtam ho chukka hai. or ab main uski zindgi ka khel bhi khtam kar doonga.

DAYA – nahi ABHI. Kisi bhi halat me tum kanoon ko apne haath me nahi loge.

ABHI – are usne humare ACP sir ko maar dala or tum keh rahe ho ki main kanoon apne hath me nahi le sakta. Main use nahi chorunga DAYA.

DAYA – nahi ABHI pehle ye pta kar lo ki ye CD asli hai ya nahi. Forensic lab bhej kar is CD ki jaach krwate hai. VIVEK CD lekar Dr. SALU ke paas jaao or pta karo ki ye asli hai ya nahi.

 

SEEN – 6

 

          (VIVEK CD ki report lekar aata hai or sabko btata hai ki CD bilkul asli hai. uske sath kisi bhi tarah ki cherchar nahi ki gayi hai.)

ABHI – dekha DAYA. Hum jise apna ACP sir samjh rahe the wahi humare ACP sir ka katil nikla.

DAYA – haa ABHI. Lekin wo bachega nahi. Use saza zaroor milegi. Kanoon use nahi chorega.

ABHI – tum kanoon ke faisle ka intzar karo DAYA main nahi. Main use khud saza dunga. Apne in hatho se saza doonga.

DAYA – nahi ABHI tum aisa nahi karoge.

ABHI – main aisa hi karoonga DAYA. Or ab tum me se koi mujhe nahi rok sakta.

          (ABHI gusse me ACP ke lockup ki or badhta hai. baki sab bhi uske piche jate hai. ABHI lockup ka drwaz kholkar ACP sir ko bahar nikalta hai or unke uper gun point rkh deta hai.)

ACP – ye kya kar rahe ho ABHI pagal ho gaye ho kya?

ABHI – haa pagal ho gya hoo. Jab se pta chla hai ki tumne humare ACP sir ko maar dala hai tab se pagal hi ho gya hoo.

ACP – kya bakwas kar rahe ho. Main tumhare saamne khra hoo zinda. Or tum mere uper hi mere katal ka ilzam lga rahe ho.

ABHI – ilzam nahi hai ye such hai. tumhari sazis ka pta chal chukka hai hume or humare paas saboot bhi hai. ab tum nahi bachoge. Tumhe main apne haatho se saza dunga. Maut ki saza.

ACP – ye kya pagalpan hai ABHI. Gun niche rakho.

DAYA – haa ABHI. Shant ho jaao. Gun niche rakho.

ABHI – nahi…….

          (DAYA ABHI ko piche se pakar leta hai or uske haath se gun chinane ki kosis krta hai. isi beech ACP sir Vivek ki gun lekar usase ek fier karte hai. sab hairan se us or dekhte hai.)

ACP – tum logo ka dimag khrab ho gaya hai. Per main apne aap ko saccha sabit karke rahoonga. Iske liye mujhe yha se bhagna hi hoga.

DAYA – ruk jao. Dekho tum ye thik nahi kar rahe ho.

          (per ACP sir nahi maante or waha se bhag jaate hai. DAYA, ABHI, VIVEK sab unka picha karte hai. per wo unki aankho se bachkar nikal jaate hai. ACP sir ek raaste se bhag rahe hote hai tabhi saamne se ek jeep aati hai or unhe utha kar le jati hai. idhar CID beuro me sab ACP sir ke bhag jane ki wazah se bahut pareshan hai. sab milkar newz channels or papers me add de dete hai ki unhe ACP sir ki tlash hai.)

 

SEEN – 7

 

          (ACP sir ke aankho pe patti badhi hai. unke paas khara ek aadmi unki aankho se patti utarat hai. tabhi ek aawaz aati hai.)

Strainger – kaise ho ACP?

ACP – kaun?

Strainger – wahi jiski wazah se aaj tumhara ye haal hai. jiski wazah se tumhari khud ki hi team ke log tumhari jaan ke piche pre hai. wahi jisne tumhari pehchan chin li.

ACP – oh to tum ne ye sab kiya hai. per tum ho kaun? Apna chehra kyun nahi dikahte?

Strainger – bari zaldi hai mera chehra dekhne ki. To thik hai lo dikha deta hoo tumhe apna chehra. Pehchana mujhe. Main wahi Bilala Raw hoo jise tumne jail pahuchane ki kitni kosis ki per baar baar fail ho gaye. Lekin tumne or tumhari CID ne mere kitne hi kaam khrab kiye hai. kitne saare maal ka nuksan kiya hai. mere kitne hi sathiyo ko maar dala. or dekho ……… dekho aaj maine tum sab se kaisa bdla liya. Aaj tum  zinda bhi ho per murde se bhi buri halat hai tumhari. Aaj tumhari khud ki CID tumhe, tumhare hi katla ke ilzam me dhoondh rahi hai. or jin galiyyo me tum mujrimo ko dhundhte firte the unhi galiyo me tum aaj khud mare mare fir rahe ho.

ACP – To tum ho is sazis ke piche. Shayd tumhe pta nahi ki tumne kisase panga liya hai. CID ko tbah krna itna aasan nahi hai. bahut pachtaoge.

BILAL – ye lo. Jaan tumhari meri mutthi me hai or tum keh rahe ho ki mujhe pchtana parega. Meri fikar mat karo apna socho. Kya haal kar diya hai maine tumhara. Kahi ke nahi rahe tum. Apni jis CID per tumhe itna naz tha wo CID hi tumhe pehchanane se inkar kar rahi hai. are tumhara naam, tumhari pehchan sab kuch chin liya tumse maine.

ACP – meri pehchan tum kya chinoge. Are meri pehchan to mere farz se hai. mere naam se ya CID se nahi. Or main jab tak zinda hoo tab tak main apna farz nibhat rahoonga.

BILAL – ferz nibhane ke liye zinda rahoge tab na. abhi ek goli or tumhara kaam tmam.

          (BILAL apni gun nikal kar ACP sir ki or fire krne hi wala hota hai ki tabhi uske 3-4 aadmi us jgah akar behosh ho jaate hai. fir fiering ki aawaz aati hai. BILAL us or dekhta hai tabhi CID team, DAYA, ABHI, VIVEK, FREDI, TASHA sab andar aa jate hai. kuch der fiering hoti hai. last me CID sab logo ko pkar leti hai or ACP sir ko chura leti hai.)

BILAL – tum log……… tum log yha kaise pahuche. Tum log to ise maarne ke piche pare the na.

DAYA – tumne itna bara khel khela to humne chota sa khel khel diya. Or dekho na tum us jaal me fus gaye.

BILAL – iska matlab tumhe pta tha ki ye ACP hi hai.

ABHI – haa bikul. Pta to hume test ke dauran hi chal gaya tha. Per hume is sazis ki zar tak pahuchna tha. Isliye waisa hi karte gaye jaisa tum log chahte the. Tumhi ne hume bewkoof samjh rkha hai.

VIVEK – haa sir ye mujrim humesha CID ko kmzor samjhte hai. lekin inhe pta nahi ki CID ko hrana itna aasan nahi.

TASHA – tumhe kya lga hum nahi samjh sakte ki kaun asli hai or kaun nakli. Test ke dauran jab humne wo rcord dekhe tabhi hume pta chal gaya tha ki records ke saath koi cherkhani ki gayi hai. kisi ne records badle hai. or tabhi hume shaque ho gya ki iske piche koi bahut bari sazish hai. or humne waisa hi kiya jaisa tumne socha tha.

BILAL – to itne dino se tum log jo kar rahe the wo sab natak tha.

FREDI – or nahi to kya. Tumne kya socha ki tum humara computer hack karoge or hume pta bhi nahi chalega.

ACP – wahi to…….. CID ko kamzor samjh rahe the na. ab bolo. Ek baat acchi trah se jaan lo CID ko bewkoof banana ya haran dono hi namumkin hai samjhe. DAYA iski zuban khulwao.

          (DAYA jaise hi use thappar marne ke liye haath uthata hai BILAL apni zuban khol deta hai)

ACP – to ab btao kyu kiya tumne ye sab.

BILAL – mujhe nahi pta. Hume to bus ACP ko kidnap karke rakhna tha. Humne us accident me ACP ke putle ko khai se niche gira diya. Or ACP ko apne saath le aaye. Hume use bahut dino tak behosh karke rkha. Problem tab ho gayi jab hum ACP ko kisi dusri jagah sift karne ke liye le jaa rahe the ki gari ka accident ho gaya or saamne se aati Bus ke logo ko ACP mil gya. Un logo ne humare aadmiyo or ACP ko hospital pahucha diya.

ACP – or jab hospital me mujhe 2 din baad hosh aaya to mujhe lga ki mere accident ko sirf 2 din hi huye hai. aage kya hua?

BILAL – ACP ke humare kabje se nikal jaane ki wazah se humare boss bahut naraz the. Fir unhone hume dusra plaan kaam me lane ko kha. Iske tahat humne ek CD jo pehle se hi bana kar rakhi thi aap logo ke paas bhej di. Or ye saabit kar diya ki ye ACP nahi hai or ACP mar chukka hai. bus mujhe itna hi pta hai. baki ka sara plaan mere malik ko pta hai.

ABHI – kaun……… hai kuan tumhara Malik?

BILAL – wo………. Wo Salim Ahemad. Wahi hai humara malik. Or usi ne ye saara plaan banaya tha.

DAYA – kha milega tumhara ye malik.

BILAL – pta nahi. Is waqt wo kha hai.

ACP – koi baat nahi use bhi dhoodh lege. Pehle ise jail lekar chalo.

BILAL – per tum logo ne ye nahi bataya ki tum log yha kaise pahuche?

ABHI – batayenge………… batayenge per tumhe nahi kisi or ko.

 

 

 SEEN – 8

 

          (CID beuro me sab log aate hai. )

RS – congratulation aakhir tum logo ne ye sabit kar hi diya ki ye ACP hi hai.

DAYA – such ko sabit karne ki zaroorat nahi hoti wo humesha hi such rehta hai. ye humare ACP sir hai isme sabit kya karna hai.

RS – nahi main to bus isliye keh rha tha ki saare saboot inke khilaf the to……..

ABHI – sabooto ka kya hai. nakli bhi khare kiye jaa sakte hai. akasr hume kitne saare cases me aise kai log milte hai jinke khilaf saare saboot hote hai per wo hote begunah hai. koi or unhe fusane ke liye ye saare saboot zama krta hai.

RS – main to bus aise hi keh rha tha. Khair us BILAL ka kya kiya ap logo ne.

ACP – jail me hai apne malik ka intzar kar rha hai. zayad itntzar nahi krn aprega use.

RS – haa aap log milkar use dhoondh hi lenge.

DAYA – dhoondh lenge …….. are dhoondh liya.

RS – dhoondh liya. Kaise?. Kaun hai……… mera matlab kha hai?

ACP – saamne hi to hai.

RS – samne hai………. samne to main hoo………. ACP tum apne hosh me to ho.

ACP – main to hosh me hoo per ab tumhare hosh urne wale hai Mr. Ranvir Sah urf  Salim Ahemad.

RS – Salim Ahemad or main. Ye kya bol rahe ho.

ABHI – ab ye natak band bhi kro. Tumhari asliyat humare saamne khul chuki hai. humne pta kiya hai ki RS kabhi sigrate nahi pita tha or tum sigrate pite ho. Or sabse bri baat ki RS bolne me thora sa haklata hai per tum to saaf saaf bolte ho or wo bhi pure confidence ke saath.

DAYA – plan to kafi tgra banaya tha tumne bus ek hi chuk ho gayi. Wo CD hume bhijwa di.

RS – wo CD. Us CD se tumhe kaise pta chla ki main hi SA hoo.

VIVEK – us CD me jot um apni aawaz me zor zor se apna plan bna rahe the na usi se. jab main wo CD lekar forencis lab gya to DR. SALU ne btaya ki CD to original hai per ye awaz unhone kahi suni hai. phir unhe yaad aaya ki ye aawaz tumhari hai. maine ABHI sir ko ye baat batai. Or unhone onform hone ke liye tumhari aawaz record karke mujhe send kar di. Fir kyat ha. Dr. SALU ne apna jadu chlaya or aawaz match ho gayi.

ABHI – fir Vivek ne hume phone karke bataya. Or hum saara khel samjh gaye. Humne use plan humara plan btaya. Wo wha se sidha ACP sir ke paas pahuch gya unhe saari baat btai. ACP sir ko ek bug (detector) diya jisase wo jha  rahe hume pta chlta rahe.

RS – phir tumne gusse me ACP ko marne ka natak kiya taki wo bhag sake or tum mere aadmiyo tak pahuch sako.

FREDI – are waah sir iska dimag to chal nikla.

ACP – chalo ab apni zuan bhi chlao or zaldi se batao ki ye plan kya tha. Kya karna chahte the tum.

RS – main……… main kkitne dino se tum CID walo se pareshan tha. Mumbai me main apna illegle kaam shuru krna chahta tha per tum logo ne humesha mujhe mmat di. Tumhari wazah se humara karoro ka nuksan ho gaya. Tabhi main eek plaan banaya ki main CID ke zariye hi apna kaam shuru karoonga. Maine sabse pehle eke k karke sabko kidnap krwaya. Jisase ACP mazboor hokar mere paas aa jaye. Jab wo mere paas aya to maine  use kidnap kar liya or tum logo ko ye yakeen dila diya ki ACP mar chukka hai. tum sab ACP ko dhundhne me lage the isi beech uper ke officers ne officer Ranveer Sah ko ACP ki jgah Mumbai CID me bhejne ka faisla kar liya. Mera ek aadmi pehle se waha tha isliye jaise hi RS Mumbai k eliye nikla maine use mrwa diya phir uske chehre ki plastic surgery krwa kar yha aa gya. Maine wo CD isliye record krwai thi taki tum logo ko yaken ho jaye ki Salim Ahemad ne hi ACP ka khoon karke uske shkal ki plastic surgery karwai hai. yha aane ke baad maine sabse pehle Cid team ko alga krna chaha taki mera kaam aasan ho jaye phir main apna ileegel business aaram se strat kar skta tha or koi mujhper shaque bhi nahi krta.

ACP – agar tumhe RS ke chehre ke share hi CID me ghusna tha to fir mujhe kyun zinda rkha.

RS – bure waqt ke liye. Taki jab main fus jaau to tumhara instemal karke aasani se nikal jaau. Per tum humari kaid se nikal gaye. Or sari grbar yahi se shuru hui. Phir maine apne aadmiyo se kehkar CID ke computer ko hack krwaya or usme rakhe record change kar diye. Maine ACP ke finger prints apne finger  prints se badal diye. Uska DNA sample bhi badal diya. Taki tum logo ko yakeen ho jaye ki ACP hi asal me Salim Ahemad hai. per……….

DAYA – per sab garbar ho gayi. VIVEK ko computer hack hone ka pta chal gya. Waise hume tumper kabhi shaque nahi hota per tumne wo CD bhej kar khud hi apna pta de diya.

ABHI – or wo ACP sir ke chehre ki plastic surgery report positive kaise aa gayi.

RS – maine ACP ke dono galo ki plastic surgery karwai thi per uske hi chehre ki. Taki mera dusra plaan fail na ho.

ACP – waise kafi mehnat kit hi apne plaan pe tumne per fir bhi fail ho gya. Koi baat nahi jail me apne saathiyo ke saath milkar aage bhi plaan banate rehan CID ko harane ke. Filhal jail me jaao or apne baki sathiyo se bhi mil lo.

 

SEEN – 9

 

          (sab beuro me baithe hai tabhi Fredi cake lekar aata hai.)

ABHI – are FREDI ye cake kis khushi me?

FREDI – sir meri wife ne bana kar bheja hai ACP sir ke wapus laut aane ki khushi me.

ACP – iski kya zaroorat thi FREDI.

DAYA – zaroorat kyun nahi thi sir. Aap nahi the to sabse jyada dhukhi ye FREDI hi tha.

VIVEK – haa sir aapke bina CID kisi kam ki nahi hai.

TASHA – haa sir aapke bina to hum bilkul anath hi ho gaye the.

ABHI – haa sir aap hai to hum hai. ye CID hai.

ACP – nahi ABHI, ye CID kisi ki wazah se nahi hai. na mere na tumhare na kisi or ki wazh se. hum is CID ki wazah se hai. or hum me se koi rahe na rhe ye CID humesha rahegi zurm or Mujrimo ke khilaf jung larne ke liye.

 

 please press like button and do comments

The following 9 member(s) liked the above post:

vichussgadhadadabeena.thomasSoniya..Shapathshreela-SHIVZ-sherdilali--Rose--debasree04

debasree04 IF-Sizzlerz
debasree04
debasree04

Crazy Creative Minion
Joined: 13 August 2010
Posts: 17286

Posted: 13 January 2012 at 1:50am | IP Logged
wow great !!! new story from u Big smile
I will read it very soon & will comment !!
poojaluvnbt IF-Stunnerz
poojaluvnbt
poojaluvnbt

Joined: 16 June 2009
Posts: 40078

Posted: 13 January 2012 at 1:54am | IP Logged

ok friends maine CID ki story complete kar li. Per maine ye story part wise thori thori karke update ki hai. Isliye agar koi mistake ho to sorry. Main janti hoo pehli stories ki tarah acchi nahi hai. Na hi accha concept hai. But sorry friends, abhi main itna hi kar pai hoo.

 

shreela Goldie
shreela
shreela

Joined: 24 December 2009
Posts: 1508

Posted: 13 January 2012 at 7:41am | IP Logged
so u r back!Big smile very nice story Puja! loved it!ClapClap
-SHIVZ- IF-Dazzler
-SHIVZ-
-SHIVZ-

Joined: 15 April 2011
Posts: 3236

Posted: 13 January 2012 at 7:52am | IP Logged
Hey wowww nice story:-):-) The concept was amaging:-):-) Acp sir, Abhi sir, Daya sir all were in full form:-):-) Abhi sir ka ACP sir ko gun point par rakhne wala part KAMAL tha sachi:-):-) JO BHI HO APNI CID TEAM ACTING BAHUT FABULAS KARTI HAI;-);-) CRIMINALS KE TO HOSH HI UD JATE HAI:-D;-)... When CID told RS the truth tab RS i mean AS, I was imagining his shocking faceROFL ;-)... ITS A PERFECT STORY DEAR:-):-) No laash and No Phansi Dialog;-);-)... Really GREAT WORK...       Hug

Go to top

Related Topics

  Topics Author Replies Views Last Post
puja cid fun centre- Funny story last part update

2 3 4 5 6 7 ... 13 14

Author: poojaluvnbt   Replies: 110   Views: 13251

poojaluvnbt 110 13251 14 October 2010 at 9:29am by Chiinnu
Sneha Poem Centre - Updated Pg 19

2 3 4 5 6 7 ... 20 21

Author: sneh.   Replies: 163   Views: 6993

sneh. 163 6993 24 September 2010 at 5:01am by sneh.
Sneha Story Centre Updated on Page 3

2 3 4 5 6 7

Author: sneh.   Replies: 51   Views: 6281

sneh. 51 6281 05 September 2010 at 1:25am by sneh.
MY C.I.D Strories Centre

2 3

Author: poojaluvnbt   Replies: 17   Views: 6945

poojaluvnbt 17 6945 06 August 2010 at 7:26pm by tasharose
Story contest - disqualified story(late entry)

2 3

Author: visrom   Replies: 19   Views: 5895

visrom 19 5895 07 July 2010 at 10:53pm by prabha.

Forum Quick Jump

Forum Category / Channels
Forums

CID Topic Index

Disclaimer: All Logos and Pictures of various Channels, Shows, Artistes, Media Houses, Companies, Brands etc. belong to their respective owners, and are used to merely visually identify the Channels, Shows, Companies, Brands, etc. to the viewer. Incase of any issue please contact the webmaster.

Popular Channels :
Star Plus | Zee TV | Sony TV | Colors TV | SAB TV | Life OK

Quick Links :
Top 100 TV Celebrities | Top 100 Bollywood Celebs | About Us | Contact Us | Advertise | Forum Index