For all poetry lovers !!!! - Page 19

First Previous

page

Frequent Posters

405841

Inactive

Posted: 12 years ago

Dost kya khoob wafaaon ka sila dete hain

Har naye mod pe ek zakham naya dete hain

Dost kya khoob wafaaon ka sila dete hain

Tum se toh khair ghadi bar ki mulaaqaat rahi

Log sadyon ki rafaaqat ko bhula dete hain

Har naye mod pe ek zakham naya dete hain

Kaise mumkin hai,dhuwaan bhi na ho aur dil bhi jale

Chot padti hai toh paththar bhi sada dete hain

Har naye mod pe ek zakham naya dete hain

Kaun hota hai museebat mein kisi ka,ae dost

Aag lagti hai toh patte bhi hawa dete hain

Har naye mod pe ek zakham naya dete hain

Jinn pe hota hai bohut,dil ko bharosa taabish

Waqt padne pe wohi log dagha dete hain

Har naye mod pe ek zakham naya dete hain

Dost kya khoob wafaaon ka sila dete hain

Har naye mod pe ek zakham naya dete hain...!!

Quote

Adorable-RH3

@Adorable-RH3

IF-Rockerz

Posted: 12 years ago

Khuwahishein Hoti Hain Kiya Kiya, Barishon Ki Raat Mein,
Main Hun Aur Lams Tera, Barishon Ki Raat Mein,

Mangtay Hain Bheegi Rut K Saray Manzar Qurb,
Ab Inhein Samajhaon Kiya, Barishon Ki Raat Mein,

Teergi Mein Gham Ki Saya Bhi Kahan Hota Hai Sath,
Main Agar Hoti Hun Tanha, Barishon Ki Raat Mein,

Main yeh Samajhi Yeh Bhi Maara Hai Kissi K Hijr Ka,
Phoot Kar Badal Roya Hai, Barishon Ki Raat Mein,

Din Toh Jaise Taisay Duniya K Jhamailon Mein Kata,
Hijr Ne Tere Rulaya, Barishon Ki Raat Mein,

Mun Chupaye Aik Konay Mein pari Thi Dam Bakhud,
Meri Tanhai BHi Tanha, Barishon Ki Raat Mein,

Daman-e-Qaatil Pe Koi Chheent Tak Aayi Nahi,
Yun Hua Khoon-e-Tamanna, Barishon Ki Raat Mein...!!!!!!

Quote

Adorable-RH3

@Adorable-RH3

IF-Rockerz

Posted: 12 years ago

Koi aata hai yaad bohat sone se pehle.

Jo cheen leta hai ansu mere rone se pehle

Phir rehta hai raat bhar wo esey samne

Mai aksar chal parta hun uska hath thaamne

Ab neend b aay to mai sona nahi chahta

kisi qeemat pey b mai usko khona nahi chahta

ho jaey wo kash mera muje khone se pehle

Jo aata hai yaad bohat soney se pehle ❤️

Quote

Adorable-RH3

@Adorable-RH3

IF-Rockerz

Posted: 12 years ago

Hath Mein Leke Mera hath ye wada Krlo

Ab Na Choro Ge Mera sath ye wada Krlo

Tum Na Badlo Ge Badalte Mosam ki Trha

Beetny wali hai Barsat ye wada krlo

Log Halaat Badalte Hi Badal jaty hen

Tum Badlo Ge Riwayat ye Wada Krlo

Tum to waday B Bhula Dety Ho Aksar "Wasi"

Ab Na Bhulo Ge koi Wada ye Wada Krlo

Quote

Adorable-RH3

@Adorable-RH3

IF-Rockerz

Posted: 12 years ago

Yeh Pehlay Hijar Ka Qissa Hai

Go Aaj k Din Ki Baat Nhi

Kuch Umar Bhi Thi Deewanon c

Kuch Chaal Bhi Thi Mastanoon c

Hathon Mein Phool Sajatay Thay

Sajh Dhaj Kar college Jatay Thay

Kab Itnay Seedhay Sadhay Thay

Uss Waqt Tu Hum Shehzaday Thay

Phir Ik Chehra Bha Sa gia

Nazdeek Wo Dil k Aa Sa gia

Phir wo Tha Aur Baatain Us ki

Din Sab Uss k Ratain Uss ki

Phir Aisa Bichra Mila Nhi

es Dil ka Phool Phir Khila Nhi

Phir Uss k Badd Jo Log Milay

es Dil ko Jitnay Rog Milay

Har Sans Ussi k Naam Rahi

Har Sham Ussi ki Sham Rahi

Ye Pehlay HIJAR ka Qissa Hay

Jo Aaj Bhi Hum Pe Taari Hai

Ye HIjr abhi tk jaari hay..

Quote

405841

Inactive

Posted: 12 years ago

Zindagi ko guzaarne keliye tujh se milna bohut zaroori hai

Sang mere sanam yoon hi tujh ko,saath chalna bohut zaroori hai

Tujh ko paane ki aarzu mein sanam,maine barson duaaein maangi hain

Pyaar se mujh ko dekhti jo rahein,woh khuda se nigaahein maangi hain

Tu mila toh mujhe mili manzil,ab sambhalna bohut zaroori hai

Sang mere sanam yoon hi tujh ko saath chalna bohut zaroori hai

Faisla karliya hai yeh dil ne,chaahaton mein teri safar karna

Zindagi ki bahaar hai jab tak,saath tere hi jeena aur marna

Jaan bhi jaaye par wafa ke bharam,yoon hi rakhna bohut zaroori hai

Sang mere sanam yoon hi tujh ko,saath chalna bohut zaroori hai

Yeh meri jaan yeh mera waada hai,mein faqat hoon teri wafa keliye

Maang ker rab se teri chaahat ko,haath uththte nahi dua keliye

Ab na tujh ko udaas mein dekhuun,tera hansna bohut zaroori hai

Sang mere sanam yoon hi tujh ko,saath chalna bohut zaroori hai

Zindagi ko guzaarne keliye tujh se milna bohut zaroori hai

Sang mere sanam yoon hi tujh ko,saath chalna bohut zaroori hai !!

Quote

405841

Inactive

Posted: 12 years ago

Woh shakhs mujhe pyaara hai usay kehna

Wohi jeena ka sahara hai usay kehna

Log pyaare hain bohut se mujkh ko

Woh sab se pyaara hai usay kehna

Mohabbat shikaayatein adaawatein uss ki

Mujhe sab gawaara hain usay kehna

Chaahne waale aur bhi hain lekin

Hai sirf intezaar tera usay kehna

Doob na jaaun teri chaahat ke samundar mein

Wohi hai mera kinaara usay kehna

Zindagi kar di usi ke naam pe hum ne

Woh kar ke dekhe ishaara usay kehna

Wohi jeene ka sahaara hai usay kehna

Woh shakhs mujhe pyaara hai usay kehna !!

Quote

405841

Inactive

Posted: 12 years ago