Fan Fictions

   

FF:Yeh Zindagi..Part 12 Page 19 16/02/10 (Page 3)

Post Reply New Post

Page 3 of 21

yakkudimag

IF-Dazzler

yakkudimag

Joined: 14 July 2007

Posts: 4185

Posted: 21 January 2009 at 3:04pm | IP Logged
 
 
 
PART 2

Raj ko Lahore jail jaana pada..zaroori case k silsile me..kaam khatam kar k woh nikal hi raha tha..achanak Kranti se aamna saamna hua.Raj chauk gaya Kranti ko aisi jagah me dekh kar..par do minute baad usko samajh me aa gaya k Kranti kyon aai hai yehan.Sohan Singh se milne aai hai.Raj dungh reh gaya is ladki ki himmat ko dekh kar.Jail tak chali aai ..Sohan Singh itne sage lagte hain iske?Sohan Singh par ilzaam hai k unhone Lahore me bomb blast karne ka plan banaya tha.Zyada se zyada saza milne ki baat chal rahi hai.. yaa toh Kalapani yaa fir faansi ki saza.Aise ek mujrim k saath milne aai hai yeh ladki?Bhale hi kitne hi apne ho ..par ladki ho kar itna bada risk lia isne..!!Sohan Singh ko Taujee keh kar bulaati hai.Raj waha se nikal aaya..par jaa nahi saka..raste k paas apni gaadi khadi kar k intezar karta raha.

 

Kranti--Taujee..ghabraaiye nahi..bade se bada vakil karenge hum..aapko saza nahi hone doongi main.

Sohan--Puttar..yeh log tai kar chuke hain..jo bhi karvaahi hogi..dikhaave k lia hogi..tai kar chuke hain meri saza..Kalapani yaa fir Faansi..

Kranti--Nahi..aisa nahi hoga..main hone nahi doongi..

Sohan--Puttar..ek baat maanegi?

Kranti--Kahiye..

Sohan--Tu yehan mat aa aage se..aur Lahore chhod kar chali jaa..apne shaher waapas jaa..Amritsar..

Kranti--Nahi..mere apne yehan par hain..inko chhod kar nahi jaaoongi..

Sohan--Zid mat kar Puttar..Calcutta se Shubhankar bhi aa jaayega..tu akeli nahi rahegi Amritsar me.Aur tu Shubhankar se biha kar lena,dekh Kranti..tera Baap mera Bhai samaan tha..woh nahi raha..koi toh hoga uska naamleva..main tujhe is daldal me ghaseetna nahi chaahta..haalaat theek nahi hai..

Kranti--Yeh aap kyaa keh rahe hain?

Sohan--Puttar..saari umar maine guzaar di desh ki seva me..jab aakhri waqt aaya hai.. main thoda sa khudgarz ho gaya hoon..tere lia..baat maan le Puttar..chali jaa yehan se.. aur Shubhankar se biha kar..tum log saath khele..bade hue..Shubhankar se achha tere lia kaun hoga?

Kranti--Shubhankar mera dost hai Taujee..dost hi rahega..usse zyada kuchh nahi..main usse biha nahi karna chaahti..

Sohan--Dost hai toh achha hai na..tera khayaal rakhega..tujhe samjhega..

Kranti--Taujee,agar mujhe biha karna hoga,toh wajah yeh nahi hogi jo aap bol rahe hain.. biha k naam par main samjhauta nahi karna chaahti..aur sach boloon..toh mujhe biha karna hi nahi hai.

Sohan--Biha toh tujhe karna hi hoga na Puttar?

Kranti--Haan..par Shubhankar nahi..Taujee..baaki aap jo bolo..main karoongi..par yeh baat main maan nahi sakti..

Sohan--Achha theek hai..jaisi teri marzi..par agar mujhe kuchh ho gaya..toh tu Amritsar jaayegi na waapas?

Kranti--Haan..ek din Amritsar lautoongi zaroor.Yeh mera wada hai..kyonki..mera dil kehta hai..Lahore me main umar bhar k lia nahi rahoongi..Amritsar toh mujhe jaana hi hoga..aaj nahi toh kal..par jaana hoga..yeh aapke lia parathe laai hoon..khaa lijiye..jail ka khana kaisa hoga..mujhe pata hai..

Sohan--Laa de mujhe..

Kranti--Par Taujee..aisa koi kaam nahi mere lia..jo main kar sakoon?Kuchh toh madad ho sakti hai mujhse.

Sohan--Kranti..tujhe kyaa karna hai..yeh main ab tak kehta aaya hoon..par ab teri zindagi tujhe sikha degi..tu khud jaan jaayegi k ab tujhe kyaa karna hai..

Kranti--Lahore k Girls' School me padhaane ka kaam mile toh kar loon yeh kaam?

Sohan--Yeh toh bahut achhi baat hai Puttar..fir Amritsar kab jaayegi tu?

Kranti--Kaha naa..ek naa ek din jaaoongi zaroor..ab chalti hoon..

Sohan--Khush rehna meri Bachchi,main jaanta hoon,tera mann ashaant hai..rab tere mann ko shaanti de..tujhe har uljhan se nikaale.Aur Nirmal Betia ko mubarak baat dena meri taraf se..aur Shrichand se kehna apna khayaal rakhe..uski sehat kuchh theek naa hai..

Kranti--Jee..Sat Sree Akal..

**************************************

Kranti ko nikalte dekh Raj ussiki taraf aaya.."Hello..pehchana?"

Kranti--Ohh..aap..haan..pehchaan gayi..yehan is tarha aapse mulakat hogi..maine nahi socha tha.

Raj--Maine bhi nahi socha tha..shareef log ..khaas kar  ladkian is tarha jail nahi aati..

Kranti--Kyon..aap shareef nahi hain?Toh fir aap kyon aaye yehan?

Raj--Main Barister hoon..case k silsile me aaya tha..

Kranti--Main apne Taujee se milne aai thi..apne rishtedar se milneka hak sab ko hota hai..

Raj--Point accepted..usdin Parjaijee..matlab honewali Parjaijee k saath aap mandir aai.. main tha waha..aapne mujhe pehchaanne se inkaar kar dia...

Kranti--Maine aapse baat nahi ki yeh sach hai..par maine yeh toh nahi kaha k aapko main pehchaanti nahi..

Raj--B.A. pass toh kia hai aapne..ek kaam kariye..Law pass bhi kar lijiye..mujhe yakeen hai..aap Vakil bhi bahut achhi ban sakti hain..mere har baat ka jawaab hai aapke paas.

Kranti--Meri padhai k baare me aapko kaise pata?

Raj--Buajee se pata chala..khair..yeh rasta zara sunsaan hai..aapka akele jaana theek nahi..main aapko chhod deta hoon..

Kranti--Nahi main chali jaaoongi..

Raj--Okay..main samajh sakta hoon..mere saath jaane me problem hai..ek kaam karta hoon..aapko waha tak hi chhod deta hoon jaha se aapko tanga mil jaayega..yaa jaha se aap paidal jaa sakengi ghar tak..itna toh kar sakta hoon na?

Kranti--Yeh theek hai..asal me maholle k log baatein karenge..unko mauka nahi dena chaahti main..chaliye..

Thodi door jaa kar gaadi rokni padi.Checking chal rahi hai..Raj ne kaha ,"Chalo..do ghante k lia kaam ho gaya..aage itni gaadian hain.."

Kranti--Aaj kal checking bahut hoti hai..

Raj--Krantikarion k kaarnaamon ki wajah se..all thanks to them..

Kranti--Aisa kyon?

Raj--Woh log aatank failate hain..

Kranti--Azadi k lia ladh rahe hain..isko aatank keh rahe hain aap?Jalianwala Bagh me jo hua..usko kyaa kahenge?Masoom nihatte logon par golian chali..aatank toh woh bhi tha.. Gurujee ne...matlab Rabindranath Tagore ne 'Sir' ka khitaab thookra dia..is ghatna k khilaaf..

Raj--I told you..you can have a very bright future in Law..waise Tagore ko dekha hai aapne?Aap toh Calcutta me thi..

Kranti--Haan..gayi thi ek baar Shantiniketan..dekha tha..aur unke dehaanth k baad aakhri darshan k lia bhi gayi thi main..peechhle saal 7th August..He is a great man.Great poet.. great novelist..

Raj--Itni der tak gaadi me dum ghoot jaayega..chaliye baahar chalte hain..baithte hain waha..meri gaadi k saamne lambi line lagi hai..

Kranti--Theek hai..

Baahar ek pedh k neeche patthar se bani buniyaad thi..shaayad koi yehaan par ek ghar yaa dhaba banana chaahta tha..bani nahi..Raj ne kaha, "Yeha baithiye.."

Kranti--Jee..

Raj--Haan..aap kuchh keh rahi thi..haan..Tagore..great man..great poet..great novelist..

Kranti--Aap inkaar karte hain is baat se?

Raj--Dekhiye..mera yeh maanna hai..he was from a rich family..kabhi kisi chees ki kumee nahi rahi unko..aise me aisi fantacies..insaan afford kar sakta hai..kavita likh sakta hai.. geet bhi..novel bhi..

Kranti--Aisa hota toh har raees insaan ko Nobel Prize milta..unki bhi Jai Jaikaar hoti..par aisa hai nahi..ameeri ghareebhi se iska koi tallook nahi,kyon Sharat Chandra Chattopadhyay..woh toh ghareebh ghar se the..zindagi bhar ghareebhi se ladhte rahe..fir woh kaise itne bade Sahityakaar bane?Aur Kaviguru Rabindranath Tagore..haan raees the..par aur bhi bahut se raees the Calcutta me..fir kyon unlogon k kalam se aise shabd nahi nikle?Zindagi me bahut dukh Gurujee ne bhi dekhe..Mrinalini Devi,unki Patni, Renuka, unki Badi Beti..Shamindranath..unka chhota Beta..ek ek kar k aankhon k saamne se duniya chhod kar gaye..par us dard ko bhi unhone kagaz par utaar dia..baat raeesi yaa ghareebhi ki nahi hai..baat hai ehsaas ki..

Raj--Ehsaas..hmm..

Kranti--Haan..zindagi k panno par dil ki kalam aur ehsaas ki siyaahi..aur kahani ban jaati hai..khushi ho..ghum ho..par kahani banti zaroor hai..

Raj--Aur kahani me kyaa hota hai?Ek Rajkumari..jisko kisika shraap hota hai..aur woh musibat me fansti hai..aur door..saat samandar paar se koi Rajkumar aata hai..aur usko us dard se raahat dilata hai..hai na?

Kranti--Aisa zaroori nahi..zindagi hai..kuchh bhi ho sakta hai..khushi hoti hai..ghum bhi.. dard bhi aur dava bhi..yehi zindagi hai..

Raj kahi kho gaya tha..jaise is duniya me tha hi nahi..lag raha tha k waqt tham gaya hai.

Kranti--Kyaa hua?

Raj--Aapke subjects kyaa the?

Kranti--Sanskrit,Phillosophy aur English.

Raj--First class mila tha aapko?

Kranti--Haan..mila tha..ab sochti hoon..jo kuchh sikha hai..wahi yehan k ladkion ko sikhaaoon..yehan k Girls' School me padhana chaahti hoon..

Raj--Aap azadi ki ladhai me bhaag nahi lena chaahti ..Sohan Singh ki tarha?

Kranti--Azadi,desh ki azadi,bahut socha maine,par fir khayaal aaya k desh kyaa hai?Zameen ka tookda?Nahi..desh banta hai logon se..aur is desh ka aadha hissa aaj bhi andhere me dooba hai..ladkian aaj bhi padh likh nahi paati..unka hak nahi hota apna.. apni zindagi woh khud nahi choon sakti..azadi mann ki honi chahiye..uske lia zaroori hai khud ko jaanna..khud ko pehchaanna..shiksha k bina yeh mumkin nahi..agar andhere se mukti chahiye..toh ujale ki zaroorat hai..gyaan ka ujala..issi lia ladkion ko padhana chaahti hoon..har ghar se ladkian padhne aaye..khud ko jaane..is desh ko jaane.. is duniya ko jaane..zindagi ki taraf unka apna nazariya ho..

Raj muskuraya..

Raj--Aap ka ghar toh Amritsar me hai na?

Kranti--Haan,mere Maa-Baojee k dehaanth k baad mujhe Lahore le aaye Taujee. Mamajee k paas chhodne.

Raj--Ohh..kab hua unka dehaanth..?

Kranti--Jalianwala Bagh me..woh bhi the us samaroho me..main tab chhee maheene ki thi..Taujee se jaana k undono k laash k paas baithi ro rahi thi..Taujee le aaye mujhe Lahore..kyonki mera khayaal rakhnewala koi nahi tha.Mere Baojee aur Sohan Taujee gahre dost the..Baojee Bade Bhai ki tarha maante the Taujee ko.

Kranti bahut aasaani se baat kar rahi thi..par Raj k dil me kuchh choobh raha tha..Kranti bolti rahi.. "Suna hai us ghatna k baad Gandhijee ne kaha tha ,"This satenic goverment could not be mended,it must be ended"..bahut logone bahut kuchh kaha..par mujhe toh hosh nahi tha.Itihaas k panno par shaayad yeh ghatna ek national disaster k roop me aaye.. par mere lia yeh woh ghatna thi..jisne sab kuchh khatam kar dia ..mere lia..pal bhar me sab kuchh khatam..kabhi kabhi sochti hoon..main toh apni Maa k goad me thi..meri Maa ko goli lagi..mujhe bhi lag sakti thi..main bhi mar sakti thi..par main bach gayi..zinda rahi.. sahi salamat..ab isko khushkismati kahoon yaa apni sab se badi badkismati..samajh me nahi aata.."

Raj--Aap aisa kyon keh rahi hain?Abhi toh aapki zindagi shuru hui hai..aur aap hi ne toh kaha,dard hai toh dava hai..ghum hai..aur khushi bhi..

Kranti--Haan..yeh bhi sach hai..

Raj--Chaliye chhodiye..yeh bataaiye..Sanskrit me kyaa padha aapne?

Kranti--Bahut kuchh..

Raj--Shakuntala padh chuki hain aap?

Kranti--Abhiggyan Shakuntalam..?Haan..aur aapko aisi Raja aur Rajkumaron ki kahani bahut pasand hai..hai na?

Raj--Haan..ek Rishi ki Beti..doosra Raja..dono milte hain..

Kranti--Aur Raja usse pehchaan nahi paata..

Raj--Par aakhir me sab theek bhi toh ho jaata hai na?Dono mil jaate hain..

Kranti--Haan..par tab tak zindagi k kuchh keemti saal..beet jaate hain..kitna waqt barbad hota hai..

Raj--Well..aap mujhe padha sakti hain?Sanskrit?

Kranti--Shakuntala?

Raj--Nahi..Kalidas k saare novels..aap padha sakti hain?

Kranti--Achanak se Mahakavi  Kalidas par yeh meherbaani?Jaan sakti hoon kyon?

Raj--Barister banne k chakkar me padh nahi paaya..par main humesha se padhna chaahta tha..aap padhaayengi?

Kranti--Aur bhi Pandit hain yehan..unke paas kyon nahi jaate aap?

Raj--Aap se behtar nahi padha sakenge..kahiye..padhaayengi mujhe?

Kranti--Barister Laal..court me case ladhiye..kaha is dariya me koodne chale..?

Raj--Is ka matlab aap padhana nahi chaahti..

Kranti--Haan..yehi matlab hai..main padhana nahi chaahti..

Raj--Aur gyaan ka ujala..aur jo kaha aapne..uska kyaa?

Kranti--Dono alag hain..bilkul alag baat..


Checking ho gayi thi..ek ek kar k gaadion ko chhod rahi thi Police.Kranti ne kaha, "Chaliye..bahut der ho gayi.."

Raj--Haan..par meri baat ko le kar sochiyega zaroor..main sach me padhna chaahta hoon..

***********************************************

Haan..zindagi k panno par dil ki kalam aur ehsaas ki siyaahi..aur kahani ban jaati hai..

Haan..zindagi k panno par dil ki kalam aur ehsaas ki siyaahi..aur kahani ban jaati hai..

Haan..zindagi k panno par dil ki kalam aur ehsaas ki siyaahi..aur kahani ban jaati hai..

Apni diary me Rajveer naa jaane kab se yeh line likh raha tha,us din Kranti ko uske maholle k baahar chhoda Rajveer ne.Apne ghar waapas gaya..woh din beet gaya..kai din beet gaye..court ka kaam chal raha hai..sab kuchh waisa ka waisa hi hai,par kisiko andaza bhi nahi hai k Raj k andar kaun sa toofan ghar bana chuka hai.Sote jaagte..uthte baithte.. Rajveer k aankhon k saamne Kranti hi aa rahi hai..kaano me sirf Kranti ki awaz hi goonj rahi hai..yeh chakkar kyaa hai?

Raat ko Raj so raha tha..achanak uski neend toot gayi..saamne dekha..Kranti baithi hai..muskura rahi hai..

Barister Laal..court me case ladhiye..kaha is dariya me koodne chale..?

Aur fir Kranti ghaayab ho gayi.Kranti ki zindagi ka sach baar baar dimaag me aa raha hai.. uske Maa-Baojee ki maut..uska dukh..uska ehsaas..uski soch..Raj khud soch kar paagal ho raha hai.Kaun sa roop asli hai uska?Woh jo pehli baar mandir me mili thi?Yaa fir woh jo talwar chalana sikha rahi thi ek chhoti si ladki ko..yaa fir woh jo doosri baar mandir me mili..yaa fir woh jo jail k baahar mili..inme se asli Kranti kaun hai?

Raj bistar se utha..bathroom gaya..chehre par paani daala..uski aankhe laal hai..neend nahi aa rahi hai.Raj ne fir se sone ki koshish ki..par koi faaida nahi.Pata nahi fir kab mulakat hogi Kranti se..ek kaam ho sakta hai..Sanjay toh Nirmal se milne jaata hai mandir me..agar Kranti ko bulaya jaaye..toh woh bhi aa sakti hai.Par Kranti Raj k bulaane par kyon aayegi?

Aakhir me Raj ko Kranti par gussa aaya..she is a sadist..dukhi aatma..puri tarha se.Naa khud khush rehti hai..naa Raj ko khush rahne deti hai.Aisi bechaini toh Raj k andar kabhi nahi thi..aaj kal yeh nayi bimaari lagi hai Raj ko.Log sahi kahte hain..Kranti paagal hi hai. Par jo bhi kuchh usne kaha..paagalon jaisa toh nahi laga..infact..Raj ko kaafi achhi lagi uski baatein..yeh ladki soch sakti hai..alag nazariya hai iska..badalte waqt k saath badalna jaanti hai.Kya yeh wahi hai jisko Raj dhoondh raha tha?Madhumati ki Bahen..woh Lajo.. baap re..uski baatein yaad kar k hi Raj ko darr lagta hai..magar Kranti..she is nice..subtle, intelligent..person with own justified views..par haan..thodi si paagal toh hai..varna ek hi baar me itna kuchh kisi se kaise keh sakta hai koi?Ab Raj paagal ho raha hai..Kranti se kaise mile?Haan..Lahore Girls' School..wahi par padhaane ki baat kar rahi thi Kranti..kab se padhaana shuru karegi?Pata karna hoga..

 
 
 
 
 
 

 


Edited by yakkudimag - 22 January 2009 at 2:34am

Dear Guest, Being an unregistered member you are missing out on participating in the lively discussions happening on the topic "FF:Yeh Zindagi..Part 12 Page 19 16/02/10 (Page 3)" in Fan Fictions forum. In addition you lose out on the fun interactions with fellow members and other member exclusive features that India-Forums has to offer. Join India's most popular discussion portal on Indian Entertainment. It's FREE and registration is effortless so JOIN NOW!

yakkudimag

IF-Dazzler

yakkudimag

Joined: 14 July 2007

Posts: 4185

Posted: 21 January 2009 at 11:33pm | IP Logged
Where are the readers??Angry
 
 
 
 

Dawn Idol

Goldie

Dawn Idol

Joined: 06 June 2008

Posts: 2251

Posted: 22 January 2009 at 1:01am | IP Logged
Ananya ................
 
This was beautiful .............. Clap
 
I loved the convo betn R & K ..............Thumbs Up
 
I wanted them to have such a convo in the serial also .... but there the creatives are having such crazy ideas .........
 
Thank you for giving us this wonderful piece ........... Hug

pari29

Goldie

pari29

Joined: 28 November 2008

Posts: 1090

Posted: 22 January 2009 at 1:53am | IP Logged
wow yakku dat was superb mindblowing if seems ki yeh FF likhne se phele tum ne kaafi search kiya hain too good dear keep it up
aur plz next part jaldi jaldi liko i'want to read next part man kar rah tha ki kabh katam hi naa ho kash mRD actual main aesia hota achha let  me know when u update next

ranjnanarang

Goldie

ranjnanarang

Joined: 18 August 2006

Posts: 2383

Posted: 22 January 2009 at 2:31am | IP Logged
Good one Ananya
carry on.

Greenday

Groupbie

Greenday

Joined: 08 November 2008

Posts: 76

Posted: 22 January 2009 at 2:44am | IP Logged
wow yaa...its 2 gud....!!!!

stranger_for_u

Senior Member

stranger_for_u

Joined: 08 October 2008

Posts: 860

Posted: 22 January 2009 at 2:53am | IP Logged
thanks ananya.
i was waiting for this one.
yaar kya baat hai ek saath do-do surprises.
lagta hai ab lamba intezar karna padega right?
anyways.
wowwwwwwwwwwwwwwwwwwww
i think you have done lot of research huhhhhhh
sikho kuch creatives sikho.
inmein se kitne fact history ke to mujhe pata hi nahi the yaar.
par raj krantii interaction was awesome and
raj to gaya kaam se krantii ke pyaar mein.
and yes i think krantii raj ko confuse karne mein lagi hai.
par aise character ke bare mein janene ki curiosity to hogi hi isme hamre raj ki kya galti?

netu19

Senior Member

netu19

Joined: 02 December 2008

Posts: 214

Posted: 22 January 2009 at 12:23pm | IP Logged

hey you are damaging your reputation of late updatesWink.... but gud for usSmileSmileSmile.. that we got next part so soon... great update.....i always thought that original MRD wd be love story of Raj n Kranti....n not story of their marital struggle.....but you have made for what those duffers who call themselves creative of this show goofed up.....
i like this kranti better ...mysterious....baffling Raj s mind....i wish she was like that in original serial n not spoilt her mystifying personality by talking too much n being repetitive….you plz keep her like this only…


eagerly waiting where you now take this to, as of it was awesome updateClap yet again!!


Post Reply New Post

Go to top

Related Topics

  Topics Topic Starter Replies Views Last Post
A LOT LIKE LOVE#2-part 40 pg 128(LAST PART)

2 3 4 5 6 7 ... 149 150

barkha_90 1198 454191 05 May 2012 at 3:10am
By TANVI_SEXY
may be(mayur ff)part last part-page 27

2 3 4 5 6 7 ... 29 30

adi_gupta 233 75551 06 September 2009 at 5:26am
By Yoshita0411
-Lost AR- Part 1 Page 1 Note: Page 4 7/31/2009

2 3 4

Veiledbeauty 31 13484 31 July 2009 at 8:30pm
By archielicious
LOVE - AA ff PART - part 9 updt pg8

2 3 4 5 6 7 8 9 10

*~sneha~* 76 23471 30 August 2008 at 8:34am
By teenorchid
Laksh and Kt FanFic..LAST PART (PART 44)

2 3 4 5 6 7 ... 27 28

zinny.xo 216 26080 06 June 2007 at 3:06pm
By zinny.xo

Forum Quick Jump

Forum Category

Active Forums

Fan Fictions Topic Index

Limit search to this Forum only.

 

Disclaimer: All Logos and Pictures of various Channels, Shows, Artistes, Media Houses, Companies, Brands etc. belong to their respective owners, and are used to merely visually identify the Channels, Shows, Companies, Brands, etc. to the viewer. Incase of any issue please contact the webmaster.