Posted:
Lovely part yet again finally read it the first thing i have done comng online today is read ur ff its totally rocking yaar cant wait for the next part!!
Luv,
Shagun
Luv,
Shagun
Part 9
Ragini sonch mein pad gayi ke kya batayein Ravir ko.....agar sach bataya toh Ranvirji usko kahi galat toh nahi samjhenge.
Ranvir ne observe kiya ke Ragini kuch kashmakash mein hai...toh phir usne kaha..."aap bura mat maniye Raginiji....per mujhe aisa kyu lagta hai ke aap kisiko chahti hai.....aur sachche dil se chahti hai."
Ragini ne aankhen utha kar Ranvir ko dekha...aur bas usse dekhe jaa rahi thi....phir usne himmat karke poocha...."Ranvirji main....mera matlab hai ke main....."
Ranvir ne phir ek halki si smile di aur phir Rangini ke haath per apna haath rakh kar thoda press kiya jaise ke usko itmenaan dila raha ho....aur phir dheere se kaha..."koi baat nahi agar aap na batana chahe.....per main aapko itna keh sakta hoon....ke mujhe apna dost samjhiye....maine aapko aise hi tang karne ke liye yeh sawaal nahi kiya tha."
Ragini ne kaha…"main jaanti hoon Ranvirji ke aap aisa kuch bhi nahi kahenge jo mujhe bura lage…..per…."
Ranvir ne smile kiya…..voh samajh gya ke Ragini itni asaani se use kuch nahi batayegi….toh usne car ko break lagate hue kaha…."chaliye chode iss baat ko….aap bhool jayiye ke maine aapse kuch pooscha bhi tha……hum aapke dance class aa gaye."
Ragini ne palat kar window ki taraf dekha toh woh log bilkul gate ke saamne khade the…….usne Ranvir ko dekh kar smile ki aur utar gayi…..per jab door band kiya toh uska duppatta atak gaya.
Ranvir abhi car start kar jaane hi wala tha ke usne dekha ke Ragini apne duppatta nikalne ki koshish kar rahi thi……Ranvir utra aur Ragini ki taraf aane laga…..Ragini Ranvir ko dekh kar badi hi embarrassing tareeqe se smile kiya.
Ranvir Ragini kko dekhte hue uske khareeb aane laga…..Ragini ne pehle gaur nahi kiya…voh apne duppatte mein uljhi thi….aur phir achanak usne Ranvir ko apne nazdeek paya…..usne dheere se nazre utha kar dekha toh Ranvir ab neeche door ki taraf dekh raha tha jaha per duppatta phasa tha.
Ranvir jaan bhoojh kar aur paas khada ho gaya…..aur Ragini hat nahi pa rahi thi kyunki usne duppatta shirt ko pin kiya hua tha.
Ranvir ne Ragini ke haath per apna haath rakh diya aur kaha…"main dekhu ???….."
Ragini peeche move hote hue apne duppatte ko pin se nikalne gayi toh Ranvir ne kaha…"nahi nahi uski zaroorat nahi hai."
Ranvir ko pata tha ke duppatta isliye nahi nikal raha kyunki door andar se lock tha…..per voh jaan bhoojh kar time liye jaa raha tha taake voh Ragini ke nazdeek reh sake.
Phir usne duppatta nikaala aur Ragini ko dekha……"lee jiye…..yeh raha aapka duppatta."
Ragini ne thanks kaha aur waha se chali gayi…….Ranvir yaha aah bharte hue Ragini ko dekhne laga aur soncha ke kabhi toh voh apne pyaar ka izhaar karegi.
Ragini puri dance class mein concentrate hi nahi kar paa rahi thi…..bas yehi sonche jaa rahi thi ke Ranvir ne use aakhir aisa sawaal poocha kyu…..voh log itne achche bhi dost nahi bane ab tak jo aise baatein share kar sakein…..ranvir ka aakhir matlab kya tha yeh Ragini ko samajh nahi aaya.
Ranvir wapas ghar jaate hue Ragini ki nazdeeki mahsoos karke muskuraye jaa raha tha…..uska Ranvir ke nazdeek aate hi darr jaana Ranvir ko achcha lag raha tha……phir kuch sonch kar Ranvir ne decide kiya ke voh Ragini ko bata dega ke usne apne Anmol hone ki baat abhi tak chupa kar rakhi hai usse……Ranvir ne tay kar liya tha ke voh Ragini ko milne ke liye bulayega aur saari baatein clear kar dega…..ab usse Ragini se door aise kuch aur ban ker rehna achcha nahi lag raha tha…..voh chah raha tha ke Ragini usse Ranvir samajh kar pyaar karein.
Ragini still pareshaan thi Ranvir ke iss bartaaw se….usne mouqa milte hi Sadhna ko call kiya…..Sadhna ne phone liya aur kaha…."aare jiji aap….kaisi hai aap ?? mamaji aur mamiji kaise hai ??
Ragini ne jhat se jawab diya…."sab theek hai Sadhna…..mujhe tumse bahut zaroori baat karnni hai."
Sadhna Ragini ke lehje se pareshaan ho gayi aur sonch mein pad gayi ke aisi kya zaroori baat hai….usne kaha…."haan haan jiji kahiye."
Ragini ne kaha….."Sadhna….aaj Ranvirji ne mujhse achanak poocha ke main kisiko chahti hoon ya nahi…..meri samajh mein kuch nahi aaya ke achanak unke dimaag mein yeh sawaal aaya kaha se."
Sadhna ne jhat se poocha…."phir aapne kya kaha jiji??"
Ragini ne kaha…."maine kuch nahi kaha….bas waha se chali gayi."
Sadhna ne apne sar par haath rakh liya yeh soncha kar ke…..pata nahi inn logon ki kismet mein kaise milna likha hoga…..jab bhi mouqa milta hai kuch na kuch gadbad kar dete hai yeh log.
Ragini ko waha se dance teacher ne awaaz di toh Ragini Sadhna se boli…."achcha Sadhna mujhe ab jaana hoga….baakhi baatein main tumhe milne par bataongi."
Dono ne phone rakha aur apne kaamo mein busy ho gayi.
Yaha Ranvir ghar pahuncha toh Sadhna Alekh se keh rahi thi…."aap Alekh ji kal tayyar rahiyega….hum jiji ka performance dekhne Taj Mahotsav jaayenge…..kal jiji ke liye bahut bada din hai….unhono iss din ke liye bahut mehnat ki hai."
Alekh ne kaha…."yes yes dost….hum tumhari behen ke show per zaroor jaayenge….main uske liye flowers bhi lekar jaonga."
Sadhna ne yeh sunkar smile kiya….aur yaha Ranvir sab sun raha tha…..voh Sadhna ke paas aaya aur kaha…"bhabhi aap log kaha jaane ki baat kar rahe the."
Alekh aur sadhna Ranvir ko dekh kar khush ho gaye aur Alekh ne kaha…"kal meri dost ki behen ka show hai….hum log wahi jaa rahe hai….."
Phir Alekh ne kuch sonch kar khat se kaha…"tum kyu nahi chalte hamare saath??"
Sadhna bhi yeh sun kar khush ho gayi….usne bhi Ranvir se kaha…."haan Ranvirji aap bhi chaliye na…..achcha rahega….yeh li jiye aap ki ticket."
Ranvir andar hi andar khush ho raha tha….usne ticket liya aur kaha…"theek hai bhabhi….main bhi aaonga aap logon ke saath."
Yeh keh kar Ranvir apne room mein chala gaya…..Sadhna aur Alekh khush ho gaye.
Ranvir ne soncha ke yehi mouqa hai ki main Ragini ko apni pehchaan bata sakta hoon.
Thodi deir baad Ragini ki class mein Ranvir ka phone aaya….aur Ragini ne hi uthaya toh Ranvir ne kaha…"Anamika…thank god tumne hi phone liya."
Ragini ek dum khush ho gayi…."arre Anmol aap."
Ranvir ne kaha…"ji haan main…..aur mujhe aapse bahut zaroori baat karni thi."
Ragini ne kaha…"ji kahiye."
Ranvir bola…."Anamika main aapse milna chahta hoon…..ab bahut ho gayi aankh micholi….ab iss baar hum milkar rahenge…..kya aap milengi mujhse….bina koi bahane ke."
Ragini ne smile karte hue kaha…."haan Anmol main bhi aapse milna chahti hoon."
Ranvir ne jhat se kaha…"theeek hai toh phir hum…kal TAJ ke saamne milte hai.."
Ragini khush ho gayi…..phir usse achanak khayal aaya ke kal toh Taj Mahotsav hai….usne Ranvir se kaha…"nahi Anmol main kal nahi aa paongi."
Ranvir ko gussa aa gaya…."phir se ???"
Ragini ne kaha…"nahi nahi aisi baat nahi hai….voh darasal kal Taj Mahotsav hai…aur main usme perform kar rahi hoon…..hum aisa kyu nahi karte….hum kal Taj Mahotsav mein mil sakte hain….aap kal agar waha aa jaaye toh…"
Ranvir ne kaha…."theek hai…main kal waha aa jaonga…aur waha B row ki seat number 5 per baithoonga."
Ragini chaunk gayi aur poocha…"aap kaha baithenge…aapko pehle se kaise pata…"
Ranvir ne kaha…."hamare pehchaan ke kuch logon ne ticket bheji hai…isliye….ab aap bhi mujhe dekh sakengi."
Ragini ne kaha…"main mere group ki lead dancer hoon….aur main "Mere Dholna" song per dance karoongi….White and Gold dress mein."
Ranvir ne kaha…."theek hai….toh phir hum kal milenge."
Part 10
Sab log Taj Mahotsav mein jaane ki tayyari mein lage hue the….Ranvir bhi tayyar ho raha tha par pata nahi kyu voh jabse usse maloom hua ke Ragini hi Anamika hai….voh sadhna se bhi thodi baatein share nahi kar paa raha tha.
Magar ab usne soncha liya tha ke bas aaj ek hi din ki baat hai….aaj sabko pata chal jaayega….ke meri Anamika kaun hai….aur Ragini ko pata chal jaayega ke….main hi Anmol hoon.
Voh kamre se bahar aaya toh Sadhna aur Alekh uska wait kar rahe the…..voh jaane lage toh waha se Vasu aa gayi aur poocha…"kaha jaa rahe ho tum log??"
Sadhna ne kaha…."voh mummyji….meri jiji aaj Taj Mahotsav mein perform kar rahi hai…toh humlog wahi jaa rahe the…"
Vasu ne Ranvir ko dekha aur kaha…."Ranvir kyu jaa raha hai."
Ranvir ne jhat se jawab diya…"mom….main jaana chahta tha….hum ghar jaldi hi aa jayenge."
Vasu ne Sadhna ko bade hi gusse se dekha aur kaha…"tumhare mama aur maami ne hamein invite karna zaroori nahi samjha."
Sadhna ne kaha…"nahi mummyji….unhone invite kiya tha..aur tickets bhi bheje hai….per aap ne mana kar diya tha chalne ke liye toh…"
Vasu ne sadhna ko beech mein kaat diya aur kaha…"theek hai theek hai….tum tickets ghar chod kar jaao…..hum bhi waha aayenge thodi deir mein."
Sadhna bahut khush ho gayi….yeh baat se anjaan ke Vasu ko Ranvir ke liye darr tha…isliye voh aa rahi thi.
Ragini backstage se audience ki ore dekhe jaa rahi thi….usse koi nazar nahi aa raha tha….B row ki seat number 5 bhi khali thi….voh soncha rahi thi ke Anmol sach mein aayenge bhi ya nahi.
Yaha Ranvir, Alekh, Sadhna Taj Mahotsav pahuncheaur andar aane lage…..lekin Ranvir ke dimaag mein ek hi baat chal rahi thi ke pata nahi Ragini kaise react karegi jab usse pata chalega ke main hi Anmol hoon…..kya voh mujhe accept kar payegi.
Phir usne achanak waha reception se ek paper aur pen poocha aur kuch likhne laga….voh chitti haath mein pakad kar andar aaya aur waha seat ki taraf dekhne laga…..waha peeche se Ragini bhi seat ki taraf dekh rahi thi aur apne Anmol ko doondh rahi thi.
Phir Ragini ne Ranvir ko uss seat ki taraf jaate dekha aur uska dil zor zor se dhadakne laga…..usse yakeen nahi hua ke Ranvir hi Anmol hai.
Ranvir jab seat per pahuncha toh usse waha ek chitti mili….uss per likha tha….."aap aaye accha laga…..anamika."
Ranvir ne smile kiya aur idhar udhar dekhne laga.
Ragini waha parde ke peeche chup gayi….voh bhaag kar kamre mein chali gayi…aur sonch rahi thi ke…."nahi…..agar Ranvirji hi Anmol hai toh phir voh mujh jaisi ladki se kaise pyaar kar sakte hai…..voh jis Anamika ki chavi apne dil mein banaye hue hai….voh toh koi khubsurat ladki hogi….voh main nahi hoon……voh main nahi hoon………ab main unke saamne nahi jaa sakti….main yeh performance nahi doongi."
Ragini ki dance teacher ne Ragini ko yeh badbadaate hue suna toh voh pareshaan ho gayi….usne kaha…"Ragini…..tum yeh kaisi baatein kar rahi ho….ab kuch hi deir mein tumhaari baari hai aur tum peeche hatne ki baat kar rahi ho."
Ragini ne udaas ho kar kaha….."nahi…main yeh performance nahi kar sakti…..main stage per nahi jaaongi."
Dance teacher ko kuch samajh nahi aaya...unhone ek ladki ko bheja aur kaha...."dekho agar bahar koi Ragini ke rishtedaar honge toh....unse kaho ke voh zara backstage aa jaaye."
Ladki waha se gayi aur audience mein ragini ke maa baap nahi toh behen ko doondh rahi thi.....phir usne sadhna ko dekha aur kaha..."aap Ragini ki behen hai??"
Sadhna ne kaha...."haan kahiye kya baat hai."
Ladki ne kaha..."aap zara please andar chalengi....Ragini pata nahi achanak hi performance na dene ki baat kar rahi hai....abhi thodi deir pehle theek thi....phir peeche room mein aayi aur kaha main stage per nahi jaaongi.....aap chaliye na....chal kar zara usse samjhaiye."
Ladki aur sadhna jaane lage toh Ranvir ne Ladki ko roka....sadhna ne dekha nahi aur andar chali gayi.
Ranvir ne Ladki se kaha..."aap kya yeh chitti unhe de sakti hai."
Ladki ne sar hila dya aur chitti le kar chali gayi.
Yaha sadhna andar aayi toh Ragini ro rahi thi....voh bhaag kar aay aur Ragini ko gale lagaya aur poocha..."kya hua jiji....aap aise kyu ro rahi hai....aap stage per kyu nahi jayengi."
Ragini ne roe hue kaha..."sadhna voh aaye hai aaj."
Sadhna ne kaha..."kaun Anmolji....yeh toh achchi baat hai na...toh aap ro kyu rahi hai."
Ragini ne sar uthaya aur kaha..."Ranvirji hi Anmol hai....isliye....main jaanti hoon ke jab unhe yeh pata lagega aur voh mujhe dekhenge toh voh mujhse muh pher lenge aur main yeh bardaasht nahi kar paaongi....usse achcha toh yeh hai ke main unke saamne hi na jaao."
Tabhi voh ladki waha se chitti le kar aayi aur kaha..."yeh kisine chitti di hai...iss per Anamika likha hua hai."
Ragini ne chitti li aur bina khole rone lagi....sadhna ne usse sambhaalte hue kaha ke.."jiji...aap aise kyu sonch rahi hai ke voh aapse muh pher lenge...apne pyaar ko ek mouqa dekar dekhiye.....chitti toh padh lijiye."
Ragini ne chitti padhi....
Anamika…..main jaanta hoon ke shayad tumhe iss baat ka darr hoga ke pata nahi main tumhe dekh kar kaise react karoonga…..sach bolu toh mujhe bhi isi baat ka darr hai.
Main magar tumse ek baat keh dena chahta tha….aur tumse bhi yehi waada lena chahta tha ke kuch bhi ho jaaye….hum ek dusre ko dekh le aur dekhne ke baad hum ek dusre ko pasand kare ya na karein….hum ek dusre ko bina mile aur bina bataye aaj yaha se nahi jaaayenge.
Tumhara mujhe pata nahi….per main tumse waada karta hoon ke main yaha se uth kar kahi nahi jaonga jab tak main tumse mil na loon aur tumhari dil ki baat na jaan loo….aur voh yeh ke kya mujhe dekhne ke baad bhi tum mujhse utna hi pyaar karogi ya nahi.
Main apni taraf se itna keh sakta hoon ke main tumhe dekhne ke baad bhi utna hi pyaar karunga jitna ab karta hoon…..maine tumse dil se pyaar kiya hai….rang roop se nahi….isliye aaj hamara milna mere liye…meri zindagi ke liye bahut zaroori hai.
Main intezaar kar raha hoon tumhe dekhne ka……jald hi milenge.
Anmol.
Yeh chitti padhte hi Ragini ko thoda sukoon mila…usne himmat ki aur soncha ke….main bhi apne pyaar ko aaj aazmaa hi leti hoon….usne chitti Sadhna ko batayi aur kaha…..shayad pyar ko ek mouqa dekar dekhna chahiye.
Aur Ragini stage per gayi aur Sadhna bahar aa gayi aur Ranvir ke paas baith gayi….sadhna Ranvir ko dekhe jaa rahi thi….usse khushi thi ke Ranvir uski jiji se sachche dil se pyar karte hai…..Ranvir ne palat kar usse dekha toh Sadhna ne smile kiya aur bhagwaan se prathna ki ke bas sab theek karde.
Ragini stage per aayi lekin ghoonghat mein…..aur yaha se Vasu, choti ma, satyen aur baakhi sabhi ghar wale bhi aa gaye. Vasu Ragini ko bade hi gusse se dekhne lagi.
comment:
p_commentcount